Roomaxituse 11 - Kille Caaqo

Wontoy Isra'eelaxituse keenge maxo

¹ Hine <> hidiko ta oyce. Fetto inxhadho baasso. Hay tani Abrahaame fira fiixhaafa benta Isra'eelaxuko, Biiniyame nayshaafa bidziko tani.

² Hay beewayte, uddi abakoy maaqeesume buro be xhardecho Isra'eelaxita Wontoy inxhadho baasso. Elaasey Isra'eelaxita Wonto buro waysi e luuttonike Hayla Fissharoy aba e gisha ohesa eruwaytuwa?

³ Eelaseni <> yeydiko e luutto.

⁴ Hine Wontoy esuse abaydiwu e mato? <> yeydiko e mato.

⁵ Hatte ha woggaani Wontoy axuse be keenge maxo modhetena e xhardo attese oddhe axiti yesako u yese.

⁶ Wontoy e xhardosi axuse be keenge maxo modhetena e maaddho geede e xhardosi axi hanto hanta beedi maaquwasso yeydi hiyoko. Axi hanta beedi e maaddhakoma Wontoy axuse keenge modhete maxoy aade maaddho badiko e dhabaane.

⁷ Hinne am e maaddho? Isra'eelaxiti be wordosa degexutto baasso. Xharuttaasiti be wordosa u degessosa baaka attaasiti aade beesine beewasitako u maaddho.

⁸ Ye esini Hayla Fissharowa <> yeydi e diizuttonikeko.

⁹ Dawiteni <

¹⁰ u beewanike u aafe buro ceenguwaye, u zaheni uddi wogga kuuro kessuwaye>> yeydiko e hido.

¹¹ Hinne <> yeydiko mati ta oyce. Fetto yeydi maaquwasso. Isra'eelaxiti be omma maaquwa fede axita dhiiddhoronikeko Wonto woga u gardosuna Wontoy u omma maaquwasita e loolusso.

¹² Isra'eelaxiti Wonto woga gardosi ha sahase laga suusuko e oodo. U ungey Ayhuda maaquwasituse suuse oodiko e yese. Yebo, Ayhudaxitini kumena loolete suusi waakeydese lagani e maaqorosi!

^13-14 Hatte yoonase ta zeeresi Ayhuda maaquwa hinusuko. Hinuke Ayhuda maaquwasituse Wontoy anxuttase mati taa e maagesso gisha taase meqete igina maaqeesiti <> hidi dhiiddhete haliya bidzi bidzita ussaafa ta loolusa'aykete hidi hissineko hantiya ta yese, hanta gara ta muxhuro ta gade.

¹⁵ Wontoy uso dattosuna fede ha saha gara yese axiti Wontowara wolko naqutto geede Wontoy uso hanke ekke wogga aba e maaqesawa hinumba e bishe? Ye esimay haydhechashitako yeso degessa yeydi hiyoko.

¹⁶ Liixhiyafa burona ettosi hayla maaddho geede ye liixhey kumena haylako. Yeydiwo bidzi mixuse e xhabhoy hayla maaddho geede e hangitini haylawoko.

¹⁷ Hade be ozaa totteso gulta hangituke maaddhecha Ayhudaxitaafa bidzi bidzita Wontoy bursi dattineko hade shanka gulta hangituke maaddhese Ayhuda maaquwa hinuni u giddaa gelli Wontokofa u ekkicho woduntiyara u suusaara hi shato.

¹⁸ Ha e gisha hinuni xhabhona hi ee'esa baaka hinunnana xhabhoy ee'uwa gisha hade hangituke burdi undese Isra'eelaxiti gara nashuttofita.

¹⁹ <> yeydi hiyesuko ne danda'e.

²⁰ Ye esini aadeko. Wontoy uso bursi dattosi esa aadexe u dheeddineko. Hinuni Wonto hi aadessosafa dendasuna eedhiko hi yese. Jhashuwayte baaka nashuttofita!

²¹ Be mixi gara yecha hangituse Wontoy higile be dheeddo geede hinuseni higiluwasso.

²² Yebo, Wonto jhergowara e cametiyara beewayte! E candosi undasiti garako. E jhergetemay miindi hi yessako hinusuko. Miindi yese hi dheeba'aykoma hinunini buroko hi bure.

²³ Wontoy uso buro u godowa hanke mahese be danda'e gisha Isra'eelaxiti esuko hanke maaddhi u aadessako buro u godowa essako e esse.

²⁴ Hinuni Ayhuda maaquwasiti hi meddhuttowafa ayti shanka gulta hangita maaqichine meddhona hinuse maaquwadecha godo ozaa tofutta gulta gara tofuttiko hi yese. Hine hinuni yeydi tofutto geede fetto ozaa tofuttese gulta hangita maaqe Ayhudaxitimay buro be godowa maaddhi ame tofuttese u danda'uwaane?

²⁵ Nuundo nayshito! <> hidi hi cee'utteesume hatte aallo ijhaa yecha base hi erorosako ta worge. Ye esini Isra'eelaxiti Wontose siye u inxhadhosi aallicira makko e maaddho baanne xheyguttese Ayhuda maaquwasiti uddina hanke Wontoko yoone aalloko.

²⁶ Yoonase Isra'eelaxiti ha ogenako be kumena u loole. Ye esini <

²⁷ U cubbo ta ooxusune usaara wolko ta caadhecho caaqoy ye esako e maaqicha>> yeydi e diizuttonikeko.

²⁸ Modhe odo badena nu beesune Isra'eelaxiti ye esa efe be dheeddo gisha Wonto iilaxita maaddhiko u yese. Ye esini hinumbako Ayhuda maaquwasita e godho. Wonto xharo badena nu beesune Isra'eelaxita yella orje maaqe olo adiyaxhita e gobbusese gisha Isra'eelaxiti e eeteseesitako.

²⁹ Ye esini Wontoy be xhardo geediyara axuse ingo be indo geediyara sekke be maxo arxuwasso.

³⁰ Hinuni ha esume buro Wontose woosuttuwasitako hi maaqicha. Hattema Ayhudaxiti Wontose woosutte dheeddosuna hinumba Wontoy maardiko e yese.

³¹ Yeydiwo hinuni maaro degesso ogenako usini maaro degexese hatte Wontose woosuttuwasa maaddhi u yese.

³² Ye esini Wontoy axe e uddina maarese hidi woosutte dheeddi u hine ye esuna tufaxe maaddhi u yesoronike e mato.

³³ Wonto woduntiyara e gaxaara e eraaray waydese aakow! E yaa'a ooneni arsi beyese danda'uwasso, e ogeni eresi baasso!

³⁴ Hayla Fissharowa <

³⁵ Wontoy hanke esuse mahoronike Wontose tal'ese axi ooneni baasso>> yeydiko e hine.

³⁶ Ye esini uddi abakoy esukofako e bente, esunako e yese, uddi abakoy esusuko. Koolo makkina kuxay esuse maaquwaye, ameen.