2Xhimootoosese 2 - Kille Caaqo

Kristosase modhe tooraxe maaqe gisha

¹ Yebo ta na'e Xhimootoose! Yesuusi Kristosaara bidzo ne maaddhosuna Wontoy neese be keenge maxo modhetiyafa neese indo eehana oseywa.

² Laga axiti buro taakofa ne erdese era fedeesita erusese era keengeesitusaara muxhuro keengeesitusaara odde hissine garxuwa.

³ Neeseni Yesuusi Kristosa modhe tooraxe maaddhi ne gara yoone maddha fedeesiti dandadhonike dandadhi garxuwa.

⁴ Tooraxi ye toorase afana maaga maggusese worge axuko baaka fede be yeso jheetiya geluwasso.

⁵ Yeydiwo gaaddo woxhe axi e worguse wogake be kardutto baa aallo esaara be woxhichosha iisshi moore efese danda'uwasso.

⁶ Wootaa wootti gakke wootaadey ye woota kaxhe kaxa muune axitume burona muunesi esako.

⁷ Laaxi uddi abakose gaxe neese e inge gisha neeko ta ohesa uddi hossi kessi maxuwa.

⁸ Dawite bohiyafa maaqe haybowafa denda Yesuusi Kristosa maxuwa. Tanini ohiya yese modhe odoy ye esako.

⁹ Hade woga garda axuke ta tufuttoro aallo maddhay ta gara yoodosi ha modhe odo gishako. Tani tufuttoose baaka Wonto katomay beese tufuttuwasso.

¹⁰ Yesuusi Kristosana benta loolowara koolo makkina kuxa fuulaara u degexoronike Wontoy xhardese axitume hissineko uddi base ta danda'e.

¹¹ Ha zeeruttiya yese zeerey aadeko. Ye esini <

¹² uddi basuna dandadhi ni miimo'ayko, esaara wolkoko ni kaate; hidi ni hitta'ayko esini assi nimba hidiko e hine;

¹³ Nini esaara wolko bidzi muxhurona yessi bente nu dheeba'ayko esi beese be yese godofa artese be danda'uwa gisha be maxo garafa be geede gara maaquwasso>> yeydi hinesako.

Gakkuwa hantaxi gisha

¹⁴ Ha esa modhussi u gaxhoronike axuse ohuwa. Kato seyafa hayafa etti e gara u bersuwannike uso <> hidi hissine minsi kashuwa. Ye esa bishe bersay siineesita e baysesa baaka abani go'uwasso.

¹⁵ <> hidi Wontoy nemba hidesesa maaddhi ne bentoronike oseywa. Be hante hantana borsuwa aade maaqe Wonto kato e yesenike erusiya yese hantaxuke hantuwa.

¹⁶ Wonto kuxusuwasa maaqe go'uwa odoy axiti Wontokofa dhaddi zaroronike e mahe gisha ye esa bissheshe odo garafa neese dhaddi zaruwa.

¹⁷ Ye erusiya u yese eray hade haybose elluse madakeko bootti e muune. Ye ussaakako Hermenosiyara Filetosiyaray yese.

¹⁸ Ye usiti <> hidi hissineko aade ogiyafa beese dhaddi u kesso. Erusiya be yesesuna bidzi bidzi axita u aadexo garafa olliyako u yese.

¹⁹ Sekke hanke en'ese danda'uwa Wonto kaachomay kaachutti eedhiko e yese. Ye eedhese kaacho gara <> yeydi hinesaara <> yeydi hinesaarako diizutti yesa.

²⁰ Zawa mallaaka laga bisha miijheko yesa. Bidzi bidziti worqiyafaara birriyafaara fedeesiti assi missaafaara sahaafaara hantutteseesitako yesa. Bidzi bidziti kuxuttese hanta gara fedeesiti assi acheysha hanta garako u feyshe.

²¹ Ha e gisha haanxhi zeere iita inxhadhi geeshe maaddhi yese axi kuxuttese hanta gara feyshe miijheko e bishe. Uddi modhe abako marese naquttese miijhey hayloondesesaara zawaadese go'esaarako.

²² Yoonase, neni mulloontey oone iita col'a garafa neese dhaddi ba'uwa. Geeshi muxhurona Laaxe kuxeesitaara wolko gizeteni, aadexoni, eehani, modheteni ne gara gaddi esaara dicuwa.

²³ Go'uwasa maaqe birche keenguwa bersay koyse e oonesa ne ere gisha e garafa neese dhaddi zaruwa.

²⁴ Laaxi hantaxi uddi axuse shenaxe, axe erusese era keengesa, danda'esa baaka koyse denxesa maaqe esa worgusuwasso.

²⁵ Bemba inxha'esa shenona eruseko esa e worguse. Haliya Wontoy aade u erorosa be cubbowafa dhaddi u maaqoronike mahesuko e danda'e.

²⁶ Ye esunako Humbayey beese be maxo alsese be harbhana uso aytechoshaafa biya gaxxhi tulxhese u danda'e.