Qollasiyasaxituse 4 - Kille Caaqo

¹ Laaxito! Hinunini hinuse hi Laaxi afaa yesenike hi ere gisha hinuse hanteesita gizo yaa'anaara ususe e worgusenike mahenaara ahuwayte.

Wonto shi'e e worguse gisha

² Wonto galatisine uddi wogga birti oseydi esa shi'uwayte.

³ Esume hissine ta tufuttese Kristosa gisha ohesa maaqe e also makkoy eruttese danda'uttuwasa ohese nu danda'oronike Wontoy modhe odose gasa do'oronike nu gisha shi'uwayte.

⁴ Ohese tamba e worgusenike addaanna ta ohoronike taaseni shi'uwayte.

⁵ Aba woggani modhe hanta hantese marutti aadexuwasitaara wolko gaxuna yesuwayte.

⁶ U bidzi bidzise e worgusenike waysi sekke mahese hi eroronike hi zeere zeerey uddi woggaaka hade sogoy essa undese kaxake soodhesesaara modhesesaara maaquwaye.

Aallicira sawo

⁷ Tikiqosey waakeydi ta yesenike e kumena hinuko ohoko e ohe. Esini eehuttese indo na'aara hantaseni muxhuraxaarako. Taara wolkoni Laaxi maalako.

⁸ Esume esa hinuko ta anxesi nu gisha hinuko e ohoronikiyara hinumba e minxoronikiyarako.

⁹ Esaara wolko hinukofa maaqe muxhuraxaara eehuttesesaara maaqe nuundo na'i Anasimooseko hinuko hangesa. Usini haya yese zeere uddi hinuko ohoko u ohe.

¹⁰ Taara wolko tufuttese Aristrokosey hinumbako e sawuse. Barnabase akko na'i yele Marqoosey hinumba <> hidiko e sawuse. Buro hinuko ta otesenike Marqoosey hinuko hange woggaaka esa mokkuwayte.

¹¹ Yostose sunda Yaasoy hinumba <> hidiko e sawuse. Wonto kaatetose wolko nu hante axiti giddaaka Ayhudaxiti ha usitawoko. Tambani modhussi minsiko u yese.

¹² Hinukofa maaqe Yesuusi Kristosa maala Ephafrani hinumba <> hidiko e sawuse. Esini hinuni Wonto oge gara uuxhi e maxo addussi e kumena hi eroronike hinuse uddi woggako Wonto shi'ena e kardutte.

¹³ Hi gisha yeydiwo Lodoqiya katamaakaara Hirapholise katamaakaara yese axituse orjena e gakkenike tanini esuse atoko.

¹⁴ Akime maaqe eehuttese Luqaaseni yeydiwo Demaaseni <> hidiko hinumba u sawuse.

¹⁵ Lodoqiya yese indo nayshusheni maaqqe yeydiwo Nimfosaara i zawaaka bhikkilutte aadexeesitusaara ta sawo ohuwayte.

¹⁶ Hinuse diizzi ta anxe ha woosso hi zeerussosi geede Lodoqiya yese Wonto zawaxiti zeerusoronike mahuwayte. Hinunini assi Lodoqiyaka aadexeesituse anxuttese woosso etti zeerusuwayte.

¹⁷ Arkiphaasekoni < hidiko e otese>> hidi ohuwayte.

¹⁸ Ha sawo ta kuchena diizzasi tanko Phawlose. Tufutti ta yese gisha tamba bottofita. Wontoy axuse keenge maxo modhetey hinuse maaquwaye.