Ibraxituse 2 - Kille Caaqo

Muxhuro e gara gade e worguse zeerita

¹ Ye e gisha nu siidese zeere garafa halli e ogiyafa nu kesseeme orjena muxhuro ye zeere gara gadeko numba e worguse.

² Afaase woosaxi badena ohutta katoy artuwasa maaddhiko e yese. Ye katoy otonike yesso baasitusaara esuse woosutto baasitusaara ususe bishe yaa'ay u gara yaa'uttiko yese.

³ Hinne ha orje maaqe loolo oge nu belxheydo geede waydini <> hidi nu maxe? Ha loolo gisha Laaxuko beese burussi ota. Ye esa siidasitini be siidonike nuuse aade e maaqenike addussiko u yese.

⁴ Wontoy loolo gisha ohe woossoy aade maaqenike beese ye ususi gara kossi beysiko e yese. E beysosini be osa beyse be bishana bishana yese micushe abakitunaara du'use abakitunaarako. Yeydiwo Wontoy be maxoke aadexeesituse Ayaana Geeshi badena ingo ususe ingenako.

Yesuusay axe loolusese axe maaddho

⁵ E gisha zeeriya nu yese buro gara yoone saha Wontoy afaase woosaxi adeto oomo mato baasso.

⁶ Hayla Fissharowa bidzi godowa <

⁷ Oddhe woggase afaase woosaxitume ne ullaysso. Malla kuxa fuulaara galataaray esuse maaqoronike ne mato. [Ne kuchena ne hantosi gara esa ne maagesso.]

⁸ Uddi abako gara esuse adeto ne indo>> yeydiko e hine. Uddi abako gara esuse adeto ingisine e adeto oomo e mato baane atta basi bidzini baasso. Yeydi e maaddhakoni hatte uddi abakoy e adeto oomo yesune beya baanxhiko.

⁹ Hattema afaase woosaxitume oddhe woggaaka yekke ulla hidecha Yesuusay be hay'oronike biya mata maddha e gello gisha malla kuxa fuulaara galataaray esuse maaddhonike beyako nu yese. Esini Wontoy axuse keenge maxo modhetiyafa densi ni gisha uddi haydhiko e yese.

¹⁰ Uddi abako meddhasaara kiiddhesaara maaqe Wontoy laga nayshi be kuxa fuula shahaxe u maaqoronike hissine uso loolowaka durkesa maaqe Yesuusa maddhaa gelena facete keenguwasa e maaqoronike e mato. Ye esini worgusesako e maaqicha.

¹¹ Axe haylonxe Yesuusaara haylonge axaaray bidzi ade nayshe u maaqe gisha uso <> yeydi hiyey Yesuusa borsusuwasso.

¹² <> yeydiko e hido.

¹³ Yeydiwo <> hidi assi e hido. Fede godoni <> hidiko e hido.

¹⁴ Wonto nayshiti axe maaqenike Yesuusani haybo gara adeto keengicha Humbaye be haybona baysese usuke axe e maaddho.

¹⁵ Yeydiwo haybo jhashena be yeso makko maaketowa yechashita wozesuko.

¹⁶ Ye esini Yesuusay wordosi afaase woosaxita marese e maaddho baane Abrahaame fira fiixha marese wordiko.

¹⁷ Ye e gisha uddi ogena indo nayshe bishey esuse worgusesa maaddhiko e bento. Ye ogena uddi axi cubbo ooxese Wontose hantisine muxhuraxaara higilesaara maaqe kahinituse afana ade e maaddho

¹⁸ Ye esini beese maddhaa be gelloniya naa'utti be beyuttecho gisha naa'owa gele axita maresuko e danda'e.