Luqaase 12 - Kille Caaqo

Farasaxiti awsha

¹ Yenniyaka laga axiti iitanawo saha fasshi yoodi be lagetiyafa dendasuna wol gara u doongicha. Yesuusani burussi be erusichoshituko <

² Ijhaa yese abakoy tiddhiya kesso badi aachuttesesi erutto badi attuwasso.

³ Ha e gisha cenchaaka hi zeerdecho zeerey uddi fo'iyako e sinte. Gasa hi gara aysi wol washiya kaashunti hi zeerdechoshi gubbako tiddhiya e ohutte>> hidi e hido.

Wonto jhashe

⁴ Sekke Yesuusay <

⁵ Oone jhashe hinumba e worgusesa hinuse ta ohese. Hi jhashorosi be woddho geede Gaannamiya dafese adeto keenge Wontoko. Aadewo esawo jhashuwayte.

⁶ Ichichi kafo giddhiti lam'i saante zal'uttiya baye? Ye kafittaafa bidzini Wontoy dhaddesesi baasso.

⁷ Hinuse fetto hi qino ufuxini taabuttiko e yese. Ha e gisha jhasshofita. Hinuni fetto laga kafo giddhame garoko hi gare>> hidi e hido.

Ayaana Geeshe casheshi gisha

⁸ Sekke Yesuusay < hidi hineesuse tani axi yeley Wonto woosaxi buro hidiko tayne.

⁹ Axi buro tamba hidi hineesuse tani Wonto woosaxi buro hidiko tayne.

¹⁰ Taa axi yele gara iita kato zeereesuse ooneseni e baysoy hidiko e hiyutte. Ayaana Geeshe casheeshushema ooneseni e baysoy hidi hiyuttuwasso.

¹¹ Axiti hinumba Bhikkilo Zawa ayti aangusune axita aheesiti buruwakaara afana maagiti buruwakaara yaa'ese hinumba u uqususune hidi maddhundofita.

¹² Ye wogaaka aba zeerese hinumba e worgusesa Ayaana Geeshuko hinuse ohesa>> yeydi e hido.

Ha saha wodunte gisha

¹³ Axi laga giddaafa bidzi adey Yesuusako <> hidi e hido.

¹⁴ Yesuusani <> hidi e hido.

¹⁵ Ye e geedeni uddina axuse <> hidi e hido.

¹⁶ Sekkeni mamatti <

¹⁷ Esini gawwaanna hidi be massosi geede

¹⁸

¹⁹ Taase tamba <> hidiko ta hine> yeydi wodumay hido.

²⁰ Wontomay hidi e hido.

²¹ Beesewo ha saha gara wodunte eelusesi Wonto buro jhi'o maaddhese axi ye esukeko e maaqe>> hidi e hido.

Wonto gobbe gisha

^22-23 Ye e geede Yesuusay be erusichoshituko < hissine hi yesose maddhundofita.

²⁴ Mee, qurafita beewayte. Ayluttuwasso, acuttuwasso, kaxa esa be bhikkile godo fetto gootarani keemuttuwasso, yeenxho u dheeddakoni Wontoko uso muussesa. Hinuni ye kafitume fetto garuwaytuwa?

²⁵ Mee, hi giddaafa maxenaara maddhumenaara be bera gara bidzi wonte kosesi oonena?

²⁶ Hinne ye oddhe abako hantese hi danda'uwasa e maaddho geede aba gishana fede fede abakona hi maddhunge?

²⁷ Mee, gubbaa yese fiirita waake waakeydi u dicesha beewayte! Hanti gafuttuwasso, zuquttuwasso, hante u dheeddakoni iitana moddhese maa'o maadha kuxa fuula keengicha kaati Salamoneni fetto usaafa hade bidzikeysi maadho baasso.

²⁸ Hinne Wontoy hanzo bento guta tamaaka dafuttoynesa gubba yese maata yeysi seelo e gara gussi be maysso geede, hinumba fetto garsi ame e maysuwaane? Hinuni Wonto hi gobbesi waakidi oddhe e maadho?

²⁹ Ye e gisha hinuni yeydi hissine maxona maddhundofita!

³⁰ Yeysi degexese ha saha gara yese axiti yeydiko u maddhunge, hinuse haanxho e worgusesama afaa yese hinadey erako e ere.

³¹ Yeydi hi maddhungeesume afa kaatetese karduttuwayte, haanxhi baseni uddiko hinuse e inge.

Ha saha gara wodunte bhikkiley go'uwasso

³² Hinuno bareta gerito, jhasshofita! Afaa yese hinadey be kaateto hinuse ingese modhe maxo matiko e yese.

³³ Hi keengesa uddi zal'uwayte, jhi'ituse inguwayte. Miijhey essa gadutte cinguwa sigire naddhi hi wodunte kaysoy kayssuwa godo qooqannay muuwa godowara koolo makkina e aaluwa godowara afa kaatetiya eelusi gaduwayte!

³⁴ Esume yeydi ta hinesi eellese hi woduntey yese godo hi maxoy yahaka yese gishako>> yeydi e hido.

Laaxi yoone wogga naqutti kafe

³⁵ Sekkeni assi Yesuusay <

³⁶ Ye esukewo hade be laaxi kuulaafa yoosune kakke ye zawaade maalituke maaquwayte. Usini be laaxi yoodi xheygeniya gasa do'ese naquttiko u kakke.

³⁷ Ye esukewo naqutti u kakkusune u laaxi dedha yoodi degexesi ye maaliti abakeydi suuzutteseesituna! Aadewoko hinuse ta ohe. Esini hanta maa'o maadhiko tatowa e uttuse uddhini uso hanti e muusse.

³⁸ U laaxi ekke wodhakka oo'oyne wontaso e yoosune birti kakke e maaliti waydi suuzutteseesitawa!

³⁹ Assi hi erorosa ta worgesi axi beeso kaysoy an wogga yoodi kaysesa shati erdesesa maaddhako be zawa bootti e gelusune dhagguwadiko e yecha.

⁴⁰ Tani axi yeley hi masso baa woggaako dedhawo ta yoone, ha e gisha hinuni naqutti kakkuwayte>> hidi e hido.

Lam'i bisha maraxita

⁴¹ Phexhroseni <> hidi e oycco.

⁴² Laaxi Yesuusani <

⁴³ Laaxi be yoone wogga yeydi hantiya e yesune degexe ye maalay galatuttesesako.

⁴⁴ Aadewoko hinuse ta ohe. Uddi be keenge abako garako esa e maagexe.

⁴⁵ Maaqe baa ye maalay hidi be muxhurowa massi muuta usho goojho hissine asanxeni maaqqe maacho e maalita e durusune

⁴⁶ ye iita maalase e laaxi e masso baa wontiyakaara e erdo baa saatiyakaarako e yoone. Ye be maala gara laaxi keddaydese yaa'ako e yaa'e, go'uwa axituka e dakke.

⁴⁷ Laaxi woosecho woosso erisine hanto baasi naqutto baasi ye maalay orjenako e durutte.

⁴⁸ Maaqe baa erdo baasimay yaa'a be gara oone abako erdo badi e hantako yaa'ay e gara shawukako e shawuke. Ye esini laga be indo axi garafa lagako e worge, yeydi hissine laga be oto axi garafa keddaysiko laga e oyce>> hidi e hido.

Yesuusa garana yoone shaho

⁴⁹ Sekkeni Yesuusay <

⁵⁰ Maaqe baa ta xhamaqutte maddha xhinqateko taase yesa. Ye esi aaloro makko gehunxe keenguwasso.

⁵¹ Ha saha gara ta oodosi modhetiya hinumba e bisshe? Hinuse ohoko ta ohe, tanimay oodosi shahoko baaka modhete maaquwasso.

⁵² Hattiyafa ayti bidzi zawa giddaa yese ichichi axiti haydzi wol bade maaddhi lam'i gara u dende, lam'i wol bade maaddhi haydzi gara dendaydiko wola u shahe.

⁵³ Adey be yele gara, yeley biyade gara, indoy be busho gara, bushoy beyndo gara, boolti be na'i machi gara, na'i machi be boolti gara birre densi wola u shahe>> yeydi e hido.

Dhuma beedi wonta ere gisha

⁵⁴ Assi Yesuusay axituse < hidiko hiine, aadewo yeydi e maaqe.

⁵⁵ Agexi oomo badefa wokke agetesa hi beeneniya yeydi hiine, aadewo e maaqe.

⁵⁶ Hinuno awshachito! Afasaara ha sahasaara u bisha beedi aba wontay maaqesa eresuko hi danda'e. Hine ame ha bera bisha beedi aba e maaqesa erese hi danda'uwaane?>> hidi e hido.

Wola luukichashiti naquttoro gisha

⁵⁷ Sekkeni assi Yesuusay <

⁵⁸ Ne iilaxi nemba luutti yaa'esi buro aangeniyaka ogiya wolko hangisine naquttese neese karduttuwa! Naqutte ne dheeba'ayko yaa'esuse nemba goosshi e ingete, yaa'esi nemba garsiko tukkeesuse indi tufe zawa niya e gelsuse.

⁵⁹ Neese ohoko ta ohe, ne gara unda miijhe uddi laaqani shato badi shandi ne alsoro aallo yahafa kesese danda'uwannako>> hidi e hido.