Filphisoosaxituse 4 - Kille Caaqo

Kiidhe maxo aalliciraaka

¹ Ta eeheesitaara ta sazzeesitaara maaqe nuundo nayshito! Tamba maggusako hi magguse, hinunnanako ta cee'utte. <> yeydiko hinumba ta hine.

² Eewodiyara Sinxhikiyara sunge indowaxhitusuko <> hidi ta hine.

³ Neno muxhuraxe maaqe taara wolko hantiya yeseyo! <> hidi hissineko niya ta shi'e. Ye esini ha indowaxhiti Qelemitosiyara u sunxini en'a yeseesiti sunxi essaaka diizutte yeso fissharowa diizuttese taara hantiya yecha fedeesitaaray ha modhe odo ellusese taara karduttiko u yecha.

⁴ Uddi woggaa Laaxuna magguwayte! Assiko hinuse ta ohe, magguwayte.

⁵ Shenaxe hi maaqesi uddi axuse eruttuwaye. Laaxi yoowey uddhiko yese.

⁶ Aba e maaqo'ayketeni shi'ena lagussi galatisine hi worge abako Wontoko ohuwayte baaka bidzi maxonani maddhundofita.

⁷ Hi shidhoyna axi gaxume afana maaqe Wonto modhetey hi muxhurowara hi maxowara modhetenako Yesuusi Kristosana e kakke.

⁸ Nuundo nayshito! Aalliciraaka hinuse ta ohesi modhe maaqesaara <> hidi hiyuttesaara maxuwayte. Ye usitini aade maaqeesitani uddi, kuxay esuse bisheeshita uddi, gizo maaqe abakita uddi, geeshe maaqeesita uddi, eehutte basitaara <> hidi hiyutteesitaara uddiko.

⁹ Taakofa hi erdosaara hi ettosaara taakofa hi siidosaara ta yesuwa hi beedosaara uddi hantuwayte. Modhete inge Wontoy hinunaarako e yese.

U anso miijhe gisha Phawlosey uso galatto

¹⁰ Laga wogga geede sekke ta maddhase maxe hi ayto gisha Laaxuna orjenako ta magge. Aadewo hantana beysese godo keenguwadi hi yechosha baaka maxema tamba maxiyako hi yecha.

¹¹ Yeydi hinuse taydosi ta maddhundo gisha maaquwasso. <> yeydi hiye erdiko ta yese.

¹² Degexeni maaqqe dheebe gishani erdiko ta yese, an basi yessakoni aba woggaakani misheni, naayeni, degexeni, dheebeni u gisha erdiko ta yese.

¹³ Kristosay inge osana uddi basuko ta danda'e.

¹⁴ Hinuni ta jheetese taa marena shahaxe maaddhi hi bentosi modheko.

¹⁵ Ha esumeni gardi hinuni Filphisoose axita maaqeesiti haga modhe odoy ohuttoniyaka Maqadoonefa ta kessoniya ta dheebeni maaqqe ta keeme beedi tamba mardasi hinumbawo baaka an Wonto zawa axiti taa mardo baannike erako hi ere.

¹⁶ Aadewo Teselonqe ta maddhundosa siidi lam'i wogga taa marese miijhe ansiko hi yecha.

¹⁷ Yeydini ta hinesi modhe hi hantana gardesesuna Wontoy hinumba suuzorosako baaka taase hi ingorosa jhuujhi maaquwasso.

¹⁸ Taase worgusesa e worgusesumeni afana ettiko ta yese. Hi ansosani Ephafroditosekofa ta ettinne uddi basi taase kundiko e yese. Hi anso ingoy hade e dhehay sawwesuke yesesa, hade Wontoy ekke kaashake yesesaara esa maggusesaarako.

¹⁹ Ta Wontoy ittuwa malla maaqe be wodunte be keengenikeko Yesuusi Kristosa badena hinumba worgusesa uddi kunsi e inge.

²⁰ Nuuse ade maaqe Wontose koolo makki aallo kuxay maaquwaye, ameen.

Aallicira sawo

²¹ Yesuusi Kristosaara bidzo maaddhi yese haylaxituse uddi nu sawo ohuwayte. Taara wolko yese indo nayshiti <> hidiko u hine.

²² Uddi aadexeesiti fettoni Rooma kaati zawa hanteesiti <> hidiko u sawuse.

²³ Laaxi Yesuusi Kristosay axuse keenge maxo modhetey hinunaara wolko yesuwaye.