Luqaase 2 - Kille Caaqo

Yesuusay yeluttosa

¹ Yenniyaka Rooma kaate maaqe Awgusxhoosey be kaateto aallo yese axe e uddina taafese u sunxi diizuttoronike woosso e anso.

² Axi taafuttorosuse ye esi buronako e maaqicha. Yenniyaka Sooriya wude ahichashi Qorenewoseko e maaqicha.

³ Hinne axi be bidzi bidzina be geri essaafa yoodo wudiya be sunxe diizusiya u hangicha.

^4-5 Yoosefeni Dawite fira fiixha be maaqicho gisha Galila wudiya yese Nazrate katamaafa beese aykutti gawwaara yecha Maaramiyara wolko be sunxe diizusiya Yuuda wudiya yese Dawite katamaa Beeteleeme u hando.

⁶ Usini be lam'una Beeteleeme katamaa yesune i yele woggay ello.

⁷ Angussi yeleni i yello. Yele ayke maa'ona fasshi i ayto. Borsay essa aqicho zawaa godo be dheeddo gisha moonaaka keemoy essa muucho zellowaa i woyso.

Wonto woosaxi keemo yeengichashituse addeydosa

⁸ Ye wudiya gubbaa dorita kakkisine aqicha yeemaxiti u yecha.

⁹ Bidzi Wonto woosaxi masso badi u yesune usuko yoodine Wonto kuxa fuulay u googe laci lacidi faddho. Iitana u jhassho.

¹⁰ Ye Wonto woosaxini <

¹¹ Loolusesako hinuse hanzo Dawite katamaa yelutti yesa. Ye esini Laaxe maaqe Mesiheko.

¹² Esuna hi eresini yele ayke maa'ona fasshi aykutti moonaaka keemoy essa muucho zellowaaka e woy'usuneko hi degexe>> hidi e hido.

¹³ U masso baanne Wonto woosaxiti lagay Wonto woosaxaara wolko u bento.

Wontoni galatisine

¹⁴ <> yeydi u hicha.

¹⁵ Wonto woosaxitini dhaddi afaa kesso geede dorita yeengichashiti sekke hanke <> hidi uydo.

¹⁶ Ukkenawo handi Maaramiyara Yoosefiyara u degesso. Xhaheni keemoy essa muucho zellaaka woy'iya e yesune u beedo.

¹⁷ Beedini Wonto woosaxi ye xhahe gisha ususe otechosha zeere u gello.

¹⁸ Siidaasiti uddina u zeerdo zeerena u micco.

¹⁹ Maaramey haanxhi zeere uddi be muxhurowa gaddi gaxhiya i yecha.

²⁰ Dorita yeengichashiti uddi Wonto woosaxi otonike be beedosunaara be siidosunaara uddi Wonto kedda keddaysisiniyara galatisiniyara dhaddi be godowa u maaddho.

Yesuusay suuzutto

²¹ Ye xhahey be yelutto hazzunxo wonte gada e utto. Haga e xhiiqusutto baane Wonto woosaxi otechonike ye wonte e sunxe <> hidi u sunso.

^22-24 Muse wogaaka <> yeydi hinesi diizutti e yecho gisha e geejhe agunnay elline yele Wonto wogana ohuttisine <> yeydi hinesi yecho gisha Wonto buro uqusese yele etti Yerusaleeme u hando.

²⁵ Bidzi adey Simoone sungesi yenniya Yerusaleeme e yecha. Esini be yeso Wontose aassi indese gizo axe maaqisine Isra'eeley loolesa gobbena kakke Ayaana Geeshi e gara yese axe e maaqicha.

²⁶ Esuseni Ayaana Geeshi Wontokofa anxutte Mesihe beedo badi e hay'uwannike e otecha.

²⁷ Ye wonteni Ayaana Geeshi densine Wonto Hayla Zawaa e hando. Maaramiyara Yoosefiyaray Yesuusa etti Wonto Hayla Zawa Muse wogay ohesa alseeme hissine yenniya u yoodo.

²⁸ Simooneni yele udundi Wonto galatisine

^29-30 <

³¹ Ne loolusesa ha saha gara yese axi uddi beyoronike ne naddhesesako.

³² Esini Ayhuda maaquwasituse aade adduse fo'eko e maaqe. Ne axiti Isra'eeleseni kuxako>> yeydi e hido.

³³ Maarameni Yoosefeni xhahe gisha e zeerdo zeerena u micco.

³⁴ Simooney uso be suuzzo geede Maaramekoni <

³⁵ Ye esuna laga axiti muxhurowa aachuttecha maxo tiddhiya e kese. Neeseni higilsanako ne zahey bure>> yeydi e hido.

³⁶ Yenniyani bidzi Haanna sunge indo kaayaxhi i yecha. I ommay Aasere maaqusune Faanu'eele busho i maaqicha. Orjena i cindecha. Be adiyara laappi bera i utto geede i adey baado.

³⁷ Ye e geede i beray hatte hazzuppi tamma oydde maaddho aallo Wonto Hayla Zawafa arto badi xhoomenaara Wonto shi'enaara wonta qama Wonto kuxiya i yecha.

³⁸ Isini yenniyawo yoodi Wonto galate i gello. Ye yele xhahe gisha Yerusaleemey maaketowafa kesesa gobbena kakkeesituse uddi odusiya i yecha.

³⁹ Usini Wontoy Musese indo wogay otechosha uddina be also geede sekke Galila wudiya yese be Nazrate katamaa u maaddho.

⁴⁰ Ye yeleni orjena era keengesa maaddhi diciyara boheyyaara e gello. Wonto aafeni e gara yecha.

Yesuusay Wonto Hayla Zawa eraxitaara wolko

⁴¹ Maaramiyara Yoosefiyaray uddi bera aallo Garo Massalase Yerusaleemiyaka u hangicha.

⁴² Yesuusa beray tamma lam'e maaqusune hade be lossoke garo massala kuxese u hando.

⁴³ Massalay gardo geede Maaramiyara Yoosefiyaray be zawa dhaddi maaqusune Yesuusay Yerusaleeme atto. Usini yena e attosa erdo badi

⁴⁴ ogaxaara yoonesa e bisshinne bidzi wonte oge hangisine u feyssho. Ye e geede be laggiti feeqaakaara iginiti gawwakaara worge u ayto.

⁴⁵ Ye ganda be dheeddo geede worgisine sekke Yerusaleeme u maaddho.

⁴⁶ Haysso wonte geede Wonto Hayla Zawaaka u degesso. Yesuusani erusicha eraxiti feeqa utti u zeere haysi siidi oyche ususe e uqusicha.

⁴⁷ Siineesiti be uddina e gaxusaara sekke e mahicho uttanaara u micicha.

⁴⁸ Adiyara indowaray esa beedi u micco. Yenniyaka esindoy <> hidi i hido.

⁴⁹ Yesuusani <> hidi e hido.

⁵⁰ Ususe ye e zeerdo zeerey gele e dheeddo.

⁵¹ Ye e geede Yesuusay usaara Nazrate katamaa dhaddi e hando. Ususeni e woosutticha. Esindoni haanxhi zeere uddina be muxhurowa i gadicha.

⁵² Yesuusani axi buroni maaqqe Wonto buro eehuttisine eraara achowara be gara kosisine e dicco.