Matoose 6 - Kille Caaqo

Jhi'ose inge gisha

¹ Yesuusani assi zeerisine < hissine hi hante hanta garafa hinumba kakkuwayte. Yeenke maaqo'ayko afaa yese hinade garafa aba woomani degexuwaytako.

² Jhi'ose ingisine axi uddi eroronike matofita. Axi nashoronike Ayhuda Bhikkilo Zawaakani ogiyakani hanteesiti awshachitako! Aadeko hinuse ta ohe, be efashe wooma ettiko u yese.

^3-4 Nenimay jhi'ose ingo ne inge woggaaka ne ingoy ijhaanna e maaqorosa oshichi kuchena ne ingesa hadursi kuchey fetto erdoffe! Ijhaanna ne hantosa beene niyadey ne hanta woomako neese e inge>> yeydi e hido.

Wonto shi'e gisha

⁵ Yesuusani assi <

⁶ Nenimay shi'isine ne zawa gelli gasa ayti ijhaa yese bentuwa niyade shi'uwa. Ijhaanna ne hantosa beene niyadey ne hanta wooma neese ingako e inge.

⁷ Wonto bidzi abako gisha shi'isine hinuni Wonto bade maaquwasituke galalsi shidhofita! Bidzi abako galalsi u shi'esuna Wontoy ususe siinesako uso e bishe.

⁸ Hi shidho baanne hinumba worgusesa hinadey buronawo e ere gisha hinuni usuke maaddhofita.

⁹ Yoonase ha esuke shi'uwayte:

¹⁰ Ne kaatetoy yoowaye, ne maxoy afaa be hantuttenike yeydiwo ha sahaani maaquwaye.

¹¹ Hanzose maaqe boora nuuse inguwa!

¹² Nuu miidhasituse <> hidi hiya nu yesenike nenini nu miidhosa <> hidi hiwwa.

¹³ Ye iita garafa nuu maaruwa baaka naadhi beene abakowa nuu gelsofuna! [Kaatetey, osay, kuxay koolona neesuko, ameen.]>

¹⁴ Axi hinumba miidhosa hidi hi hitta'ayko afaa yese hinadey hi miidhosa hidiko e hine.

¹⁵ Hinuni axi miidha hidi hiye hi dheeddako hinadeni hi miidha hidi hiwasso>> yeydi e hido.

Xhooma gisha

¹⁶ Sekke Yesuusay <

¹⁷ Nenimay ne xhoongeniya ne aafusha shoti ne qino tishuwa.

¹⁸ Ye esuke ne xhoongesa ijhaa yese niyadewo baaka ooneni feday eruwasso. Ijhaanna ne hantosa beene niyadey ne hanta wooma neese ingako e inge.

Afaa wodunte eeluse gisha

¹⁹ Hinuse wodunte ha sahaaka qooqannanaara wuhanaara e baane godo kaysitini meyssi gelli kayse godo eelusofita!

²⁰ Maaqe baaka afaaka hi wodunte qooqannanaara wuhanaara bayese e danda'uwa godo kaysitini meyssi gelli kaysese danda'uwa godo eelusuwayte!

²¹ Esume yeydi ta hinesi eellese hi woduntey yese godo hi maxoy yahaka yese gishako>> yeydi e hido.

Aafe modhete gisha

²² Yesuusay <

²³ Ne aafey harga'ayko ne garay kumenako cenchawo e maaqe. Hinne neeka yese fo'ey cencha e maaqo'ayko waakidini cenchay shanna cencha e maaquwaane?>> yeydi e hido.

Be yesose maddhume dheebe gisha

²⁴ Yesuusay assi <

²⁵ Tanimay hinuse hinesi hidi hissine hi yesose maddhundofita. Miyutte kaxame axi yesoy garuwaye? Maa'utte maa'ome axi garay garuwaye?

²⁶ Haaya mee, kafita beewayte. Ayluttuwasso, acuttuwasso, li'iyani gelsuttuwasso. Afaa yese Wontoko hinadey uso muussesa. Hine ye kafitume hinuni fetto garuwaytuwa?

²⁷ Hinukaafa be maxona maddhundi be bera gara fetto bidzi wonte kosese danda'esi ooneni?

²⁸ Maa'ose ame hine hi maddhunge? Haaya mee, gubba yese fiiriti waydi diciya u yesesa maxuwayte! Hantay uso gafusuwasso, beese zuquttuwasso.

²⁹ Iitana moddhese maa'o maadha kuxa fuula keengicha kaati Salamoneni fetto usaafa hade bidzikeysi maadho baasso.

³⁰ Hinuni Wonto hi gobbesi waakidi oddhe e maaddho! Wontoy gubba yese maata hanzo benti guta tamaa dafuttesa yeysi waarussi maysesa be maadho geede hinumba hine waani gardesesa e maysuwaane?

³¹ Ha e gisha hidi massi maddhundofita!

³² Wonto bade maaquwasiti yeenke yesesa uddi degexesuko u kardutte. Uddi haanxho hinumba e worgusenike afaa yese hinadey erako ere.

³³ Burussi Wonto afa kaatetemiyara Wonto gizo hantamiyara karduttuwayte. Yeenkesesi uddiko hinuse e ingutte.

³⁴ Yoonase gutase maddhundofita, gutase yese maddhay gutase ellako e elle. Wontay be bidzina bidzina biya elle maddhako e keenge>> yeydi e hido.