Anxuttaasiti 4 - Kille Caaqo

Phexhrosiyara Yohanisiyaray yaa'axiti buro

¹ Phexhrosiyara Yohanisiyaray axituse zeeriya u yesune kahinitaara Wonto Hayla Zawa kakkicha afana maagaaray yeydiwo Sodoqaxitaaray hanke usuko u uddho.

² Phexhrosiyara Yohanisiyaray axituse ohisine Yesuusana benta haybo denxose u erusso gisha iitana u huullo.

³ Usoni ayti sahay qandi yecho gisha e wontoro aallo tufe zawa u gelso.

⁴ Yeysi u matakoni kato siidasitaafa lagiti Wonto u aadesso. Ye aadessa asanxiti taaboy ichichi kuma aallo e maaddho.

^5-6 Gutani u afana maagitaara, gate cimitaaray Muse woga eruseesitaara, kahinituse afana ade Haannani, Qayaafani, Yohaniseni, Iskindireni, kahinituse afana ade iginitini be uddina Yerusaleeme u bhikkilutto.

⁷ Phexhrosiyara Yohanisiyara be buro essi <> hidi hissine u oycco.

⁸ Phexhroseni yenniya Ayaana Geeshi essa kundine ususe zeerisine <

⁹ Hanzo ha dooma maaqicha axuse hantutta modhe hanta gisha hidi numba modhussi hi oyccako

¹⁰ hinuni suxhine Wontoy haybowafa denso Nazrataxi Yesuusi Kristosa sunxuna ha esi dendi hi buro e eedhonike hinunaaraydi Isra'eelaxitaaraydi uddi ha esa modhussi eruwayte!

¹¹ hidi hiyuttasi Yesuusako.

¹² Looloy fedana oonenani baasso. Loolese esuna ni danda'esi ha saha wosula aallo axuse ingutta sunxi feday baasso>> yeydi e hido.

¹³ Phexhrosiyara Yohanisiyaray naassi zeerdosa be beedoniyaka erunxe keenguwa axita u maaqichosha gaxxhi fettona u micco. Yesuusaara wolko u yechoshani u gaxxho.

¹⁴ Ye loolla adeni usaara ee'iya yesune beedi ususe beynesa u dheeddo.

¹⁵ Gate aheesiti beekafa wude u kesoronike mati wolla sekke hanke u kundo.

¹⁶ Kungisineni < hidi hiyese danda'uwanxhiko.

¹⁷ Ye e gisha axi giddaa aatti e lageeme ha makkina sekke ooneseni Yesuusa sunxuna u zeeruwannikeko kasshi ni ohhe>> hidi hissine wolla u kundo.

¹⁸ Uso xheydi Yesuusa gisha fettona u zeeruwanikiyara u erusuwanikiyara u kassho.

¹⁹ Maaqe baaka Phexhrosiyara Yohanisiyaray sekke mati <

²⁰ Nunimay nu beedosaara nu siidosaara zeerdo badi dhabese danda'uwanxhiko>> yeydi u hido.

²¹ Maaddha zeerena axiti Wonto galaticho gisha gate aheesitini axita jhasshi Phexhrosiyara Yohanisiyara u gara esuna be yaa'e zeere dheeddi sekke kasshi u datto.

²² Ye micushe hantana loolla ade beray oyddi tammi bera garesako e maaqicha.

Aadexeesiti Wonto shidho

²³ Phexhrosiyara Yohanisiyaray dafutti be baditi gara yoodi Wonto zawa kahinituse afana maagitaara gate cimitaaray u gara zeerdosa uddi u oto.

²⁴ Usini be siido woggaa bidzi muxhurona be kato keddaysi Wonto shi'isine <

²⁵ Ayaana Geeshi badena nuuse ade maaqe ne maraxe Dawitena zeerisine

²⁶ Saha kaataxheni toorase biya naddhi afana aheesiti bhikkilutti Laaxi garaara ne Mesihe garaara wolla u dendo> hidi hidechashi Wontoy nenko.

²⁷ Aadewo Herodisiyara Phenxhenaxi Philaxhosiyaray Ayhuda maaquwasitaara Isra'eelaxitaara ha katamaaka wolko bhikkilutti ne tissho Mesihe maaqe hayla ne maraxi Yesuusa gara u dendo.

²⁸ U bhikkiluttosi burowo ne osanaara ne massechonikiyara hidi hissine ne otechoshi aaloronikeko.

²⁹ Hatteni Laaxo, u kashesha beewwa! Ne hantaxiti naassi ne kato ohoronike mahuwa.

³⁰ Hayla ne yele Yesuusa sunxuna hargaxiti looloronikiyara micushe hantaara du'use zeeriyaray maaqoronike ne osa anxuwa!>> yeydi u shidho.

³¹ Wonto u shidhosi geede bhikkilutti u yecho godoy sekke hanke e en'o. U uddiyakani Ayaana Geeshi kundo. Wonto katoni jhashe baa naassi u oto.

Aadesechashiti bidzeto yeso

³² Aadesi yechashitini bidzi muxhurona bidzi maxona u yecha, u keengicho abakoy uddi kooxewo e maaqichosha baaka yesesaafa bidzi axi <> yeydi hinesi badiko yecha.

³³ Anxuttaasitini orje osana Laaxi Yesuusi Kristosa denxo gisha u ohicha. U uddi gara Wonto suusini orjena e yecha.

³⁴ Saha oo'oyne zawa keengeesiti ooneni zal'i ye miijhe u oocho gisha bidzi jheetaxini u gidda badiko yecha.

³⁵ Be miijheni oodi anxuttaasituko u ingicha, u bidzi bidzise e worguse aallo miijhe u ingicha.

³⁶ Be yeluttenani Qophrose dhaanaxe maaqicha e ommay Lewe maaqe bidzi Yoosefe sunge adey e yecha. Anxuttaasitini esa Barnabase hidi u xheygicha. E birchey <> hidi hiyoko.

³⁷ Sahani zal'i miijhe oodi anxuttaasituko e indo.