Anxuttaasiti 6 - Kille Caaqo

Laappi kurariti xharo

¹ Ye woggaani Laaxi oge hangeesiti u laddo. Yenniya fede wudefa yooda Ayhudaxitaara yaha yecha Ayhudaxitaaray wolko yaha u yecha. Fede wudefa yooda Ayhudaxiti beera yecha u adey baadese indowaxhituse wontana wontana shahutti ingutticha kaxaafa yaha yecha Ayhudaxiti inge u dheeddinne uso gunce u ayto.

² Tamma lam'i anxuttaasiti aadexichashita uddina bhikkilli <

³ Yebo, nuundo na'axhito, laappi axita hinukaafa xharuwayte. Axi uso modheko hidi hineesita Ayaana Geeshuna kundeseesita gaxe keengeesita maaqeko uso e worguse. Ha hantasuko uso nu maagexe.

⁴ Nunimay shi'e garaara kato ohe garaarako nu oseyne>> yeydi u hido.

⁵ Ye uddha maxo axi uddi maggana etti u xhardo. Ye usini aadexonaara, Ayaana Geeshunaara kundese Isxhifanoose, Filphoose, Prokorose, Niqanore, Xhimoone, Pharmeene, Ayhuda woga etti u Wonto kuxicha Anxhokiyaxe maaqe Niqoloose yeysi u xhardo.

⁶ Anxuttaasiti buro uso u uqusso, ususeni be shidho geede be kuche u gara u gaddo.

⁷ Wonto katoy aatti e hando. Yerusaleeme Laaxi oge hangeesiti taafoy orjena e laddo. Wonto Hayla Zawa kahinittaafa lagiti Wonto u aadesso.

Isxhifanoosey gate aheesiti buro

⁸ Isxhifanooseni Wonto suusaara e osaaray essa kundinne axiti gidda micusheshaara orje du'usesaara hantiya e yecha.

⁹ Yenniyani <> hidi hiyutte Ayhuda Bhikkilo Zaway e yecha. Qarana katamafaara Iskindiriya katamafaara fedeesiti assi Kilqiyafaara Isiyafaara yooda Ayhudaxiti ye Bhikkilo Zawaaka wolko u yecha. Usini dendi Isxhifanoosiyara u bersicha.

¹⁰ Esuna e zeericho era Ayaanay indo gisha esa iicheshe danda'utto baasso.

¹¹ Sekke <> yeydi hine gerita e gara suqussi u densicha.

¹² Axitani gate cimitani Muse woga eruseesitani e gara u denso. Usini Isxhifanoose ayti gate aheesiti buro u uqusso.

¹³ Zaade ateyne bidzi bidzi axita u oodine <

¹⁴ Esini zeerisine yeydi e hisuneko nu siidese>> hidi hissine u zeerdo.

¹⁵ Yaha uttiya yecha gate aheesiti uddi Isxhifanoose aafiya caddi u beesune hade Wonto woosaxi aafushake e aafushay maaddhesune u beedo.