Yayqoobey 1 - Kille Caaqo

Burona sawo

¹ Wontosaara Laaxi Yesuusi Kristosasaara maala maaqe taa Yayqoobekofa ha saha gara budutti yese tamma lam'i ommituse anxutta woosso. Modhiya sawa hi yese?

Danda'ona aadexonaara gaxunaara miime gisha

² Nuundo nayshito! Be bishana bishana yese maddhay hi gara e yooneniyaka orjena magguwayte.

³ Ye esini hi aadexoy naa'utti beyuttusune danda'oko hi degexe.

⁴ Gaxe keengesa nayjhete keenguwa uuxha axaara facete keenguwasaara hi maaqoronike hi danda'oy aallicira makko hinukaa dicuwaye.

⁵ Hi giddaafa ooneni gaxe facceshesha maaqo'ayko Wontoy ooneni haasse baaka uddiyadese inge jhergo keenge Wonto e maaqe gisha shi'uwaye, Wontoy esuse ingako e inge.

⁶ Ye e gisha eeze baaka <> hidi hissine Wonto shi'uwaye. Ye esini eeze axi agexi sekke hanke en'use bagade jhirahoko e bishe.

^7-8 Ye e bisha axi lam'i maxo keenge axaara be ogiya sekke hanke hine axaara be maaqe gisha Wontokofa abani be ekkesa esa bishofe.

Jhi'owara wodumaaray be yesona

⁹ Be yesonani dheebenani yekke ullaydese Wonto aadexesi Wontoy esa wokke kedda e hise gisha magguwaye.

¹⁰ Woduma maaqe axi e woduntiyara esaaray hade gubba fiireke gukke gisha Wontoy esa ullaysoosuna magguwaye.

¹¹ Awway undi suulumete maatay melli fiirey gufete hade e bisha modhetey baanenike wodumay be hanta gara sekke hanke hissineko e baane.

Axi gara yoone naa'o gisha

¹² Maddhay be gara yookete dandadhi miinge axi maddha be iissho geede Wontoy biya eeheesituse <> hidi e hidese moore maaqe yeso be degexe gisha suuzuttesesako.

¹³ Wontoy iita abakona naa'utti beyuttuwasso. Fetto beese oone garani naa'o be oowa gisha ooneni naa'oy be gara yookete <> yeydi hidoppe.

¹⁴ Maaquwaye baaka axi be bidzi bidzina e naa'uttesi beese be col'anako. Ye e col'ako esa goochishine qaarusesa.

¹⁵ Axi col'ana be iichutto geedeko cubbo e hante. Ye cubboy be dicco geede haybose aandi e elluseydiko.

¹⁶ Eehuttese nuundo nayshito! Qaarusuttofita!

¹⁷ Uddi modhe inguwara uddi facete keenguwa modhe suusaaray wona afaa yesine fo'e ingeesita uddi meddha Wontokofako e ingutte. Esini hade gejhoke sekke hanke hiwwass,o artuwasso.

¹⁸ Meddhowafa angusse nu maaqoronikeko beese be maxoke aade ohiya yese be katona numba e yello.

Be siidosa hantana beyse gisha

¹⁹ Eehuttese nuundo nayshito! Ha ta ohesa gaxhuwayte! Axi be uddina siyese eehesa, zeerese alleywasa, ukke huuluwasa maaquwaye.

²⁰ Axi be huuloyna Wonto gizo maxoke hantese danda'uwasso.

²¹ Ye e gisha tuna abako uddi laddi bente iita hanta oossi hi lubbo maarese danda'e Wontoy hinukaaka gaddese kato shenona ekkuwayte.

²² Siinesawo maaddho badi yesine katoy ohenike hantuwayte. Siinesawo maaqo'ayko hinumbako hi qaaruse.

²³ Ye esini kato siidi e otonike hantuwa axi be aafusha daw'atana beeda axuko e bishe.

²⁴ Be aafusha daw'atana beedi be hando geede yenniyawo waydi e maaqichosha e bote.

²⁵ Maaquwaye baaka shawo kessese danda'e facete keenguwasa maaqe Wonto woga naddhi beedi esuna miindi ye woga siidi botto badi yesine hantana beyse axe Wontoy e hantana suuzoko e suuze.

²⁶ Be unxhure katto badi yesine <> yeydi hine axi bembako e qaaruse. <> hidi e hinesi yahoko.

²⁷ <> hidi hine axuse e kuxesa Wontoy <> hidi hiyoronike ye axi usadey usindoy baadese nayshita u adey adey baadese indowaxhita u maddha woggaaka uso mariyara ha saha tunaafa bemba kafiyarako esa e worguse.