Matoose 5 - Kille Caaqo

Afa kaatetiya yese magga

¹ Yesuusay yeenxhi axi laga be beedoniya bakka gara kessi e utto. E erusichoshitini yenniya esuko yoodinne

² uso erusisine

³ <

⁴ Be muxhurowafa higileesiti magguttuwaye, Wontoy ususe osako e inge.

⁵ Gawwo aako maaqeesiti magguttuwaye, ha saha dhaalesi usuko.

⁶ Wonto gizete naayeesitaara sazzeesitaaray magguttuwaye, gizete degessi mishoko u mishe.

⁷ Maareesiti magguttuwaye, Wontoy uso maarako e maare.

⁸ Wontose geeshi muxhurona yeseesiti magguttuwaye, Wonto beetako u beene.

⁹ Naqowara modhetiyaray yesoronike hanteesiti magguttuwaye, Wonto naysheydiko u hiyutte.

¹⁰ Wonto gizo hantame goodowara maddhaara ekkeesiti magguttuwaye, afa kaatetey ususuko.

¹¹ Ta gisha axiti hinumba cashushuniyara maddha u beysusuniyara zaaddi iitana uddi hi sunxe u baysusuniyara hinuni magguwayte.

¹² Yeydiwo goodowara maddhaara hi buro yecha kaayaxiti garani ellussiko u yecha. Afa kaatetiya hi degexe woomay orje e maaqe gisha fetto iitanawo magguwayte, ililli hidi hiwwayte!>> yeydi e hido.

Sahase sogowara fo'iyara maaqe gisha

¹³ Sekkeni Yesuusay <

¹⁴ Bakka gara yese katamay fashuttese danda'uttuwasso. Yeydiwo hinuni ha saha gara yese axuse faqeko.

¹⁵ Faqe faddhi zawa yeseesituse uddi e beysorosa e fo'ey bente keddaydese godoko e gadesa baaka kofa e bakka gufunxesi ooneni baasso.

¹⁶ Yeenkewo axiti modhe hi hanta beedi afaa yese hinade u kuxoronike faqe maaddhi axi buruwa faquwayte>> yeydi e hido.

Muse woga gisha ohuttase

¹⁷ Sekkeni assi Yesuusay <

¹⁸ Aadewoko hinuse ta ohe, afaara sahaaray yese aallo uddi basi itoro aallo Muse wogay hanta gara e feyshesha baaka wogaafa bidzi diizzo beytani yeydiwo fooxhuttesesini attuwasso.

¹⁹ Ye woossowafa eero maaddhese bidzoni fetto woddusesaara feditini woddusoronike erusesaaray afa kaatetiya uddime barsuko e maaqe. Maaqe baaka woosuttecha woossita katti fede geritini kaforonike eruse axi afa kaatetiya uddime angussuko e maaqe.

²⁰ Hinuse ohoko ta ohe, hi gizetey Muse woga eruseesitumiyara Farasaxitumiyara e gardo baasa fetto afa kaatetiya geluwaytako.

²¹ Buro yecha gerituse ohuttase siidiko hi yecha. hidi hinesako.

²² Tanimay hinuse yeydiko tayne. Axi gara huulesi uddiko e yaa'utte. Axe ooneni hidi casha'ayko uddi yaa'eesiti buroko e uqe. yeydi casha'ayko uddi Gaanname hiyutte bayese danda'uwa tamasuko e yaa'utte.

²³ Wontose e gara kaashushooshi buro uddhi ne ingo ingese hissine feday neese keenge zeerey yesesa gaxho'ayko

²⁴ ne ingo e gara kaashushooshi da'aa yaha dhaddi burona handi neese zeere keenge axaara wolko naquttuwa. Ye e geede yahafa maaddhini Wontose inguwa.

²⁵ Ne iilaxi niya luuttinne esaara yaa'a zawa hangisine ukkenawo ogiya wolla naquttuwayte! Naqutte hi dheeba'ayko yaa'axusuko ne iilaxi garsi niya e inge. Yaa'esini be yebose niya ingeteko tufe zawa ne gele.

²⁶ Aadewoko hinuse ta ohe, ne gara unda miijhe bidzi saanteni shato badi ne shamoro aallo yahafa kesuwannako>> yeydi e hido.

Laggete gisha

²⁷ Sekkeni assi Yesuusay << yeydi ohuttase siidiko hi yese.

²⁸ Tanimay hinuse hinesi maacho beedi be muxhurowanna iso col'asi uddina be muxhurowanna yenniyawo isaara laggettiko e yese.

²⁹ Yoonase oshichi ne aafey cubbowa niya gelsesa e maaqo'ayko kessi ne garafa dakkuwa! Kume ne garay Gaannamiya dafutteesume ne garafa bidzi baadako bishako e bishe.

³⁰ Oshichi ne kuchey cubbowa niya gelsa'ayko ne garafa bursi dakkuwa! Kume ne garay Gaannamiya dafutteesume ne garafa bidzi baadako bishako e bishe.

³¹ yeydiko assi e hiyuttecha.

³² Tanimay hinuse hinesi i laggetto baanne fede zeereme hissine be macho dakkesi uddi i laggetoronikeko e mahe. Dafutta indoni ekkesi uddi laggetako e laggete>> yeydi e hido.

Caaqo caaqe gisha

³³ Yesuusani assi < yeydi ohuttase siidiko hi yecha.

³⁴ Tanimay hinuse hinesi hissine fetto caadhofuna. hidi caadhofita. Ye esini Wontoy essa utti kaatiya yese godoko.

³⁵ hidi caadhofita. Ha sahani Wontoy be toke e gara gade godoko. hidi caadhofita. Malla kaatuse e katamako.

³⁶ Hi qinona caadhofita. Fetto bidzoni hi qino ufussaafa booxe mahese oo'oyne karxe mahese danda'uwaytako.

³⁷ Zeerese hi worgesi e maaqo'ayko , e maaqo'ayko hidi hiwwayte. Ye esume gare zeerey Humbaye garafako>> yeydi e hido.

Be iilaxe eehe gisha

³⁸ Yesuusay assi << yeydi ohuttase siidiko hi yecha.

³⁹ Tanimay hinuse hinesi iita neese hanta axuse iita matofita. Oshichi ne anqaa baqesuse hadursi ne anqani assi arsi beysuwa.

⁴⁰ Bidzi axi ne shaamijhe efese niya luuttako ne kooteni dhagguwa effeere.

⁴¹ Bidzi axi hidi niya e maddhunsako, e otechoshume e dakke esaara hanguwa.

⁴² Niya shi'esuse inguwa. Ne garafa tal'e worgesa oossofuna.

⁴³ yeydi ohuttase siidiko hi yecha.

⁴⁴ Tanimay hinuse hinesi hi iilaxe eehuwayte, hinumba goodeesitusaara maddhunxeesitusaara shi'uwayte.

⁴⁵ Ha esuke hanta'ayko afaa yese hinadese e nayshe hi maaqesako hi beyse. Esi iitaseni modheseni be meddho qoossuko e kesse. Gizo axituseni cubbachituseni yeydiwoko ira e bukuse.

⁴⁶ Hinuni hinumba eehe axitawo hi eetako aba woomani Wontoy hinuse e inge? Axe maddhunxe qaraacitini yeenkewoko u hante.

⁴⁷ Hinuse hi badewo sawusesa hi maaqo'ayketese aba gardesesani hantiya hi yese? Wonto bade maaquwasiti yeenkewo maaquwaye u hantesi?

⁴⁸ Afaa yese hinade maaqe Wontoy beese fetto orjena modhe e maaqenike hinuni yeydiwo fetto modhe maaquwayte!>> yeydi e hido.