KOHELETI 4 - Bibilia Kui Mdedie fo Kimochi

¹ Kyasia ngawona mbonyi tsilawode wuhendeli, shose shekewutika kunu orukenyi, mchenyeṟe ya iwo walewonyio, walawewode mowaadanyia wukiwa na ora lo walya walewonyia kuwewode pfinya indi kuwode mowasaṟia pfo.

² Ko ikyo ngaṟumisha wapfu walemepfa kota iwa wai na moo wulalu.

³ Kiidiye ikyo ngahamba nanga ulya alamewoneke, alalewona mawicho hakeri iwutika kunu wuyana.

⁴ Ngakusaṟa kya masaa hose na orio iṟunda lya wuaria, ke nyi kiidi kya mndu ailimbana na mana o mae. Isho nasho nyi maai na maai.

⁵ Tondo lyekelema mawoko halyo Likalya kelya kyalyo lienyi

⁶ Nanga nnde imu hamu na osaaṟe kota nnde tsiwi hamu na wukiwa; na ngataṟa

⁷ Ngawuya ngawona shindo sha maai.

⁸ Kuwode mndu ai amonyi, awode o kawi pfo, awode mana ma manomae pfo; na wusuṟi woke wuwode mtsitsiopfo, meso hake haihuda wusuṟi-pfo. Naho kahamba nyi kipfa kya iki njiṟunda, na ikuima shicha? Isho nasho nyi maai na wukiwa wung'anyi.

⁹ Nanga wawi kota umu; kipfa wechiwona kiira kicha iṟundenyi lyawo.

¹⁰ Kipfa wakaho, umu nechiira ichu ungi; indi ochia nyi sa ai amonyi kaho, kulawode ungi echimiira.

¹¹ Kake wawi wakalaa kimu wechiicho mrike; indi ichu ai amonyi nechiicho ada mrike?

¹² Ma mndu kaidima iwinga ulya ai amonyi, wawi wechimmbinga, ma kiwoho kya ndusu tsiṟaṟu kedumbuka owinyi pfo.

¹³ Nanga manake mkiwa mṟango Kota mangi mku ai tondo, alaichi se iambiliya mawawaso.

¹⁴ Kipfa kuiwuka kipfungonyi nalecha ichilia; ee da! Ma kiidi kya wumangi woke wokia ifeo lyake nawei mkiwa.

¹⁵ Ngawona wose wai na moo wechichumia wawodanyi na manake ulya, ichu o kawi ahoṟoki handu ha ulya.

¹⁶ Wawewode mtsitsionyi fowo pfo, iwo wose awei huye yawo; kyaindi ma kudo walya waleosha numa yake walechihiyo-pfo. Isho shose nasho nyi maai na maai.