1Yohanisey 4 - Kille Caaqo

Kaayaxi an badefa maaqesa shati ere

¹ Ta eehe ta badito! Ha saha gara zaade kaayaxiti dendese gisha <> hidi hineesita aadekoysine uddi ettofita, fetto hi ekkeesume ayaaniti Wontose maaqenikiyara e maaquwanikiyara arsi beedi eruwayte.

² Yesuusi Kristosay axe maaddhi yoodonike <> hidi hineesiti uddi Wonto Ayaanana dendi zeereesitako. Ye esunako Wonto Ayaanakofa dendi zeereesita shati hi ere.

³ Yesuusay axe maaqenike <> hidi hiwwa axi uddi Wonto Ayaanana dendi zeeresa maaquttuwasso. Ye ayaanay <> hidi hissune hi siidecho Kristosa iile ayaanako. Fetto hanzo ha saha gara yesako e yese.

⁴ Nayshito! Hinunimay Wontosuko, hinukaa yese ayaanay ha saha gara yese ayaaname e gare gisha zaade eruseesita iisshiko hi yese.

⁵ Usini ha sahaafako, ha sahaafa be maaqe gisha u zeeresini ha saha maxowafako. Ha saha axitini ususuko siine.

⁶ Nunimay Wontosuko, Wonto ereesiti be uddina niise siitako u siine. Wontose maaquwasitimay niise siwwasso. Aadekofa yooda Ayaanaara zaadekofa yooda ayaanaara ye esunako shati ni ere.

Wontoy eetonike wola eehe gisha

⁷ Ta eehe ta badito! Eehay Wontokofa e maaqe gisha sekke hanke wola ni eehheese. Eeha keengesi uddina Wonto yeleko. Wontoni erako e ere.

⁸ Wontoy beese eeha maaqe gisha eeha keenguwasi be uddina Wonto eruwasso.

⁹ E yele badena yeso ni degexoronikeko bidzi be yele Wontoy ha saha gara e anso. Ye esunako Wontoy be eehay aan aallo maaqenike nu giddaa e addusso.

¹⁰ Eehay ha esako. Eehay nini Wonto eetonike maaddho badi e yesune Wontoy numba beesewo be eetosaara be yele kaasha mati nu cubbo e ooxorosa e ansosaaray ye esako eehay.

¹¹ Ta eehe ta badito! Wontoy nimba yeysi eeto geede ninini sekke hanke wola eeheko e worguse.

¹² Wonto beedese axi bidzini baasso. Sekke hanke wola ni eeto geede Wontoy niikaakako e yese. E indo eehani bidzi muxhurona wola ni eehoronike matiko e yese yeydi hiyoko.

¹³ Wontowaka ni yesenikiyara esi niika yesenikiyara erese ni danda'esi Wontoy niise Ayaana Geeshe indosunako.

¹⁴ Adey be yele ha saha haybowafa maaresa mati e ansonike beediko ni yese, ye esuseni ato maaddhiko ni zeere.

¹⁵ Yesuusay Wonto yele maaqenike ateyne axuse uddi Wontoy essaakako yese. Esini Wontowakako e yese.

¹⁶ Yeydiwo nunini Wontoy niise keenge eeha erdiko ni aadexe. Wontoy eehako, eehana yese axi Wontonako e yese, Wontoni essaakako yese.

¹⁷ Ye ogena bidzi muxhurona ni eehoronike matiko e yese. Ha saha gara ni yese yesoy hade Kristosa yessoke maaqe gisha yaa'a wonte e buro uqese naassako nu naasse.

¹⁸ Bidzi muxhurona eehutte eehay jhashe kessi e ooxesa baaka eehaaka jhashey baasso. Jhashey yaa'aara wola aytesesa e maaqe gisha jhashachi eehay bidzi muxhurona maaquwasso.

¹⁹ Nini Wonto eehesi buro nimba e eeto gishako.

²⁰ <> hissine beyndo na'e beyndo busho inxha'esi zaadaxuko. Beya be yese beyndo na'e beyndo busho eehuwasi waysiwa be beewwa Wonto eehese e danda'e?

²¹ Kristosay niise indo woossoy <> hidi hinesako.