2Yohanisey 1 - Kille Caaqo

Yohanise sawo

¹ Cima mateso tani aadewo ta eehe Wontoy xhardese zawayndosaara i nayshushaarako ha woosso ta diize. Hinumba eehesi taawoni maaddho badi e yesune aade ereesiti be uddinako hinumba u eehe.

² Ye aadeni hatte niika yesesaara buro garani niira koolo makki aallo yesesaarako.

³ Wonto adekofaara e yele Yesuusi Kristosakofaara Wontoy axuse keenge maxo modhetey, maarowara modhetiyaray niira wolko eehanaara aadenaara yesuwaye.

Aade gishaara eeha gishaara

⁴ Adekofa woosso ni ettechonike ne nayshukafa aade hantisine esuna yeseesita bidzi bidzita ta degesso gisha orjenako ta maddese.

⁵ Yebo, hatteni nuundiye! Neese ta diize woossoy kille woosso maaddho badi e yesune burowafa ayti <> yeydi hine woossoko.

⁶ Aadena eehaydi hiyoy Wonto woosso hantisine esuna yeseko. Burowafa ayti hi siidonike ye woossoni <> yeydi hinesako.

⁷ Axe qaaruseesitako lagay ha saha gara dendi yesa. Yesuusi Kristosay axe maaddhi yoodosa aadekoydi hiwasiti axe qaaruseesitaara zaadena <> hidi hineesitaarako.

⁸ Hi gafa wooma kumena hi eforonike baaka hi hantechoshi baaneesume hinumba kakkuwayte.

⁹ Kristosay erusonike yese baasa esukofa dhaddi kesesuse Wontoy esaara baasso. E erusenike yesesusema ade maaqe Wontoni e yeleni esaara wolkoko u yese.

¹⁰ Kristosay erusonike erusuwasi ooneni hinxo hama'ayko hi zawaa mottofita, fetto sawusofita.

¹¹ Ooneni esa mokkesi e iiteteko esaara e shato hidi hiyoko.

¹² Hinuse ta diize laga abakoy yechoyne ha essaaka e uddina hinuse diizese wordo baasso. Bidzi muxhurona ni maggoronike handi hinunaara deemona wola muti ni zeeroronike gobbe keemako ta keenge.

¹³ Wontoy xhardosa maaqe neyndo busho nayshi <> hidiko nemba u sawuse.