Roomaxituse 15 - Kille Caaqo

Aadexona miindo baasiti gisha

¹ Nuni aadexona miindi yeseesiti aadexona miindi eedho baasiti gafete idde numba e worgusesa baaka nuusewo magge numba worgusuwasso.

² Nu bidzi bidzina fede axita u miimoronike uso go'ese magguse abako nu hantoose.

³ Ye esini <> yeydi e diizuttonike fetto Kristosay yecho yesoy bemba maggusese maaquwadiko e yecha.

⁴ Hayla Fissharowafa nu degexe danda'onaara miimetenaara gobboy nuuse yesoronike buro diizuttasi uddi numba erusese diizuttiko e yese.

⁵ Hinuni Yesuusi Kristosaara hi yese gisha hi danda'oronikiyara hi miimoronikiyara mahe Wontoy wolko bidzo maaddhi hi yesoronike hinumba mahuwaye.

⁶ Yenniyako bidzi muxhuronaara bidzi nuunanaara nu Laaxi Yesuusi Kristosaade maaqe Wonto hi kuxe.

Kristosay uddi axume yoodosa

⁷ Yoonase axiti Wonto kuxoronike Kristosay hinumba beeko aytonike hinunini wola hanke aykuwayte.

⁸ Ye esini Ayhudaxita yella orje maaqe olo adiyaxhituse ohuttecha gobbo minxese Wonto aademe hissine Kristosay Ayhudaxituse hantaxe e maaddhonikeko hinuse ta ohe.

⁹ Assi esume hantaxe e maaddhosi be wude wude yese axi uddi Wonto maaro gisha esa u galatorosako. Ye esini <> yeydiko e diizuttese.

¹⁰ Assi <> yeydiko e diizuttese.

¹¹ Assi <> yeydiko e hine.

¹² Yeydiwo Isayasiyani <> yeydi hineesitako diizutti yesa.

¹³ Hi gobbey Ayaana Geeshi osana dicishine hamoronike axe gobbuse Wontoy esa hi aadexe gisha maggaara modhetiyara uddi hinuse inguwaye.

Phawlosey oonese anxuttosa

¹⁴ Nuundo naysho! Hinuni hinuse orjena modhe axita hi maaqesa uddi erana kundesesaara wol maxo siidi efese danda'esaara hi maaqesani eezuwasso.

¹⁵ Bidzi bidzi abakita hinumba maxusese wordiko ha woosso hinuse naassi ta diizzo. Naassi hinuse diizese ta dandadhosi Wontoy axuse keenge maxo modhetiyafa taase ingutta adetonako.

¹⁶ Ye e maxo modheteni hade Wonto Hayla Zawa kahineke maaddhi Wonto modhe odo Ayhuda maaquwasituse ohese Yesuusi Kristosa hantaxuko ta maaddhese. Ha e gisha Ayhuda maaquwasiti Ayaana Geeshuna haylondesesaara Wonto magguse kaasha u maaqorosaarako ta hante.

¹⁷ Ye e gisha Yesuusi Kristosase maaddhi Wontose hantese ta dandadhosunako ta cee'utte.

¹⁸ Esuna ta cee'uttesi ta oto kato badenaara ta hanto hanta badenaara Ayhuda maaquwasita Wontose u woosuttoronike Kristosay matosunawoko baaka fede badena maaquwasso.

¹⁹ Yeysi e matosini Wonto Ayaana osana, yeragitunaara micushe hantanaarako e maaqicha. Ye ogenani Yerusaleemefa Iliwariqoone googe aallo Kristosa modhe odo oti uddi alsiko ta yese.

²⁰ Uddi woggaa hantese ta worgesini axi kaacho gara keexe ta keexhuwannike Kristosa sunxi sinto baa godo modhe odo oheko.

²¹ Ye esini <> yeydi e diizuttonikeko uso siisiya ta yese.

²² Hatte aallo hinuko hamese ta dandadho baasi ye esunako.

Phawlosey Rooma hamese uqusso maxo

²³ Hattema ye wudittaa yecha hanta ta alsese gisha laga beraafa ayti hinuko hame ta worgichosha

²⁴ Ispeene hamese yeyna garisine hinumba beyese massiko ta yese. Oddhe wonta aallo hinunaara wolko decci ta saza ta kesso geede dhaddi ta hangusune worguse base taase hi mahenike gobboko ta keenge.

^25-26 Hattema Maqadooniyakaara Akkayaakaara yese Wonto zawa axiti Yerusaleeme yese aadexeesiti giddaaka yese jhi'ita marese <> hidi u kundese gisha ye ususe kessa miijhe ettiko Yerusaleeme ta hange.

²⁷ Yeysi marese eetiko u yese, aadewo yeysi mahey ususe worgusesako. Ye esini Ayhuda maaquwasiti Ayhudaxitaara wolko Ayaanana bente suusi shahaxe be maaddho geede ha saha woduntena Ayhudaxita marey ususe worgusesako.

²⁸ Ye e gisha ha bhikkiluttese maro miijhe Yerusaleeme aandi indi ye hanta ta also geede dhaddi Ispeeneko ta hange. Yeyna garisine hinumbani beetako ta beene.

²⁹ Hinuko ta hamoroniyaka Kristosay inge suuse e kumena hinuse etti ta hangenike erako ta ere.

³⁰ Nuundo nayshito! Wonto shi'ena ta karduttenike hinunini ta gisha shi'ena tamba hi maroronikeko nu Laaxi Yesuusi Kristosanaara Ayaana Geeshi eehanaara hinumba ta shi'e.

³¹ Taase Wonto hi shi'orosini Yuuda wudiya yese Wonto aadexuwasiti kuchiyafa ta attoronikiyara Yerusaleeme yese aadexeesita ta hantay e maggusoronikiyarako.

³² Ha esi maaddho geede Wonto maxo e maaqo'ayko hinuko maggana handi hinunaara wolko yesine wola nu doojhushorosako ta worge.

³³ Modhete inge Wontoy hi uddiyara wolko yesuwaye. Ameen.