2TIMOTEO 1 - Bibilia Kui Mdedie fo Kimochi

¹ Inyi Paulo, njii msu o Kristo Yesu kui wuitiki wo Ruwa wusumhanye kyasa kiteṟye kya moo fui na Kristo Yesu.

² Ngakuiṟikiṟa iyo Timoteo mana oko sa mkunde. Ngakulangia wutonga na osaṟio na ofoṟo shiwukie ko Ruwa Wande na Kristo Yesu Mndumii odu.

Madedo heana na hewanza mrima

³ Ngaana Ruwa ichu njiweimfuṟukanya na mrima fuwode ngo tsiharami chandu waku wako walerunda njekyeana Ruwa ili njiikusenda iyo shiterewyonyi shako mfiri na kio.

⁴ Njiwodo mnu m macha hekuwona kio na mfiri njekumbuo mchenyeṟe yapfo kundu njiichuṟo na sia.

⁵ Ngatamuo na mwidikie fopfo fo lohi, nafo kyekuyo Luise nawefuwode na mayo o Eunike. Indi njikusirie naafo ufuwode.

⁶ Nkyo imaduma ngakukumbuṟia ke amtsa kiinengo-kyo kya Ruwa ulekiinengo nyi Ruwa mkonu fulya njilekuhekya mawoko.

⁷ Kipfa Mumuyo luleinengo nyi Ruwa chi folutana waowu-pfo; kya indi, nyi fo pfinya na makundie na osaṟe.

⁸ Iki kikuenenge kulareenze iṟingishia kya Mndumii odu manya ulaṟeenze kipfa kyako inyi, njii mpfunge kimaduma kyake. Kya indi ukulunge-ho ihenda wawyo kimaduma kya Ndumi ya Sia ya okiio kui pfinya uleinengo nyi Ruwa.

⁹ O nyi alelukiṟa, kalulaha luwe wandu wake; ndaho njele. Kimtewye chi mawuto hadupfo; kyaindi nyi kyama kiwei kyake amoonyi na wutonga wulya alelusumba kiidi kya Kristo Yesu mandi halya ha maheri halawendewiko.

¹⁰ Wukawewonesyo kodu wulalu ilindi Mkiṟa odu Kristo Yesu alewoneka kawuta-ho opfu kashika iwika-ho moo na mkae fulechisia kui Ndumi ya okiio.

¹¹ Kyayo Ruwa nalenjisambura inyi njiwe msu na mlosha na moedia Ndumi ii ya Sia.

¹² Nakyo kyatewa ngaliso wukiwa wo isho. Indi ngapfia kyasho sonupfo, kipfa njichi ichu njimkusirye njii mbanzie imanya ke o awode pfinya yeringa kilya njimsumumbe itane Mkonu fulya fulya.

¹³ Ukuwade tapu na madedo halya hechiṟa mrima njilekulosha ngamekuwia hai mtaato fokuhoṟokya mwidikyenyi na mkundienyi fo kiidi kya Kristo Yesu.

¹⁴ Kilya kicha ulemsumbo kewekiringe-wo necha kui pfinya ya Mumuyo Mwele ichu ai kiidi kyadu.

¹⁵ Na uichi ke walya waiiya Asia walenjidicha wose waata wawo nyi Figelo na Herimogene.

¹⁶ Mndumii nawonye mba ya Onesiforo osaṟio loke kimaduma alenjiwihiṟya moo kafoi ma alalepfia sonu kya ili njimpfunge.

¹⁷ Kya indi ili mandi aleshika Roma nyi aleitika injipfula kui wuitiki na itane alenjikoya.

¹⁸ Mndumii namwenenge nashike ikoya echisaṟyo oshangunyi lo Mndumii Mkonu fulya fulya. Na iyo uichi necha chando aweinjipfuṟukanyia kafoi ipfo Efeso.