Matoose 4 - Kille Caaqo

Humbayey Yesuusa naadhi beedosa

¹ Ye e geedeni Yesuusa Humbayey naadhi beyorosa Ayaana Geeshi saha melaa e aando.

² Yaha oyddi tammi wonta qama xhoondi e naayutto.

³ Yenniyani naadhi beyena eruttese Humbayey Yesuusako yoodi < hidi hiwwa>> yeydi e hido.

⁴ Yesuusani << yeydiko e diizuttese>> yeydi e hido.

⁵ Ye e geedeni Humbayey hayla maaqe katamaaka Yerusaleeme esa e aando. Wonto Hayla Zawa qinowa keddaydese godowa essi

⁶ << hidiko e diizuttese. Ha e gisha neni Wonto yele maaqo'ayko hayafa yekke doondi hodhuwa!>> yeydi e hido.

⁷ Yesuusani < hidiko assi e diizuttese>> hidi e hido.

⁸ Assini Humbayey Yesuusa orjena keddaydese bakka gara e aando. Ha saha gara be kaatetona kaatetona yese iitana moddhese kuxa fuula keenge wudita uddina beysi

⁹ <> yeydi e hido.

¹⁰ Yesuusani < yeydiko e diizuttese>> yeydi e hido.

¹¹ Ye e geedeni Humbayey Yesuusa datti dhaddi e hando. Wonto woosaxitini esuko yoodi worgusesa esuse u mahicha.

Yesuusay eruse aytosa

¹² Yesuusay Yohanisey aykutti tufuttosa be siido geede Galila wude e hando.

¹³ Nazrate katamaafa dhaddi Qifirnahoomeydi hiyutte katamaa handi e utto. Qifirnahoomey bagade da'aa yese katamako. Ye katamay Zabiloone katamaara Naftaleeme katamaaray essaaka yese wudiyako e yese.

¹⁴ Yeydini e maaddhosi kaayaxi Isayasey zeerdechoshi e aaloronikeko.

¹⁵ Isayasey ohisine <

¹⁶ Cencha godowa yese axiti orje fo'eko u beedo. Hayboy hade dooshuke fasshi yecho wudiya yese axituse fo'ey kesso>> yeydi hidechoshako.

¹⁷ Yenniyafa ayti Yesuusay <> yeydi hissine ohe e ayto.

Oyddi geri xheyse

¹⁸ Yesuusay Galila bagade da'aanna garichine wolindo na'axhe lam'e e beedo. Usini Phexhroseydi hiyutta Simooniyara esindo na'i Indiraasiyarako u maaqicha. Gulxhe aykeesita be maaqicho gisha esuna aykuso maarabe waassaa u dakkicha.

¹⁹ Yesuusani <> yeydi e hido.

²⁰ Usini be maarabita yaha datti yenniyawo esaara u hando.

²¹ Yahafani haga e garusune fede lam'i wolindo na'axhey Zabdoose nayshi Yayqoobiyara Yohanisiyaray zabhaaka biyade Zabdoosiyara yesine maarabe naqiya u yesune beedi <> hidi e hido.

²² Yenniyawo essa be yecho zabhaara biyadiyara yaha dhaddi Yesuusaara u hando.

Yesuusaara laga axi handosa

²³ Yesuusani Ayhuda Bhikkilo Zawittaaka erusisine afa kaatetese modhe odo ohisine axiti gara yecha be bishana bishana yese hargiyafa uddi loolusisine Galila wude gawwo uddi e hanticha.

²⁴ Hargaxe e looluse odoy Sooriya wude aallo uddi e sintinne be bishana bishana hardi maddhundechaashita uddina Yesuusako u oodo. Ye hargaxitaafa xhoozi aytechoshiti jhiice harge keengeesitaara beenna hantese danda'uwa tokey doccesheeshitaaray usaaka yecha. Yeenxhita Yesuusay uddina e loolusso.

²⁵ Galilaafani <> hidi hiyutte wudefani Yerusaleemefani Yuudaafaara Yordanose waaxi semfafaara yoodaasiti iitana axi lagay Yesuusaara u hando.