Anxuttaasiti 21 - Kille Caaqo

Phawlosey Yerusaleeme handosa

¹ Yenniyani u garafa nu shahutto geede markabiya utti sekke hanke arto badi Qoosse dhaanaa nu hando. Guta Roode dhaanaa nu ello. Yahafani Phaxhira katamaa nu yoodo.

² Finqe wude hange markabeni yaha degessi essaa utti hame nu ayto.

³ Qophrose dhaana aafena nu beedo geede hadursi bade datti nu gardo. Sooriya wude hangisine markabiya yechashiti Xhirose katamaa be idda hoxese u worgicho gisha yaha nu yoodo.

⁴ Yahani Laaxi oge hangeesita wordi nu degesso geede laappi wonte u da'aa nu decco. Usini Ayaana Geeshuna durkutti Phawloseko <> hidi uydo.

⁵ Yaha nu decco geede dhaddi hamese nu hine nu kesusune be uddina be maacaara be nayshitaara katamaafa wude aallo nuura u yoodo. Bagade da'aa bocunti Wonto nu shidho geede

⁶ wola sawussi nuni markabiya gelli uttinne usini be zawa dhaddi u maaddho.

⁷ Xhirose katamaafa dendi bagade garana nu hangicho oge alsi Phexhelemase katamaa nu ello. Wonto aadexeesitaara wola sawussi u da'aa bidzi wonte nu feyssho.

⁸ Yahafani guta dendi Qesaariya nu ello. Laappukafa bidzo maaqicha modhe odo ohe axe maaqe Filphoose zawaa gelli yaha nu decco.

⁹ Esuseni kaayo zeere oyddi woduraxhey u yecha.

¹⁰ Laga wonteni yaha nu utto geede bidzi Agaaboose hidi hisso kaayaxi Yuuda wudefa e yoodo.

¹¹ Ye kaayaxi nuuko yoodi Phawlosey esuna gixhichosha etti be kucheni be tokeni tutti < hidiko e hine>> yeydi e hido.

¹² Ye esani nu siido woggaaka numbani maaqqe yaha yecha axiti Phawlosey Yerusaleeme hanguwannike nu shidho.

¹³ Hinne esi <> yeydi e hido.

¹⁴ Nu shidhine siye e dheeddine <> yeydi hissidi mikki hidi nu dhaddo.

¹⁵ Oddhe wonte geedeni nuu naddhi Yerusaleeme nu hando.

¹⁶ Qesaariya katamaa yecha Laaxi oge hangeesitafa bidzi bidziti nuura u yoodo. Burowafa ayti aadexicha Minasooneso nu yesorosa yaha nuu u aando. Esini Qophrose dhaanaxuko e maaqicha.

Phawlosiyara cimitaara

¹⁷ Yerusaleeme nu elloniyani aadexichashiti maggana nuu u motto.

¹⁸ Gutani Phawlosey nuura Yayqoobe da'aa handinne Wonto zawa cimitini uddi yaha u yoodo.

¹⁹ Phawloseni uso be sawusso geede Wontoy e marona Ayhuda maaquwasiti giddaa hantosa e bidzi bidzina e oto.

²⁰ Ye e otosani be siidoniya Wonto u galatto. Ye e geedeni <

²¹ Neni Ayhuda maaquwasiti giddaa yese Ayhudaxita uddi yeydi erusiko Muse woga u dhaborosa ne mahe hidi hisoosa siidiko u yese.

²² Ne yoodosa siido badi dhagguttuwasso. Hinne am nuuse bishesha?

²³ Ha e gisha nu ohenike hantuwa. Saalo keenge oyddi geritako nu gidda yesa.

²⁴ Uso etti usaara wogay ohenike niya geeshuwa. Be qino u meedusorosani wooma shanguwa. Yeysi ne hantete ne gara odusutta odoy yaho e maaqesaara nenini Muse woga ne kakkesaara uddinako u ere.

²⁵ Ayhuda maaquwa aadexeesituse hidi hinesa diizzi ansiko nu yese>> yeydi u hido.

²⁶ Hinne Phawlosey guta ye gera etti handi bemba geeshe woga alsese usaara biya geejjhe e ayto. U geejhe wontay ayde e aalesaara u bidzi bidzise kaashay an wonte inguttesaara ohese Wonto Hayla Zawaa e gello.

Phawlosey aykutti tufuttosa

^27-28 Laappunxo wontay aale uddhine Isiyafa yoodecha Ayhudaxiti Wonto Hayla Zawaa Phawlose beedi axita uddi koyssuse densi <> yeydi uwwussine esa u ayto.

²⁹ Esume yeydi u hidosini Efesoonaxe maaqe Trofimose buro Phawlosiyara katamaa be beedecho gisha Wonto Hayla Zawaa etti e yoodosa uso e bisshineko.

³⁰ Katamaxitini uddi koysi be yechoyna woxxhi yoodi u bhikkilutto. Phawloseni ayti Wonto Hayla Zawa karaafa goosshi kessi yenniyawo qeyshi gasa u ayso.

³¹ Esani wodhese uydine <> hidi hine woossoy Rooma toorase afana maagako e hando.

³² Hinne tooraxitaara xhiixi gara afana maagitaraysi etti ye geriti gara e woxxho. Usitani be beedoniya ye geriti Phawlose be durichosha u dhaddo.

³³ Ye afana maagani yoodi Phawlose ayti <> hidi e hido. Oone e maaqesaara aba e hantosaara erese e oycco.

³⁴ Axitaafani bidzi bidziti seesa haasa u hicha, afana maagani axi koysine abaydi uynesi esuse gele dheeddine <> hidi e hido.

³⁵ Phawlosey be deemena deemena yese keela elli e yesune axiti uddi e gara dendese iitana ur'iya u yecho gisha tooraxiti iddi etti u hando.

³⁶ Axitini <> hidi uwwisine hamiya u yecha.

Phawlosey be gisha zeerdo zeere

³⁷ Tooraxiti be godowa aandi esa gelse u uddhesune Phawlosey toorase afana maagako <> yeydi e hido. Afana maagani <

³⁸ Hinne ukke woggaa toora densi hidi hiyutticha oyddi kuma axe etti saha melaa kessecha Gibxhaxi niya maaquwaye?>> yeydi e oycco.

³⁹ Phawloseni <> hidi e hido.

⁴⁰ Esini Phawlose <> hidi e hinne kedda godowa eedhi axi mikki hiyorosa kuchena e beyso. Mikki uydo geede Ibrayste nuunana zeere e ayto.