Yayqoobey 4 - Kille Caaqo

Iita ogiyafa maaddhi Wontose bemba inge gisha

¹ Hi giddaaka tooraara birriyaray ayafani e yoone? Ye esini hi muxhurowa darguttiya yese acho maxona iita hi col'e col'aafa dendasuna maaquwaye?

² Hi worge abako degexey hinumba e iissho geedeko axe hi wodhe. Keddaysi col'i degexe hi dheeddoyna hi birruse, toora hi denxe. Wonto hi shi'uwa gisha hi worge abako degexese danda'uwaytako.

³ Wonto shidhakoni ye hi shidhi degexe abako hi acho maxo gara feyssheshe iita col'ana hi shi'e gisha hi shi'esa degexuwaytako.

⁴ Hinuno Wonto dhaddi fede wontoko handeseesito! Ha saha eetasi Wonto iilaxe maaqesa eruwaytuwa? Aadewoko ha saha eehe worgesi uddi Wontose iilaxuko e maaqe.

⁵ Hayla Fissharowa ohisine <> yeydi e hidosi mikkewa hinumba e bishe?

⁶ Yeydi e maaddhakoni fissharowa ohisine <> yeydi e hine gisha Wontoy axuse keenge modhete maxoy kossi kossiko e hange.

⁷ Ye e gisha Wonto afana mati esuse woosuttuwayte! Humbayesema inxha'uwayte, hinukofa dhaddiko e ba'e.

⁸ Wontoko uquwayte, Wontoni hinuko uqako uqe. Hinuno cubbachito, hi kuche geeshuwayte! Hinuno lam'i maxona sekke hanke hineesito, hi muxhurowafa iita base ooxuwayte!

⁹ Hi gawwaanna iitana higiluwayte, duuzuwayte, yeekuwayte! Hi miiche duuziyaka hi maggani keddaydese higilsaaka arxuwayte!

¹⁰ Laaxi buro yekke hinumba ullaysuwayte! Esini wokke hinumba kedda keddako e hise.

Axi gara yaa'e worgussuwasso

¹¹ Nuundo nayshito! Sekke hanke wola guncofita. Axe gunceeshiti oo'oyne axi gara yaa'eesiti wogako u gunce, woga garako u yaa'e. Woga gara ne yaa'a'ayketese yaa'axe ne sungesa baaka woga kattase maaquwannako.

¹² Woga gaddasaara yaa'esaaray Wontowoko. Maareseni bayseseni danda'esi esawoko. Hinne fede axi gara yaa'e neni esi oonena?

Wonto maxo oycci yese gisha

¹³ Hatteni siwwayte! <> yeydi hineesito!

¹⁴ Fetto guta maaqe abako eruwaytako. Esi hinuni abana? Bidziya bento yenniya baatta hine hade sahaafa kese suuleke yesesa maaquwaytuwa?

¹⁵ Yeydi hiyekofa hiye hinumba e worgusesi <> yeydi hiyeko hinumba e worguse.

¹⁶ Hinunimay yeydi hiyasheesha dhaddiko <> yeydi hi nashutte. Yeydi nashuttey be uddina iitako.

¹⁷ Yoonase ye modhe maaqe abako hante e worgusesa erisine hante dheebey cubboko e maaqe.