Anxuttaasiti 13 - Kille Caaqo

Barnabasiyara Sawliyaray xharuttosa

¹ Anxhokiya yecha Wonto zawa axiti gidda kaayaxitaara eruseesitaaray u yecha. Ye usini Barnabase, hidi hiyutte Simoone, Qaranaxi Lukiyoose, ye wude ahesa maaqicha Herodisiyara wolko bidzi zawa diccecha Minahe, Sawle yeydiko u maaqicha.

² Usini Wonto u kuxusuniyara u xhoongusuniyara Ayaana Geeshi <> yeydi e hido.

³ Yenniyani xhoondi Wonto be shidho geede be kuchita u gara gaddi shidhi u anso.

Barnabasiyara Sawliyaray Qophrose dhaana gara

⁴ Barnabasiyara Sawliyaray Ayaana Geeshi ansine Solooqiya hidi hisso katamaa u hando. Yahafani markabena Qophrose dhaana aallo u ello.

⁵ Salamise hidi hisso godo be ello wogga Ayhuda Bhikkilo Zawittaa Wonto kato u erusso. Yohaniseni usaara yesine uso e maricha.

⁶ Ye dhaana gara hanno birafa dendi seno bira aallo hangisine Phaaffo u ello. Yahani bidzi laaha Bar-Yesuusa hidi hiyutte Ayhuda maaqe zaade kaayaxe u degesso. Esini xhoozi osana micushe hanta e hanticha.

⁷ Sargiyose Phawlose hidi hissoosaara wolko e feyshicha. Sargiyose Phawloseni ye dhaana ahe gaxe keenge axe e maaqicha. Barnabasiyara Sawliyara beeko xheydi Wonto kato siye e wordo.

⁸ Grikaxiti nuunana Elmaase sunge ye laaha Bar-Yesuusay ye wude ahichashi Wonto e aadexuwannike wordi Barnabase garaara Sawle garaara e dendo.

⁹ Phawlose sunge Sawley Ayaana Geeshi essaa kundine ye axi aafiya caddi beedi

¹⁰ <

¹¹ Hay hatteni Wontoy be huula kuche ne gara densiko e yese. Bal'ako ne maaqe, oddhe woggani fo'e bewannako>> yeydi e hido. Yenniyawo e aafeni jhemmi jhemmissi beedi fettowo esuse e ceendo. Be kuche ayti durkesani be googe worge e ayto.

¹² Ye wude ahichashi ye maaddha base beedi Wonto e aadesso. Laaxi gisha be siido erana e micco.

Phawlosiyaxhi Phisidiya Anxhokiya

¹³ Ye e geedeni Phawlosiyara esaara yechashitaaray markabiya utti Phaaffo katamaafa dendi Phanfiliya yese Pherge hidi hiyutte katamaa u hando. Yohanisey usaafa shahutti sekke maaddhi Yerusaleeme e hando.

¹⁴ Usimay Phergefa dendi Phisidiya wudiya bente Anxhokiya u hando. Sanbata wonte Ayhuda Bhikkilo Zawa gelli u utto.

¹⁵ Musesafaara kaayaxiti fissharowafaara e zeerusutto geede Ayhudaxiti Bhikkilo Zawa afana maagiti <> hidi hissine Phawlosiyaxhuko axuna u ohusso.

¹⁶ Hinne Phawlosey dendi be kuchena beysi <

¹⁷ Ha Isra'eele geri Wontoy buro nuwadiyaxhitako e xhardo, Gibxhe wudiya artaxita maaddhi u yesuneni uso laga axita e mato. Angussi be osanani yahafa uso e kesso.

¹⁸ Oyddi tammi bera aalloni saha melaani uso be zahiya e iddo.

¹⁹ Ye e geede Kene'aane wudiya be godo godo ayti yecha laappi kaataxhe baysi ye u saha uso e dhaalusso.

²⁰ Ye esini uddi maaddhosi oyddi xhiixe ichichi tammi bera giddaako. Ye e geedeni kaayaxi Samu'eele be denso aallo uso ahesa yaa'axita e indo.

²¹ Hinne usini kaate be gara e kaatexorosa Wonto u shidho. Wontoy e ommay Biiniyame maaqe Qiise na'i Sa'oole u gara e kaatesso. Esini oyddi tammi bera aallo u bakkaa e kaatto.

²² Sa'oole be oosso geede Dawite u gara e kaatesso. Dawite gisha zeerisine Wontoy yeydi e hido.

²³ Ye Dawite bohiyafa Wontoy <> hidi beydechosha Isra'eele loolusesa Yesuusako e indo.

²⁴ Yesuusay yoodo baanne Isra'eele geriti be cubbo dhaddi maaddhi xhamaquttoronikeko Yohanisey burona e erusicha.

²⁵ Be hanta alsese be uqusoniya hidiko e hidecha.

²⁶ Hinuno Abrahaame fira fiixhaafa yeluttese wolindo na'axhito, hinuno Wonto jhasheeshito fede axito! Waydi nu loolorosa ohe katoy anxuttosi nuusuko.

²⁷ Yerusaleeme yeseesitaara uso aheesitaaray Yesuusay loolusesa gaxhutto baasso. Sanbatana sanbatana kaayaxiti fissharo u zeerususune e ohesi ususe gello baasso. Yesuusa gara be yaadhosuna ye fissharoy otecho kato u also.

²⁸ E hay'oronike elluse zeere e gara degexe dheeddakoni e hay'oronike Philaxhose u shidho.

²⁹ E gisha diizuttechashe uddi be ittusso geede sussaafa hossi u mooddo.

³⁰ Hinneko Wontoy haybowafa esa e denso.

³¹ Galilaafa Yerusaleeme esaara yoodasituseni laga wontiti giddaa sekke sekke ususe e bento. Ye usitini be beedonike hatte axituse odusiyako u yese.

^32-33 Nuni hinuse modhe odo ohesuko nu yoodo. Ye esini Wontoy nuwadiyaxhituse indecho gobboy Yesuusa haybowafa Wontoy densosuna u nayshe maaqe nuu giddaa e ittosako. Ye esini Zingale Fissharowaka yese lakkunxo zingale yeydi e diizuttonikeko.

³⁴ Haybowafa densi sekke e hay'uwannike e mato. Wontoy yeydiko e zeerdese.

³⁵ Assini Zingale Fissharowa fede godo yeydiko e hidese.

³⁶ Dawiteni be beraaka Wonto maxoke be hanto geede e haydho, biyadiyaxhitaarani moogutti e ahay sando.

³⁷ Maaqe baaka Wontoy haybowafa denso Yesuusay sando baasso.

³⁸ Yoonase indo na'axhito, cubbowafa maaruttey bentesi Yesuusana e maaqenike hay siidoytako, eruwayte.

³⁹ Muse wogay cubbowafa geesshi gizusuwasso. Esa aadexesimay uddi cubbowafa geejjhiko gizo u maaqe.

^40-41 Kaayaxitini zeerisine yeydi hidechoshi hi gara e elleesume hinumba kakkuwayte>> yeydi e hido.

⁴² Phawlosiyara Barnabasiyaray Ayhudaxiti Bhikkilo Zawafa kesusune axiti ye zeere yoone sanbata wonte sekke u zeerorosa uso u shidho.

⁴³ Bhikkiluttecha axiti budutto geede laga Ayhudaxitaara Ayhuda woga etti u Wonto kuxe geritaaray Phawlosiyara Barnabasiyara u hando. Usini ye axitaara zeerisine Wontoy ususe keenge maxo modhete giddaa miindi u yesorosa <> hidi u minso.

⁴⁴ Lakko sanbata wonte ye katama axitini oddhewoy attine lagay Laaxi kato siyese u bhikkilutto.

⁴⁵ Ayhudaxiti axi lagete be beedo woggaa orjena u dhiiddho. Phawlose zeereni bersi inxhadhi esa u cassho.

⁴⁶ Yenniyani Phawlosiyara Barnabasiyaray < hidi hi gara hi yaadhosuna hatte nuni hi garafa maaddhiko Ayhuda maaquwasituko nu hange.

⁴⁷ Laaxi Hayla Fissharowa yeydi e hido. Ye woossonako Ayhuda maaquwasituko nu hange>> yeydi hissine naassi u zeerdo.

⁴⁸ Ayhuda maaquwasitini ye esa siidi maddi Laaxi kato gisha Wonto u galatto. Koolo makkina yesose xharuttechashitini uddi u aadesso.

⁴⁹ Laaxi katoy ye wudiya laga godo ohuttisine e hando.

⁵⁰ Ayhudaxita durkichashiti Wonto kuxicha keddaydese indowaxhitaara katamaa yecha orje geritaaray Phawlose garaara Barnabase garaara axe suqussi densi u goodorosa mati be wudiyafa u kesso.

⁵¹ Usini ususe ato e maaqoronike be toke xhuure fitti gussi Iqoniya katamaa u hando.

⁵² Laaxi oge hangeesiti orjena maddi Ayaana Geeshuna u kundo.