Ibraxituse 5 - Kille Caaqo

¹ Kahinituse afana ade maaqesi be xharutte wogga wogga axiti giddaafako u xharutte, axi cubbowafa maaruttoronike mahe kaashaara ingowara Wontose ingese Wonto zawaaka axi gisha u maagete.

² Esini beese axe maaddhi gafaxe be maaqe gisha eruwasitusaara haleesitusaara higilesuko e danda'e.

³ Gafaxe be maaqe gisha axi cubbowafa maaruttoronike mahe kaasha e uqusesi ususewo e maaddho baane beesaarako.

⁴ Hade Aaroneke Wontoy xhardosa baaka ooneni beese be maxoke ha kuxa degexese danda'uwasso.

⁵ Yeydiwo Kristosay kahinituse afana ade maaqe kuxa fuula beese beenna etto baasso. Esuse indasi <> yeydi esa hida Wontoko.

⁶ Fede godoni assi Wontoy <> yeydiko e hido.

⁷ Yesuusay axe maaddhi ha saha gara be yecho wogga haybowafa maarese danda'e Wonto buro keddaysi uwwisiniyara yeekisiniyara <> hidi keddaysi e shidho. Bemba ullaysi esuse e woosutto gisha Wontoy e shi'e e siido.

⁸ E yele maaddhakoni be gara yooda maddhaafa woosutte e erdo.

⁹ Bidzoni facete keenguwasa maaddhi be bento geede esuse woosutteesituse uddi koolo makkina looloy esukofa bentesa e maaddho.

¹⁰ Hade Malka Xhaadiqe kahinunteke Wontoy esa kahinituse afana ade sunsi e maagesso.

Be aadexona uuxhe gisha

¹¹ Ha zeere gara nu ohesa lagako nu keenge. Ukkena siidi hi gaxhuwa gisha hinuse e geloronike ohese deexhako e deexhe.

¹² Galala wogga aallo modhe odo hi siidese gisha axe erusesa maaqe hinumba e worgusichoyne hatte hade acha hi siidecho Wontokofa maaqe erunxe sekke mati hinumba eruseko e worgusso. Hinuse e worgusesesi uuxha axi muune kaxa e maaddho baane maaxuko.

¹³ Il'a usshushooshi uddi yele xhahe e maaqe gisha gizete gisha yele xhahey erusutta erunxe erdi hantana beysese danda'uwasso.

¹⁴ Xhahey muuwa kaxay <> hidi erdi bemba lossusese uuxha axusuko.