Roomaxituse 4 - Kille Caaqo

Abrahaamey aadexona gizzosa

¹ Hine, nimba yella Abrahaamey am degesso hidiwu ni hiye?

² Abrahaamey be hantana gizesesa e maaddhako esuna be cee'uttesa keemako e keemaane. Hattema Wonto buro esuna be cee'uttesa keenguwasso.

³ Hayla Fissharoy am ohe? <> hidiko e hine.

⁴ Hanta hante axuse e hanto wooma shamey e gatto gafa wooma shameko baaka esuse mikke ingo maaquwasso.

⁵ Axi beese modhe hante dheeddakoni axe e cubbowafa maare Wonto be aadesso geede e aadexoy gizo maaddhiko e taabutte.

⁶ Dawitey be badena Wontoy e hanta beedi e maaddho baane fede ogena esa gizusso axi aba makki aallo suuzuttesesa e maaqesa addusisine

⁷ <

⁸ Wontoy e cubbo e gara taakuwa axi suuzuttesesako>> yeydiko e hido.

⁹ Hinne Dawitey <> yeydi hidositi Ayhudaxituwani Ayhuda maaquwasitani kosaara e kose? Eewwa, Ayhuda maaquwasitani kosako e kose. Ye esini <> yeydiko nu hidese.

¹⁰ Hinne waydi e taabutto? Gada e utto geediyani gada e uttosume buroni e taabuttosi? Gada e utto geede e maaddho baane gada e uttosume buroko.

¹¹ Abrahaamey gada utto badi yesune e aadexoy gizo maaddhi taabuttesenike beysesuko Wontoy esa gada e uttoronike e mato. Ye e gisha gada utto badi yesine Wonto aadesi uyne u aadexoy gizo maaddhi taabuttosituse uddi Abrahaamey adeko.

¹² Yeydiwo Abrahaamey gada utteseesituseni adeko. Ye ususe ade maaqese e dandadhosi gada u uttosunawo e maaddho baane Abrahaamey beese gada utto badi yesine aadessi e hando ogena u handoosunako.

Aadexiya yeseesituse ohutta gobbo

¹³ Abrahaamey be fira fiixhaara ha saha e dhaalenikeko Wontoy esa gobbusso. Esani e gobbussosi Abrahaamey Wonto woga e katto gisha e maaddho baanne Wonto e aadesso gishaara e aadexoy gizo maaddhi taabutto gishaarako.

¹⁴ <> yeydi hineesiti dhaalaxe u maaddhakoma aadexoy go'uwasako maaqaane, Wontoy gobbusso gobboni yeydiwo go'uwasako e maaqaane.

¹⁵ Wogay e oonesi Wonto huulako. Wogay dheeddakoma woga garey badiko e yecha.

¹⁶ Wontoy gobbusese gobboy e bentesi aadexonako. Ye e gisha Abrahaame fira fiixhay uddi ye gobbusuttese gobbo Wonto maxo modhetiyafa dendasuna u ekkenike eezuttuwasso. Abrahaame fira fiixha hidi hiyoni wogana yeseesitawo e maaddho baanne hade Abrahaameke Wonto aadexeesitusaarako. Ye esini Abrahaamey aadexo ogena nimba uddi yella adeko.

¹⁷ Yeydi e maaddhosini Abrahaamese <> yeydi e diizuttonikeko. Abrahaameni haydhechashituse yeso ingesa, badi yechashe e yesoronike mahesa maaqe be aadesso Wonto buro nuuse adeko.

¹⁸ Abrahaamey <> hidi gobbo e gara e gaddo abakoy baa woggaaka Wonto aadexisiniyara gobbisiniyarako e yecha. <> yeydi e diizuttonikeko be nuunana nuunana zeere laga axituse ade e maaddho.

¹⁹ Esi beese xhiixi bera ellese axe maaddhi cindi yeluwasa maaddhiyara e machi Saaray cindese menxe maaddhi yelese i danda'uwasa maaqenikiyara eresa maaddhakoni aadexona gatto baasso.

²⁰ Fetto aadexona oseydi Wonto e kussosa baaka Wontoy esa gobbusso gobbo eezzo baasso.

²¹ Ye esini Wontoy <> hidi gobbusso gobbose e mahenike bidzi muxhurona eezo keenguwadiko e yecha.

²² Ye e gisha Wontoy Abrahaamey aadesso aadexona gizo mati e taatto.

²³ <> yeydi hine katoy e diizuttosi Abrahaamesewo e maaddho baane

²⁴ niisaarako. Ni Laaxi Yesuusa haybowafa densa Wonto aadexe nimbani gizo matiko e taake.

²⁵ Wontoy e woga ni gardo gisha Yesuusay hay'oronike garsi e indo. Nimba gizo mahese esa haybowafani e denso.