EZRA 2 - Bibilia Kui Mdedie fo Kimochi

Itala lya Wayuda walya walewuya wusingenyi

¹ Iwa nyiwo walewuya wawuka wusingenyi wo Babeli chando waledao pfo kui iwawaso lya Nebukadneza mangi o Babeli, wakawuya na Yerusalemu na Yuda orio mndu mṟinyi foke.

² Wasongoru wawo nyi Zerubabeli, Yeshua, Nehemia, Seraya, Reelaya, Mordekai, Bilshani, Mispari, Bigwai, Rehumu na Baana. Ili nyilyo itala lya Waisraeli sa walewuya iwuka wusamiṟonyi.

³ Wana wa Paroshi: shiku shiwi ihana limu makumi mfungade na wawi (2,172).

⁴ Wana wa Shefatia: mahana haṟaṟu makumi mfungade na wawi (372),

⁵ wana wa Ara, mahana mfungade makumi mfungade na watano (775),

⁶ wana wa Pahath-Moabu na wana wa Yeshua na Yoabu: shiku shiwi mahana nyanya na ikumi na wawi (2,812),

⁷ wana wa Elamus kiku kimu mahana hawi makumi hatanu na waana (1,254).

⁸ Wana wa Zatu; mahana kenda na makumi hana na watanu (945),

⁹ wana wa Zakai; mahana mfungade na makumi haṟandaṟu (760).

¹⁰ Wana wa Bani: mahana haṟandaṟu na makumi hana na wawi (642)

¹¹ Wana wa Bebai; mahana haṟandaṟu makumi hawi na waṟaṟu (623),

¹² wana wa Azgadi: kiku kimu na mahana hawi na makumi hawi na wawi (1,222).

¹³ Wana wa Adonikamu: mahana haṟandaṟu na makumi haṟandaṟu na waṟandaṟu (666).

¹⁴ Wana wa Bigwai; shiku shiwi na makumi hatanu na waṟandaṟu (2,056)

¹⁵ Wana wa Adiru; mahana hana na makumi hatanu na waana (454).

¹⁶ Wana wa Ateri, ekelahose Hezekia; makumi kenda na nyanya (98).

¹⁷ Wana wa Besai; mahana haṟaṟu makumi hawi na waṟaṟu (323).

¹⁸ Wana wa Yora; ihana limu na ikumi na wawi (112).

¹⁹ Wana wa Hashumu, mahana hawi na makumi hawi na waṟaṟu (223).

²⁰ Wana wa Gibari; makumi kenda na watanu (95).

²¹ Wandu wa Bethlehemu: ihana na makumi hawi na waṟaṟu (123).

²² Wandu wa Netofa, makumi hatanu na waṟandaṟu (56).

²³ Wandu wa Anathothi; ihana limu makumi hawi na nyanya (128).

²⁴ Wandu wa Azmawethi; makumi hana na wawi (42).

²⁵ Wandu wa Kiriath-yearimu, na Kefira, na Beerothi; mahana mfungade na makumi hana na waṟaṟu (743).

²⁶ Wana wa Rama na Geba; mahana haṟandaṟu na makumi hawi na umu (621).

²⁷ Wandu wa Mikshashi; ihana limu makumi hawi na wawi (122).

²⁸ Wandu wa Betheli na Ai; mahana hawi makumi hawi na waṟaṟu (223).

²⁹ Wandu wa Nebo; makumi hatanu na wawi (52).

³⁰ Wandu wa Magbishi; ihana na makumi hatanu na waṟandaṟu (156).

³¹ Wandu wa Elamu o kawi; kiku kimu mahana hawi na makumi hatanu na wana (1,254).

³² Wandu wa Harimu; mahana haṟaṟu na makumi hawi (320).

³³ Wandu wa Lodi na Hadidi, na Ono; mahana mfungade makumi hawi na watanu (725).

³⁴ Wandu wa Yeriko, mahana haṟaṟu makumi hana na watanu (345).

³⁵ Wandu wa Senaa; shiku shiṟaṟu mahana haṟandaṟu na makumi haṟaṟu (3,630).

³⁶ Iwa nyi shishari sha Wakohanyi walya walewuya wusingenyi, wana wa Yedaya wa kishari kya Yeshua; mahana kenda na makumi mfungade na waṟaṟu (973).

³⁷ Wana wa Imeri; kiku kimu makumi hatanu na wawi (1,052).

³⁸ Wana wa Pashuri, kiku kimu mahana hawi na makumi hana na mfungade (1,247).

³⁹ Wana wa Harimu, kiku kimu na ikumi na mfungade (1,017).

⁴⁰ Walewi wana wa Yeshua na wana wa Kadmieli na wana wa Hodawia; makumi mfungade na waana (74).

⁴¹ Waimbi (wana wa Asafu) ihana limu makumi hawi na nyanya (128).

⁴² Weringa mongo fo hekalu, wana wa Shalumu, wana wa Ateri, wana wa Talmoni, wana wa Akubu, wana wa Hatita, wana wa Shobai; wose nyi ihana limu na makumi haṟaṟu na kenda (139).

⁴³ Wanethini , wana wa Siha, wana wa Hasufa, wana wa Tabaothi,

⁴⁴ wana wa Kerosi, wana wa Siaha, wana wa Padoni,

⁴⁵ wana wa Lebana, wana wa Hagaba, wana wa Akubu;

⁴⁶ wana wa Hagabu, wana wa Shamlai, wana wa Hanani,

⁴⁷ wana wa Gideli, wana wa Gahari, wana wa Reaya;

⁴⁸ wana wa Resini, wana wa Nekoda, na wa Gazamu,

⁴⁹ wana wa Uza, wana Pasea, wana wa Besai;

⁵⁰ wana wa Asna, wana wa Meunimu, wana wa Nefisimu;

⁵¹ wana wa Bakbuki, wana wa Hakufa, wana wa Harhuri;

⁵² Wana wa Basluthi, wana wa Mehida, wana wa Harsha;

⁵³ wana wa Barkosi, wana wa Sisera, wana wa Tema;

⁵⁴ Wana wa Nezia na wana wa Hatifa.

⁵⁵ Wana wa waṟundi wa mangi Solomoni; sa walewuya iwuka wusingenyi wana wa Sotai, wana wa Hasoferethi; wana wa Peruda;

⁵⁶ Wana wa Yaala, wana wa Darkoni, wana wa Gideli;

⁵⁷ Wana wa Shefatia, wana wa Hatili, wana wa Pokereth- hasebaimu wana wa Ami.

⁵⁸ Wanethini wose hamu na waṟundi wa mangi Solomoni waweshikie wandu mahana haṟaṟu na makumi kenda na wawi (392).

⁵⁹ Waipfo wandu wengi waledo na Yerusalemu wawukie: Temela na Tel-harsha, na Kerubu, na Adani, na Imeri, indi waleidima iloṟa ke wawei wa shishari sha wana wa Israeli pfo.

⁶⁰ Wo wawei wana wa Delaya, wana wa Tobia na wana wa Nekoda: mahana haṟandaṟu na makumi hatanu na wawi (652).

⁶¹ Wakakaapfo wakohanyi walewuya walaleidima iloṟa ke wo nyi oshari lou, kiidi kya Waisraeli nawo nyi wana wa Habaya, wana wa Hakosi na wana wa Barzilai. Ichu nalealika mana o Barzilai o Gileadi, naiduo rina lya ndeye o mka oke.

⁶² Walewaambia cha wakohanyipfo kipfa nalewaitala ke nyiwaterefukie.

⁶³ Mnene ulya o wa Yuda kawia wakohanyiwo ma walalye shindo shilewuto shidaso ko Ruwa mṟasa kuchepfo mkohanyi echiidima iwuta otambahaluo ko Urimu na Thumimu.

⁶⁴ Walya wose walewuya wusingenyi wo Babeli nyi waweshikie shiku makumi hana na wawi mahana haṟaṟu na makumi haṟandaṟu (42,360).

⁶⁵ Kuweipfose waṟundi wawo wa kika na kisoṟo waweshikie shiku mfungade mahana haṟaṟu makumi haṟaṟu na mfungade (7,337), walya waimbi mahana hawi (200).

⁶⁶ Frasi tsawo; nyi mahana mfungade na makumi haṟaṟu na tsiṟandaṟu (736), nzoi tsawo; nzoi mahana hawi makumi hana na tsitanu (245).

⁶⁷ Ngamia tsawo; mahana hana makumi haṟaṟu na tsitanu (435), nzoi tsawo shiku shiṟandaṟu mahana mfungade na makumi hawi (6,720).

⁶⁸ Wandu wo walewuka wusamiṟonyi na ishika kulya Yerusalemu, wanene walya wawo wakalekia masaa hawo kui mrima kundu waidime ihoṟotsa mba iya ya Ruwa alya handu iweinjiwike kuwoka.

⁶⁹ Wakainengia shisumbo shawo chandu wawewasumbe. Wakaichuṟa ipfo kikuchunyi kilo mahana hatanu tsa sahabu (500), na kilo shiku shiwi na mahana nyanya (2,800) tsa fesa na maṟao ihana limu (100) ha makuhanyi.

⁷⁰ Wakohanyi, Walewi na waringi wa hekalu, na wa maṟu waimbi walekaa kufui na Yerusalemu, wandu wengi wo wakasamia mṟi iya wafee wawo wawekekaa.