EZEKIELI 15 - Bibilia Kui Mdedie fo Kimochi

Mfanano fo msabibu

¹ Idedo lya Mndumii likanjichea lyechihamba;

² “Iyo mndu, ngesa ikidi lya msabibu nyi lieṟie ko wucha mashidi ho hengi ha ngeṟenyi? Ngesa ikidi lyo lyapfo lyeidima isungusia kindo kyose?

³ Ale, wandu weidima isungusia nalyo ma sombo yo yemasa kindo kyose?

⁴ Kindo lyeidima nyi iatsa nalyo modo tupu. Kyamba likameaka njora tsose na o makidi hawi kukamehaluka mkaa na lyechiidimase isungusia kindo kyose?

⁵ Ambuya kiheri kyo fulawemekoṟo fuwekeidima isungusio kindo kyosepfo, chi ngoseṟa ili fomemaa ikoṟo modonyi? Fochiidima iwuta kindopfo.

⁶ Ambuya Inyi Mndumii-Ruwa ngahambale wai; Chandu njilewuta ikidi lya msabibu kiidi kya mashidi ho ha ngeṟenyi, likahenda ikoṟo modonyi, na wudo njiwutia wandu wo wa Yerusalemu.

⁷ Njikeri ikuhoda nawo ko nyashi. Manya kokoya wechihenda idicha modo fo indi modo fo fochihenda iwarumatsa. Njihenda ikapana nawo ko pfinya ing'anyi nanyo muwuteho imanya ke inyi nyi Mndumii-Ruwa.

⁸ Kyamba wandu wa walekunda injihendelia pfo, njihenda ihaluo oruka lowo mrapu. Nyi wudo Inyi Mndumii-Ruwa ngahamba.”