Ibraxituse 3 - Kille Caaqo

Yesuusay Museme afanako

¹ Wontoy fedituke xheydese hayla maaqe nuundo nayshito! <> hidi nu hineesuse anxuttasaara kahinituse afana adiyara maaqe Yesuusa maxuwayte.

² Musey Wontoy indo hanta uddi hantisine muxhuraxe maaqichonike yeydiwo Yesuusay biya maagessa Wontose muxhuraxuko e maaqicha.

³ Zawa keexhesi ye zawame gardese kuxa e keengenike Yesuusani Museme gardese kuxay esuse bishesha maaddhi bentiko e yese.

⁴ Zawiti be bidzi bidzina bemba keexhesako u keenge. E uddina meddhasimay Wontoko.

⁵ Museni buro gara zeerutte abakose bisha maaqese Wontoy indo hanta uddi hantisine hade fedase hante hantaxuke muxhuraxuko e maaqicha.

⁶ Kristosamay Wonto zawa axi gara muxhuraxe e maaddhosi hade yeleke maaddhiko. E zawa axitini numbako. Ye esa nu maaqesini nu naasse zeeriyara nu cee'utte gobbowara minsi nu aytakoko.

Olo Isra'eelaxituke maaqe e worgusuwa gisha

⁷ Ye e gisha Ayaana Geeshi ohisine <

⁸ hinadiyaxhiti Wonto saha melaaka be huulusso woggaa esuse woosutte dheebena u matonike hinuni onta beysofita.

⁹ Yaha tamba naadhi beedi u huulusso. Ta hantosani uddi oyddi tammi bera aallo u beedo.

¹⁰ Ye e gisha ye beraa yecha axiti gara huulli yeydiko ta hido.

¹¹ Assini yeydiko huulli ta caadho>> yeydi e hido.

¹² Nuundo nayshito! Hinukaafa ooneni en'a maaqe Wonto garafa e zaroronike mahe iitaara aadexuwasara maaqe muxhuroy yesuwannike bemba kakkuwaye.

¹³ Fetto hinukaafay cubbona qaarusutti Wonto gara onta be beyseeme <> yeydi hiyutte wontay yese aallo uddi wonte wola maxusisine wola minxuwayte.

¹⁴ Ye esini acha nu aadessoniyaka nu keengicho miimete aallicira makko modhussi nu aytako Kristosaara wolkoko bidzo maaddhi nu yese.

¹⁵ Yeydiwo fissharowa <> yeydiko e zeerdese.

¹⁶ Haaya mee, ye e otosa siidi woosutte inxhadhaasiti ooniyaxhituni u maaqicha? Ye usini Musey uso durti Gibxhefa kessechooshita uddi maaquttuwaye?

¹⁷ oyddi tammi bera aallo Wonto huulusisine yechashiti ooniyaxhituni u maaqicha? Cubbo u hantine u ahay saha mela undi attosita maaquttuwaye?

¹⁸ Assi <> yeydi e caadhoositi ooniyaxhituni u maaqicha? Ye esuse woosutte inxhadhaasitawo maaquttuwaye?

¹⁹ Yoonase, ye kaxe ekkuso godowa esuna gele u dheeddosi Wonto aadexe dheebiyafa dendasuna e maaqenikeko nu beene.