HOSEA 3 - Bibilia Kui Mdedie fo Kimochi

Hosea na mka oke ai mmeluki

¹ Mndumii-Ruwa kanjiwia, “Hendase nokunde mndu mka amkunde nyi wasoṟo wengi sa ai mmeluki. Mkunde chandu inyi Mndumii-Ruwa njikundi Waisraeli, ma chandu wo waihalukia maruwa hengi kipfa wawodo nyi oṟoo lo mandasi ha msabibu njiumu.”

² Nahong'u, ngahuṟa mndu mka ulya ko shipaṟo ikumi na shitanu (15) sha fesa na shikunja sha shayiri ihana limu makumi nyanya na shiwi (182) sha shayiri.

³ Kyasia, ngambia, “Kikiwaṟi nowe mka oko mhendeli, ko mfiri ifoi kulaṟuhuya ma iwa mka o mndu ungi; na inyi da njechiwa mhendeli.”

⁴ Na nyi wudo, Waisraeli wechiwa: Wechikaa ko kiheri kileshe walawode mangi ang'u msongoru; ma shidaso, ang'u shimnaṟa shiele, ma shisibau sha kipeeta, ma sanamu ang'u mfanano yeindia.

⁵ Kyaindi kiheri kechicha mandi wandu wa Israeli wechihaluka na ishiha Mndumii-Ruwa, Ruwa owo, na ishiha mangi owo, o luwa lya mangi Dawidi. Nyilyondi wechiowuo Mndumii-Ruwa, na imkunda, na iambilia mboṟa tsake kiheri kya ifurumia.