Ibraxituse 8 - Kille Caaqo

Kille caaqona kahinituse afana ade maaddhasi Yesuusako

¹ Yoonase afaaka kuxuttese kaate maaqe Wonto oshichi badena uttese kahinituse afana adeko nu keenge. Nu zeere zeeriyafa bidzoydi hiyuttesi ha esako.

² Esini essaaka kahine hanta hantiyaka e yesesi aadena maa'o zawa maaqe Wonto Hayla Zawaako. Ye maa'o zaway e eedhosi axi kuchena e maaddho baanne Wontonako.

³ Kahinituse afana aditi be bidzi bidzina u maagetosi inguwara kaashaara Wontose uqusesuko. Ye e gisha nu keenge kahinituse afana adeni uqusese danda'e bidzi abakoy yeseko e worguse.

⁴ Wogay otonike Wontose ingo uquse kahiniti yese gisha Yesuusay ha sahaaka yessako kahine maaquwadiko e yecha.

⁵ Usi essaaka hantesi afaaka yese abakita bisheshaara beysesaarako. Ha esini yeydi e maaddhosi Musey maa'o zawa keexhese hissune Wontoy <> yeydiko e woossecha.

⁶ Yesuusay Wontoseni axuseni giddaaka buro gobbome gare gobbo gara essese caaqoy buro caaqome e garenike hatte e hante hantay u hanticho hantame garoko e gare.

⁷ Buro caaqoy aban facete keenguwasa maaddhako lakkunxo caaqoy worguttuwadiko e yecha.

⁸ Ye esini Wontoy axi gara facete degessi zeerisine <

⁹ Ha usaara ta caaqe kille caaqoni usadiyaxhe Gibxhe wudiyafa kessese u kuche ta ayto wogga usaara ta caadho caaqo bisha maaquwasso. Ye esini be caadhecho caaqoke yese u dheeddine uso yaha beedi ta dhaddo, yeydiko ta hine Laaxe maaqe tani Wontoy.

¹⁰ Yoonase ye geede Isra'eelaxitaara wolkoko ta caaqe yeydiko tayne Laaxe maaqe tani Wontoy. Tani ta wogako u sorgiya ta gade, u muxhurowa ta diize, u Wontoni ta maaqe, usini ta axita u maaqe. Ha esako usaara ta caaqe kille caaqoy.

¹¹ Ha e geede sekke oddhiyafa ayti orje aallo uddi tamba u ere gisha ooneni be wude axeni maaqqe beyndo na'e hidi hissine eruse worgusuwasso.

¹² U miidhechoshani hidiko ta hine, u cubboni ha e geede sekke fetto maxuwasso>> yeydiko e hido.

¹³ Yoonase <> hidi hiyena buro caaqoy cindi hantuwannike matiko e yese. Hanti cindi dooddesesi e baane woggay uddhiko e yese.