2Qorontoosaxituse 9 - Kille Caaqo

Haylaxita mare miijhe kesse gisha

¹ Yuuda wudiya yese haylaxituse miijhe kese gisha hinuse diize worgusuwasso.

² Ye esini Akkaya wude yese hinuni ye usita marese modhe hi massechosha erako ta ere. <> yeydi hissineko Maqadoonaxiti buro hinumba ta nassheshe. Fettowo hinuni marese hi naquttosi fede laga axitini maroronike matiko e yese.

³ Ha esuse hinumba nu nasshecho nashoy <> hidi nu hiyutteeme ye indo na'axhitako ta anxe. Buro hi gisha fedeesituko ta zeerdonike miijhe hanti taa kakkuwayte.

⁴ Haliya Maqadooniya axiti taara wolko handi hi hanto baanne u beeta'ayko hinumba nu nashe gisha borsako nu borse, hinunini orjenako hi borse.

⁵ Ha e gisha <> hidi hi hidecho miijhe burona hi hantorosa hinumba u maxusorosa hidi hissine hinuko ta hangeesume e buro ha indo na'axhita <> hidi hiyey taase worgusesa maaddhi bentiko e yese. Ye e bishanako hinuko ta hangeniya hantutti e kakke. Hi ingesini osana hi garafa ettosa e maaddho baane hi eehana hi indonikeko e beyse.

⁶ <> yeydi hinesa gaxhuwayte.

⁷ Wontoy eehesi maggana inge axe e maaqe gisha be bidzi bidzina be muxhurowanna <> hidi be hidosa inguwaye baaka higilisine oo'oyne <> hidi e hiyutto gisha indoppe.

⁸ Uddi wogga uddi worguse abako degessi modhe hanta uddi hantese hinuse e worguseesume afana garsi Wontoy axuse be keenge maxo modhetiyafa densi hinuse lagusesuko e danda'e.

⁹ Ye esini <> yeydiko e diizuttese.

¹⁰ Aylesuse mor'e miyose kaxa inge Wontoy hi ayle mor'e kunsi garsiko e inge, hi gizeteni laga aafe kaxhoronikeko e mahe.

¹¹ Hi inge ingo aandi ususe nu elluse axiti Wonto u galatoronike uddiwo jherdi hi ingoronike Wontoy uddi basuko hinuse kossi kossi e inge.

¹² Miijhena hi mare maroy haylaxiti be jhi'etiyafa u kesorosawo e maaddho baane Wontose laga axiti orje galata u uqusorosako e mahe.

¹³ Miijhe ingena hi mare maroy Kristosa gisha ohe modhe odo etti woosutteesita hi maaqenikiyara ususaara fedeesitusaara ingesa hi maaqesaara e beyse gisha be uddinako Wonto u galate.

¹⁴ Wontoy axuse be keenge keddaydese maxo modhetiyafa densi hinuse modhe e hanto gisha usini hinumba sazziko hinuse Wonto u shi'e.

¹⁵ Axi zeerdi danda'uwa be ingona Wontoy galatuttesesa maaquwaye.