Matoose 11 - Kille Caaqo

Xhamaqicha Yohanisey Yesuusako anso woosso

¹ Yesuusay be erusicho tamma lam'ituse woosso oti be also geede be yecho godofa beese ukke maaqe katamittaa Wonto kato ohesaara erusesaara e hando.

^2-3 Xhamaqicha Yohanisey tufe zawaa yesine Yesuusi Kristosay hantosa siidi be erusichoshitaafa Yesuusako ansi << hidi hiyuttecha Mesihey nembani fedaara nu kafe?>> hidi hissine u oycorosa e anso.

⁴ Yesuusani ye woosaxituko <

⁵ Bal'itini beya u yese, doomitini gizzi hamiya u yese, kom'e hargaxitini loolli geejhiya u yese, dhagitini siya u yese, haydhechashitini dendiya u yese, jhi'ituse modhe odoy ohuttiya e yese.

⁶ Tamba etti dhumuttuwasi suuzuttesesako>> yeydi e hido.

Xhamaqicha Yohanise gisha e zeerdosa

⁷ Yohanisey ansecho e erusichoshiti handine Yesuusay Yohanise gisha yaha yecha axituko zeerisine <

⁸ Hinne am beyese hi kesso? Bentuwa modhe maa'o maadhese axe beyesuwa hi kesso? Yeenke yese maa'o maadheseesiti kaataxhe zawaako u bente.

⁹ Mee, hine am beyese hi kesso? Kaayaxe beyesuwani? Eewwa, kaayaxume garesako hi beedo.

¹⁰ Hayla Fissharowa yeydi diizuttechashi esusuko.

¹¹ Aadewoko hinuse ta ohe, ha saha bakka yeluttasaafa Xhamaqicha Yohanise garesi ooneni baasso. Maaqe baaka afa kaatetiya uddime eero maaqesi Yohanise garoko gare.

¹² Afa kaatetey Xhamaqicha Yohanisiyafa ayti hanzo aallo iitana ur'uttiyako e yese. Osaxitini esa aykesuko u worge.

¹³ Uddi kaayaxitaara Muse wogaaray Xhamaqicha Yohanisey yoodo aalloko buro gara maaqesa zeerisine u yecha.

¹⁴ Kaayaxiti otechosha efese worgesa hi maaqo'ayko hidi hiyuttechashi ha Yohaniseko.

¹⁵ Yoonase washe keengesi naddhi siwwaye.

¹⁶ Ha bera axe abaydini tayye? Usini geeshaaka utte nayshuko u bishe. Ye nayshini be jhaalita xheydi

¹⁷ yeydi uynenikeko.

¹⁸ Xhamaqicha Yohanisey yoodi kaxa muudo badiyara weyne daana ussho badiyara e deccine yeydi u hido.

¹⁹ Tani axi yeley yoodi miyakaara ushiyakaara ta yesune yeydi u hido. Wonto eray gizo maaqesi be hantanako e erutte>> yeydi e hido.

Be cubbo dhaddo baa katamiti gisha

²⁰ Yesuusay fede katamitume micushe laga hanta u feeqa e hantecho katama axiti be cubbo dhaddi maaqe u dheeddine uso gaylisine

²¹ <

²² Hinuse ohoko ta ohe. Yaa'a wonte hinume Xhirose axiti garaara Siidoona axiti garaara yaa'utte yaa'ako shawukesa.

²³ Neno Qifirnahoome! Wokke afaa aalliya ne qinoy kedda kedda e hine? Si'oole hobolowako yekke ne dafutte. Ne feeqa ta hanto micushe hanta Sodome katamaa ta hantesesako ye katamay hanzo aallo baadobadiko e yesaane.

²⁴ Aadewoko hinuse ta ohe, yaa'a wonte neeme Sodome axiti gara yaa'utte yaa'ako shawukesa>> yeydi e hido.

Iddaafa kaxe efe gisha

²⁵ Ye wogga Yesuusani <

²⁶ Eewwa nuwadde, ha esa hantese modhe ne maxo maaddhiko e yese.

²⁷ Uddi zeerey nuwadekofa taase inguttiko e yese. Adewo baaka yele eresi ooneni baasso. Yeydiwo yeliyara yeley e eroronike matosaara baaka ade eresi ooneni baasso.

²⁸ Hinuno gafaxito, idday deexheseesito uddi! Taako yoowayte, kaxuko hinuse ta inge.

²⁹ Tani gawwo aakowara tamba ullaysesaara ta maaqe gisha hi keliya ta qanbara idduwayte, taakofani eruwayte, hi lubbose kaxuko hi ekke.

³⁰ Ta qanbaray shooluwasako, ta iddani shawukako>> yeydi e hido.