Anxuttaasiti 17 - Kille Caaqo

Phawlosiyara Sillaasiyaray Teselonqe katamaa beedo maddha

¹ Phawlosiyara Sillaasiyaray Anfipholise katamaara Apholoniya katamaara gardi Teselonqe katamaa u yoodo. Yahani Ayhudaxiti Bhikkilo Zaway e yecha.

² Phawloseni buro be losseke Ayhuda Bhikkilo Zawa gelli haydzi sanbata aallo Hayla Fissharowafa axita e erusso.

³ Mesihey maddhundosaara haybowafa e dendosaaray worgusesa e maaqichonike modhussi addussi ohisine <> yeydi e hicha.

⁴ Hinne Ayhudaxitaafa bidzi bidzitaara yeydiwo Ayhuda Wonto kuxicha laga Grikaxitaaray ye katamaa eruttecha laga indowaxhitaaray ohutta kato etti Phawlosiyara Sillaasiyara wolla bidzo u maaddho.

⁵ Maaquwaye baaka Ayhudaxiti dhiiddhi gubba aqe iita axita seyafa hayafa bhikkilli u gara u denso. Katamaani koysi dendorosa mati Phawlosiyara Sillaasiyara axituko oodi ingese wordi Yaasoone zawa u gooddo.

⁶ Hinne ye usita degexe dheeddi Yaasooniyara bidzi bidzi aadexeesitaara ye katama maagituko goosshi etti u hando. <

⁷ Yaasooney beeso uso mottiko yese. Ye usitini uddi < <> hidi hisso fede kaatuko yesa> yeydi hissineko Rooma wude kaati woosso u inxha'e>> yeydi hissine uwwiya u yecha.

⁸ Axitini ye katama maagitini ye esa be siidoniya iitanawo u en'o.

⁹ Yaasooniyara feditaaray miijhe oodi aysine u datto.

Phawlosiyaxhi Beriya katamaa

¹⁰ Yenniyawo qama Wonto aadexeesiti Phawlosiyara Sillaasiyara Beriya katamaa u anso. Handi be elloniya Ayhuda Bhikkilo Zawaa u gello.

¹¹ Ye katamaa yecha axiti Teselonqe katamaa yechashitume gawwo aako be maaqicho gisha Wonto katoni orje maggana u etto. Aade e maaqesani modhussi erese wontana wontana Wonto Hayla Fissharo sekke hanke arsi u beecha.

¹² Hinne usaafa lagiti aadesso, yeydiwo laga kuxuttese Grike indowaxhitaara laga aditaaray u aadesso.

¹³ Teselonqe katamaa yecha Ayhudaxiti Phawlosey Beriyaaka Wonto kato otosa be erdoniya yaha yoodi axita suqussi toora u denso.

¹⁴ Yenniyakani aadexeesiti Phawlose bagade da'aa e hamorosa ukkena u mato. Sillaasiyara Xhimootoosiyaramay yahawo Beriyaka u utto.

¹⁵ Phawlose aandasitini Ateena aallo u aasso. Yahafani Phawlose woosso <> yeydi hinesa Beriya etti u maaddho.

Phawlosey Ateena katamaa

¹⁶ Phawlosey Ateena katamaa Sillaasiyara Xhimootoosiyara kakkiya yesine ye katamaaka laga <> hidi uynesa kuchena naquttesesa be beedoniya e gawwo e muunne e higillo.

¹⁷ Ha e gisha Ayhuda Bhikkilo Zawaaka Ayhudaxitaara usaara Wonto kuxe geritaara addaaka axiti bhikkilutte godoni wontana wontana be degexe axitaarani uddi e zeericha.

¹⁸ Epikorse era geede hangichashitaara Istoyiko era geede hangichashitaaray Phawlose gara yoodi esaara berse u ayto. Yesuusa gishaara e denxo gishaara modhe odo ohiya e yecho gisha bidzi bidzitini <> yeydi hissine feditini assi <> yeydi u hicha.

¹⁹ Hinne Phawlose Aariyosfagose hidi hisso godo bhikkiluttese axituko oodi <

²⁰ Siidi nu eruwadecho bidzi bidzi zeeritako nuuse ne otese. Yebo, ha zeeriti aba maaqesa ereko nu worge>> yeydi u hido.

²¹ Ateena katama axitaara fede wudefa yoodi ye katamaa yese axitaaray uddi kille zeere zeerenaara siyenaarawoko be wogga garxe u eehicha.

²² Yenniyani Phawlosey Aariyosfagosiyaka bhikkiluttechaashiti buro eedhi <

²³ Hi katamaaka sekke hanke hantisine kuxiya hiyese laga hi wontita ta beesune yeydi diizuttese kaasha e gara kaashushooshi gara beediko ta yese. Hatte tani hinuse zeeresi ye erdo badi yesine hi kuxe Wonto gishako.

²⁴ Esi sahaara e gara yesesaara uddi meddha Wontoko. Afaseni sahaseni Laaxuko. Axi kuchena keexxho hayla zawaa yesuwasso.

²⁵ Yesoni kaxhunxeni yeydiwo fede basitani uddi uddise ingesi beese esawo maaqe gisha esuse faceshe basi baasso. Axi biya maresani worguwasso.

²⁶ Bidzi axukofa uddi axi omma meddhi ha saha gara uddi u yesoronike mati u yese beritani oti u wude wude shati e indo.

²⁷ Esume yeysi e matosi axiti Wonto u worgoronikiyara hossi kessi wordi degexese u danda'oronikiyarako. Maaqe baaka hidi hiyo maaquwasso.

²⁸ Ye esini yeso ni degessosini sekke hanke ni en'esini ni yesesini esunako. Yeydiwo hinukafa bidzi bidzi axiti olla'ena yeydi u hidosini ha esawoko.

²⁹ Wonto nayshe ni maaddho aalliya hidi maxe nuu worgusuwasso.

³⁰ Axi erdo badi hantechoshita Wontoy mikkidi dhaddi gardiko e yese, hattema be wudiya wudiya yese axi uddiwo be cubbo dhaddi u maaqorosa otiko e yese.

³¹ Be gadese axunani ha saha gara uddi aade yaa'a be yaa'e wonta kiitiko e yese. Ye esani uddi axi esuna erese danda'esi ye be gaddese axe haybowafa be densosunako>> yeydi e hido.

³² Haybowafa denxo gisha be siidoniya bidzi bidziti u dhaaddo, feditini <> yeydi u hido.

³³ Ye e geedeni Phawlosey u giddaafa kessi dhaddi e hando.

³⁴ Bidzi bidzi geritini esaara wolko bidzo maaddhi Wonto u aadesso. Ye aadesaasitaafa gate aheesitaafa maaqicha yeydi hiyoni Aariyosfagosiyaafa maaqicha Diyonisoose hidi hisso adiyara Damaarise hiyutte bidzi indowara fedeesitaaraydi ye ussaa yecha.