EZRA 10 - Bibilia Kui Mdedie fo Kimochi

Ialika waka wahenu lyatsitsa

¹ Kiherikyo Ezra aweterewa, na itocha njonyamaṟo echikukumba wanda echifuha ipfo mmbenyi ya Ruwa, mamingi fung'anyi fo wandu wa Israeli wasoṟo, waka na wana watutu fukacha imṟingichia na ifuha ko fowa ing'anyi mnu.

² Nalyo Shekania mana o Yehieli, awei o kishari kya Elamu, kacha kawia Ezra, “Ee nyilohi luleda wuidiki ko Ruwa odu, lukahenda ialika waka wahenu wa kunu orukenyi, makudo kuwode mkusirie ko Israeli.

³ Ko kipfa kya ikyo luwikese kiteṟio na Ruwa odu. Luhende ilekana na waka wa wahenu hamu na wana wawo. Luwute chandu iyo hamu na walya waowoye Ruwa wechilulosha. Luhende iwuta kudo chando mawawaso hahambie.”

⁴ Kekureng'u kyamba iṟundalyi nyi lyapfo likuwaṟi uliṟunde, naso nyi lui hamu na iyo.

⁵ Nalyo Ezra kakure kawoka na wakohanyi wanene, Walewi na Waisraeli wose wawike kyasa ke wechiwuta chando kilehambo. Nahong'u wakawewika kyasa.

⁶ Nalyo Ezra kakure kulya mba ya Ruwa kahenda kanyi ko Yehohanani awei mana o Eliashibu kalaapfo. Aipfo ma alakunde ilya kindo manya inyo mṟinga cha kipfa nyi alesokio mnu nyi fowa ya Waisraeli walya walewuya wawuka wusingenyi chando walewuṟa muidikie.

⁷ Nahong'u ombe lukakapo kulya Yuda na Yerusalemu, ke wandu walya wose walewuya wawuka wusingenyi wakoyane alya Yerusalemu.

⁸ Indi kokoya mfiri iṟaṟu yaida mndu alacha, kui pfinya ya wanene nechisoko masaa hake hose, nao nawewuto siṟinyi ya walya wose wawewukie wusingenyi.

⁹ Nahong'u kiidi kya mfiri iya iṟaṟu kushikie meri fo kenda mfiri fo makumi hawi, wandu wose wa Yuda na Benyamini wakakuumbia alya osehu lo hekalu lilya lya Yerusalemu. Wandu wose wakadamia wawodo nyi wuowu na idedema kipfa kya kilya walahio na kipfa se kuwekapa mvuo ing'anyi.

¹⁰ Nalyo mkohanyi Ezra kahoṟoka kawia wandu walya, “Nyi muledeko, mukaalika waka wahenu, koikyo muleengeṟia Israeli owingo.

¹¹ Koikyo dumbuyenying'u oshangunyi lo Mndumii-Ruwa o waku wanu, muwemowuta kilya akundi. Kuletsanenyi na wandu wa oruka lu, muwelekana na waka wo wahenu.”

¹² Nalyo mamwingi fulya fo wandu fukahaluo ko ṟu ling'anyi, “Yee nawudo. Lochihenda iwuta chando oluwia.

¹³ Kyaindi wakaengeṟase ihamba, wandu wa nyi sa wafoi, na wulalu mvuo ing'anyi ikeri ikapa. Luidimase ihoṟoka iya mvuonyipfo. Ko ora lungi ili chi iṟunda loidima liwuta ko mfiri fumu ang'u iwi tupu pfo, kipfa lui wadeko wafoi mnu.

¹⁴ Nyi nanga wanene wa wandu wawechiduo iṟunda lyi handu ha mkambo fu (Israeli) na orio mndu awukie ipfo mṟinyi yadu aalikie mka mhenu wache na kunu kui makamba warianyi na wanene wa mṟi yo yadu kikawa kido nyashi ya Ruwa huye yadu yechiololia.”

¹⁵ Wandu wose wakaidikiana na kindoki. Indi Yonathani mana o Asaheli na Yazeya mana o Tikwa waleidikiana nakyopfo, wakaweosho nyi Meshulamu na Shabethai Mlewi wo waleidikia kindo kyopfo.

¹⁶ Wandu walya walewuya wusingenyi wakaidikiana. Koikyo Ezra mkohanyi kasambuṟa wasoṟo kiidi kya shishari shilya kaweṟehiya marina hawo. Kikawa ke mfiri fo kuwoka fo meri fo ikumi wakawoka isaya iṟundalyo.

¹⁷ Kushikie mfiri fo kuwoka fo meri fo kuwoka, wakamarisa iṟundalyo lyemanya wasoṟo walya wose wawealikie waka wahenu.

Wandu wawewode waka wahenu

¹⁸ Wasoṟo wawealikie waka wahenu ko ora lo wakohanyi nyi Maaseya, Eliezeri, Jaribu, na Gedalia, wai wana wa Yeshua mana o Yehosadaki na mana o mae.

¹⁹ Iwa wakawika kyasa kelekana na wakawo, wakawewuta kidaso kya ichondi kipfa kya wunyamaṟi wo wowo.

²⁰ Wana wa Imeri nyi Hanani na Zebadia.

²¹ Wana wa Harimu nyi Maaseya, Eliya, Shemaya, Yehieli na Uzia.

²² Wana wa Pashuri nyi Eliehoenai, Maaseya, Ishmaeli, Nathaneli, Yozabadi na Elasa.

²³ Ko ora lo Walewi nyi Yozabadi, Shimei, Kelaya Pethahia, Juda, na Eliezeri.

²⁴ Ko ora lo walya waimbi nyi Eliashibu; ko walya weringa mongo nyi Shalumu, Telemu na Uri.

²⁵ Ko ora lo Israeli; wana wa Paroshi, Ramia, Izia, Malkia, Miyamini, Eliezari, Malkia, na Benaya.

²⁶ Wana wa Elamu: Matania, Zekaria, Yehieli, Abdi, Yeremothi na Elia.

²⁷ Ko wana wa Zatu; Eliehoenai, Eliashibu, Matania, Yereemothi, Zabadi, na Aziza.

²⁸ Wa Bebai: nyi Yehohanani, Hanania, Zabai na Athlai.

²⁹ Wana wa Bani nyi: Meshulamu, Maluki, Adaya, Yashubu, Sheali na Yeremothi.

³⁰ Na wana wa Pahath-moabu nyi: Adna, Kelali, Benaya, Maaseya, Matania, Besaleli, Binui na Manase.

³¹ Wana wa Harimu: Eliezeri, Ishiya, Malkiya, Shemaya, Shimeoni.

³² Benyamini, Maluki na Shemaria.

³³ Wana wa Hashumu: Matenai, Matata, Zabadi, Elifaleti, Jeremai, Manase na Shimei.

³⁴ Ko wana wa Bani: Maadai, Amramu, Ueli

³⁵ Benaya, Bedeya, Keluhi,

³⁶ Wania, Meremothi, Eliashibu,

³⁷ Matania, Matenai, Yaasu.

³⁸ Na wana wa Binui: Shimei,

³⁹ Shelemia, Nathani, Adaya,

⁴⁰ Maknadebai, Shashai, Sharai,

⁴¹ Azareli, Shelemia, Shemaria,

⁴² Shalumu, Amaria, na Yosefu.

⁴³ Wana wa Nebo nyi: Yeieli, Matithia, Zabadi, Zebina, Jadai, Yoeli na Benaya.

⁴⁴ Iwa wose wawealikie waka wahenu koikyo wakalekana nawo, hamu na wana wawo.