1Qorontoosaxituse 5 - Kille Caaqo

Aadexeesiti gidda meddhutta borsuse hanta gisha

¹ Hi giddaa borsuse laggetoy yesesako odusuttiya yesa. Yeenke yese laggetoy aadesso baasiti da'aani fetto hantuttuwassako. Ye esini biyade macho hade be machike matesesako yesa.

² Hinne yeenke yese borsuse zeerey hi giddaa yesune ame hi nashutte? Nashuttekofa higilli ha e bisha hanta hante axe hi giddaafa ooxey hinuse bishuwaye?

³ Fetto tani abani hinunaara wolla yaha yese dheeddakoni ta maxona hinunaara wolkoko ta yese. Hade hinunaara wolko yese axukeko ha esa hanta axi gara yaadhi alsi ta yese.

⁴ Laaxi Yesuusa sunxuna hi bhikkilutte woggaa tanini ta maxona hi giddaa ta bente gisha hi giddaaka yese Laaxi Yesuusa osana

⁵ yeenke yese axe Humbayese garsi inguwayte. Yeysi hi mahesini ye cubbachi e acho maxoy baadi e lubboy Laaxi yoone wonte looloronikeko.

⁶ Yebo, hi nashuttesi modhe maaquwasso. Oddhe iraacitey laga liixhe denxesa eruwaytuwa?

⁷ Iraacitey essaa baa hade kille liixheke hi maaqoronike dhooqo iraacite hinukafa ooxuwayte. Hattema hinuni iraacite keenguwa liixheko. Ye esini Garo Massalase nuuse dore maaddha Kristosay kaashuttiko e yese.

⁸ Ha e gisha be bishana bishana yese iitetey essaa kundese dhooqo iraacite e maaddho baanne iraacitey essaa baa gizetiyara aadiyaray essaa kundese helto boorana nu massala nu kuxxoose.

⁹ Ha e buro hinuse ta diizzo woossowa <> hidiko ta hidecha.

¹⁰ Yeydi ta hidosini <> hidi hiye maaquwasso. Yeydi e maaddhesakoma ha sahaafa fetto keseko hinumba e worgusicha yeydi hiyoko.

¹¹ Hatte hinuse ta diizosi <> hidi hissine laggeteesitaara, uddi abakose habbu habbu hineesitaara, Wonto maaquwasita wonto mati kuxeesitaara, axi sunxe bayseesitaara, usshi goojheeshitaara, oo'oyne kayseesitaara wolko feysshofita, fetto kaxa usaara muudofita.

¹² Aadexuwasiti gara yaa'ese essaa taa gelsesi baasso. Hinuni yaa'iya hi yesesi aadexeesiti giddaa yeseesiti gara maaquwaye?

¹³ Aadexuwasiti gara yaa'esi Wontoko. Yoonase <>