2 WAKORINTO 3 - Bibilia Kui Mdedie fo Kimochi

¹ Alewo nyi luwoka-se lingi ikumanyisha so uwenyi ko? Ang'u nyi luwuṟye cha wengi paruo tselumanyisha ipfo konyu ang'u tsingi tseluhamba tsii-njiṟehye n nyo ko?

² Baruo iya yadu nyiyonyo; nayo nyiyo injiṟehye ipfo ngoonyi tsadu imanyikye na isomo nyi wandu wose.

³ Nyi mutambahalukye na pata ke nyi mui paruo ya Kristo i njitomboyane nyiso, ii njiṟehye chi kui wino kya indi kui Mumuyo o Ruwa chu menyi-moo; chi mapalu-hu ha mahopfo indi mapalu-ho ha ngoo stii nyama.

⁴ Indi ikusihya na Ruwa lidi lyo luliwode lui-waenenge nyi Kristo.

⁵ Chi lui watechi wokusaṟa kindo cha ili kiwewukye kodufo, kya indi wutechi wodu wuparikye ko Ruwa.

⁶ Nao nyio alutanyie watechi wepfuruṟukanya mkundano fu mhya fulai fo mṟeho indi nyi fo Mumuyo; kyamba mṟeho foende opfu, indi Mumuyo awikye moo.

⁷ Kyasia kokoya wupfuṟukanyi wurie opfu iwo wo mṟehonyi ii-mtaruo mahonyi halya, kokoya nawo wuwerie ngeela ikaenenga wana wa Israeli walaweidima yambuya oshangu lo Mose kipfa kya ngeela iya ya oshangu-hu loke, iweihenda sia.

⁸ Alae nyi wuda wo wueṟa wupfuṟukanyi wo Mumuyo wuwe na ngeela?

⁹ Kyamba kokoya wupfuṟukanyi wu wowonya wandu mti wuwei na ngeela, nyi wochiwa wo wueṟa wongeela wueṟye mnu.

¹⁰ Kyamba na kilya kiwerie ngeela kidembo-hu kilya kyakyo kyewa ihambo ii na ngeela sumhana na ngeela iieṟye idipfo.

¹¹ Kyamba kokoya kilya kehenda isia kiwekuidya-ho kirie ngeela nyi wuda wo wueṟa mnu kilya kyekaa kikeri na ngeela.

¹² Ili lui na mkusihye fukeri fudi-le nyi luikuachia na wutambahalutsu wose.

¹³ Lulawika cha Mose aweshikye kyamu kyake na kishikya, kundu wana wa Israeli wala wone wechiambuya mtsitsyo fo kilya kiweihenda isia.

¹⁴ Kya indi mhie yawo ii mumiṟe. Kyamba shika mkonu fo inu kishikya kilya kikaa kikuwodye-ho orio kundo wekesomyo mkundano fulya mku fulawakutambahalukye ke nyi fuimbute-ho nyi Kristo.

¹⁵ Kya indi itane inu orio mandi Mose echisomo kishikya kilya kyashikya ngoo tsawo.

¹⁶ Indi mkonu wakuhalukya Mndumii kishikya kilya kyechiwuto-ho.

¹⁷ Nahong'u Mndumii nyio Mumuyo cho. Na hando mumuyo o Mndumii ai o nyi hondo kuwode mkuachie.

¹⁸ Indi so lose lukuilye ngeela ya Mndumii kui oshangu lushikukye loilachyo mfananyie fulya fulya fuitike yengeṟyo ngeela chando kohenda itano nyi Mndumii ai Mumuyo.