Luqaase 1 - Kille Caaqo

Tawofilosese diizuttase

¹ Orjena kuxuttese Tawofilose! Ha esume buro laga axiti nu feeqaaka maaddha zeerita arsi beedi bhikkilli addussi ohesa diizziko u yese.

² Ha maaddha zeerita garsaasiti burowafa ayti be aafena beedi ato maaddhasitaara Wonto kato ohichashitaarako.

³ Yeydiwo taaseni bisheshi burowafa ayti zeere e uddina hossi kessi ta beedo geede e maaddhonikewo e bidzi bidzina neese ta diizoronikeko.

⁴ Ha e buro axiti nemba erusecho zeerey aade maaqenike modhussi ne erorosako tanini neese yeysi diizesi.

Xhamaqicha Yohanisey yeluttenike ohuttase

⁵ Yuuda wudiya kaati Herodisey kaattecho woggaa bidzi adey Zakaraase sungesi Wonto Hayla Zawa kahiney e yecha. Esini be bade bade maaqe kahinitaafa Abiya bade e maaqicha. E machini Elsabeexhe sungenni be yeluttena Aarone nayshaafa i maaqicha.

⁶ Usini be lam'una Wontoy axuse otosaara e wogaara uddi modhussi haasse keenguwasa katti Wonto buro gizo u maaqicha.

⁷ Elsabeexhey menxe maaqicho gisha yele keenguwasa be lam'una cindi u yecha.

⁸ Bidzi wonte Wonto Hayla Zawaa hantese Zakaraase badese tagoy ello. Zakaraasey yaha kahiniti hantichosha Wonto buro hantiya e yesune

⁹ Wonto Hayla Zawaa moddhi sawwe ixhaane essa cuwwusicho godowa gelli e cuwwushoronike kahiniti wogake hixha u olline hixhay esa ello.

¹⁰ Ye esa e cuwwushushune ye woggaaka axi lagay be uddina wudena eedhi Wonto u shi'icha.

¹¹ Yenniyani Wonto woosaxi ixhaane e gara cuwwushushooshushe e oshichi badena ee'isine Zakaraasese e addeydinne

¹² ye esa be beedo wogga e buro e baane, iitanawo e jhassho.

¹³ Ye woosaxini esuse <

¹⁴ Keddaysiko orjena ne magge. Yeydiwo e yeluttosuna lagitako maggesa.

¹⁵ Esume hi maggesini ye yeleni Wonto buro keddaydese mallako e maaqe. Weyne daanaara fede gooshe usshaara fettona ushuwassho. Haga beyndo gawwaa e yesune Ayaana Geeshi esuka kunge.

¹⁶ Isra'eele axitaafa lagaadita u Laaxuko u Wontoko hanke e mahe.

¹⁷ Hade Elaase gara yecha ayaanaara osaaray e gara yesete Laaxi buro yoodi laga axita esuse e naqe. Adiyaxhi muxhuro nayshi gara woosuttuwadi yecha axiti muxhuro gizo axiti era garako hanke e mahe>> yeydi e hido.

¹⁸ Zakaraaseni ye Wonto woosaxuko <> hidi e oycco.

¹⁹ Ye woosaxini <

²⁰ Neni ta otosa abasuna hidi hiye ne dheeddo? Zeerey beese be wontanako e ite. Ha e gisha ye ta otosi itoro aallo muumoko ne maaqe, zeerese danda'uwannako>> hidi e hido.

²¹ Yenniyaka axitini Zakaraase u kakkicha. Wonto Hayla Zawaaka e dooddinne <> hidi u micco.

²² Zakaraaseni yahafa be kesso geede usaara zeerey esa iissho. Axitini Haylame Hayla Zawaa Wontokofa bidzi abako e beedesenike u erdo. Esini be kuchena sekke hankeysi uso beysi e ohicha. Yeydiwo muumo maaddhi e dooddo.

²³ Zakaraasey Wonto Hayla Zawaa e hanticho wontiti itto geede be zawaa dhaddi e hando.

²⁴ Oddhe wogga geede Elsabeexhey i xhiiqusso. Be zawaa aachunti ichichi agunna aallo i dooddo.

²⁵ Isini <> hidi i hido.

Yesuusay yeluttenike ohuttase

^26-27 Bidzi Maarame sungenni asanxaara muti eruwa woduroy i yecha. Isini Dawite fira fiixhaafa maaqe Yoosefese i aykuttecha. Elsabeexhe gara yeley atto izzunxo agunna Wonto woosaxi Gabra'eeley Galila wudiya yese Nazrate katamaaka isuko e anxutto.

²⁸ Ye woosaxini yoodi <> hidi e hido.

²⁹ Isini Wonto woosaxi isuse otosuna zeerey i buro e baane <> hidi i masso.

³⁰ Ye woosaxini <

³¹ Hay xhiiqusoko ne xhiiquse, asanxi yeleni ne yele. E sunxeni hidi ne sunxe.

³² Esini malla e maaqe, uddime afana maaqe Wonto yele hidi e hiyutte. Laaxi Wontoy esade kaati Dawite kaatete esuse e inge.

³³ Isra'eelaxiti gara koolo makkina e kaate, e kaatetese aalliciray baasso>> yeydi e hido.

³⁴ Maarameni <> hidi ye woosaxeni i oycco.

³⁵ Ye woosaxini isuse < hidiko e hiyutte.

³⁶ Hay ne iginniyo maaqe Elsabeexhey menxeydi hiyuttichani hanzo cimuntiya na'uko i xhiiqusese i xhiiqusowafa ha esi izzunxo agunnako.

³⁷ Wontoy hantese hisune esa ooxesi baasso>> yeydi e hido.

³⁸ Maarameni <> hidi i hido. Ye e geede Wonto woosaxi dhaddi i da'aafa hando.

Maaramey Elsabeexheso sootto

³⁹ Maaramey ye woggawo Yuuda wude ale Elsabeexhe beyese ukkenawo i sootto.

⁴⁰ Isini yaha Zakaraaseso gelli Elsabeexhe i sawusso.

⁴¹ Maaramey haga iso sawusonikewo Elsabeexhe gawwaa yecha yeley kaadho. Isini Ayaana Geeshuna kundi

⁴² be kato keddaysi <

⁴³ Ta Laaxindoy tamba beyese taako yootaa mee yoowaane? Waakeydi keddaydese kuxawa.

⁴⁴ Ne sawo ta siidonikewo ta gawwaaka yese yeley maggana e kaadho.

⁴⁵ Wontoy neese be otosa alsenike hidi ne hidosuna waydi suuzuttesesani neni>> yeydi i hido.

Maaramey galata zingale zingallo

⁴⁶ Maarameni <

⁴⁷ Tani ta Wontona taa loolusasuna maggako ta magge.

^48-49 Uddime osaxi Wontoy ullaydese be maakiyo taa e beedo gisha maggako ta magge. Yeletani uddina hanzowafa densi hidiko taa uyne. E sunxini haylako.

⁵⁰ Wontoy bemba jhashe axita uddina yeluttena yeluttena maarawoko e maare.

⁵¹ Bemba jhashe axuse Wontoy yeluttena yeluttena keddaydese be kurmayle osa beysiko e yese. Bemba nasheeshita u maxowara wolko buddiko e yese

⁵² Keddaydese afana maaga osaxita ullaysi u adetowafa e hosso. Ullaydechashita kedda kedda e hisso.

⁵³ Dheeddechashituse modhe abako e indo. Wodumitani kuche mela e datto.

^54-55 Abrahaamesaara e nayshi nayshushaara koolo makkina be beysecho maaro gaxxhi be maraxi Isra'eele mardiko e yese. E mardosini numba yellecha geruse be otechosha alsesuko>> yeydi i hido.

⁵⁶ Maaramey Elsabeexhe da'aa haydzi agunna ellesa dooddi ye e geede be zawa dhaddi i hando.

Xhamaqicha Yohanisey yeluttosa

⁵⁷ Elsabeexhey i yele woggay elline na'e i yello.

⁵⁸ I dooditini maaqqe i iginiti Wontoy iso keddaysi massosa siidi isaara wolko u maddo.

⁵⁹ Ye yeley yelutto hazzunxo wonte ye xhahey gada utte wonta kuxese u bhikkilutto. E sunxeni ade gara Zakaraase sunxese u wordo.

⁶⁰ Indoni <> yeydi i hido.

⁶¹ Usini <> hidi u hido.

⁶² Hinne Zakaraaseko <> hidi kuchena beysi u oycco.

⁶³ Esini essa be diizesa oycci etti <> hidi hissine e diizzo. Axiti be uddina u micco.

⁶⁴ Yenniyakani e unxhurey birchuttine zeere gelli Wonto e galatto.

⁶⁵ Ye esuna u dooditi be uddina u jhassho. Ye odoy be uddina Yuuda wude ale e sinto.

⁶⁶ Ye yele gara Wonto aafey yecho gisha <> hidi be muxhurowa gaddi u maxicha.

Zakaraasey zeerdo kaayo

⁶⁷ Ye yelutta yeliyade Zakaraasey Ayaana Geeshuna kundi kaayo zeerisine

⁶⁸ <

⁶⁹ Be maraxi Dawite zawaafa looluse malla densiko e yese.

⁷⁰ Olo hayla kaayaxiti nuunaanna be zeerdonike

⁷¹ nu iilaxi garafaara numba inxha'esi kuchiyafaara uddi maardiko e yese.

⁷² Ha esa e matosi nuwadiyaxhuse be maarenikiyara be hayla caaqoy aalenikiyara massiko.

⁷³ Ha caaqo e caadhechoshi numba yella Abrahaamiyarako e maaqicha.

^74-75 Ye caadhi e indecho gobboy nu iilaxi kuchiyafa shawo kessi Wonto buro jhashe baaka ha saha gara nu yesoro aallo uddi haylaara gizo maaddhi yesenaara esa nu maroronikeko.

⁷⁶ Neno ha yelle, yeydiko ne xheygutte. Laaxi oge naqese e buro buroko ne hange.

⁷⁷ Neni axi be cubbose maaro degexena loole ogeko ne eruse.

⁷⁸ Ha esini yeydi e maaddhosi Wonto shenonaara e maaronaarako. Ye esuna modhete qoossi afaafa kesesuko e hine.

⁷⁹ Esini cenchakaara haybo dooshaakaara yeseesitusuko e faqe, nu hamoni modhe ogeko e durke>> yeydi hissine e zeerdo.

⁸⁰ Yeley e dicco, be gaxunani e oseydo. Isra'eele gerita tiddhiyanna marese be kesoro aallo saha melaa e yesso.