1Qorontoosaxituse 1 - Kille Caaqo

Burona sawo

¹ Wonto maxoke Yesuusi Kristosase anxuttase maaqese xheygutta Phawlosekofaara indo na'i Sostenesekofaara

² Qorontoose yese Wonto zawa axituse nu anxe woosso. Hinuni Yesuusi Kristosana haylondi uddi godowa yesine e sunxe xheygeesituseni nuuseni Laaxe maaqe nu Laaxi Yesuusi Kristosana wolko haylaxita maaqesuko hi xheyguttese.

³ Nuuse ade maaqe Wontowara Laaxi Yesuusi Kristosaaray axuse keenge modhe maxowara modhetiyaray hinuse maaquwaye.

Phawlosey Qorontoosaxiti gisha Wonto galatto

⁴ Yesuusi Kristosa badena Wontoy axuse be keenge be maxo modhetena hinuse laga modhete e hanto gisha uddi woggaako esa ta galate.

⁵ Kristosay uddi basuna zeerenani maaqqe erena keddaysiko hinumba e yese.

⁶ E gisha hinuse nu otosa minsi aytiko hi yese.

⁷ Yoonase nu Laaxi Yesuusi Kristosay yoonesa kakkiya hi yesune Ayaanay hinuse inge ingoy be badena badena yesesi hinuse facuwassho.

⁸ Nu Laaxi Yesuusi Kristosay yekke yoone wonte haasse keenguwasa maaddhi hi bentoronike aallicira makko miindi hi yesorosako hinumba Wontoy e mahe.

⁹ E yele maaqe nu Laaxi Yesuusi Kristosaara bidzo maaddhi esaara hi yesorosa hinumba xheyda Wontoy eezuttuwasso.

Aadexichashiti giddaa yecha shaho gisha

¹⁰ Nuundo nayshito! Hi zeeresi bidzi bisha maaquwaye baaka hi giddaaka shahoy yessoppe. Hi uddina wolla kundi bidzi muxhuronaara bidzi maxonaara miindi yesuwayte hissineko nu Laaxi Yesuusi Kristosa sunxuna hinumba ta shi'e.

¹¹ Nuundo nayshito! Hinumba ta shi'esini hi giddaaka bersaara wola shahowaray yesesa indo Qeelo'e zawa axiti garafa ta siidese gishako.

¹² Hinukafa bidzi bidziti <> feditini assi <> yeydiwo assi feditini <> feditini assi <> yeydiko u hine hidi hinesa siidiko ta yese.

¹³ Hine Kristosay beese shahuttiya yese? Hi gisha suxhuttay Phawlosiya? Oo'oyne hi xhamaquttosi Phawlose sunxuna?

¹⁴ Hinukaafa Qarsaphasiyara Gaayoosiyara baaka ooneni ta xhamadho baa gisha Wontoko ta galate.

¹⁵ Yoona <> hidi zeerese danda'e axi baasso.

¹⁶ Haga haga, Isxhifanoose zawa geritani xhamadhiko ta yese, ye usume feda ta xhamadho axiti yesesa gaxhuwasso.

¹⁷ Kristosay taa ansosi modhe odo ta ohorosa baaka ta xhamaqorosa maaquwasso. E suxhutti haydhosi osa dheeddi yaho maaddhi e ateesume ye modhe odo ta ohesi ta keenge modhe eraafa benta zeerena maaquwasso.

Wonto eraara Wonto osaaray Kristosako

¹⁸ Baane axiti <> yeydi hine kato muyoonte matiko u beene, loole nunimay Wonto osa matiko nu beene.

¹⁹ Ye esini <> hidiko e diizuttese.

²⁰ Hinne gaxaxi ay e yese? Hossi kessi arsi beene eraxi ay e yese? Zeere zeerena eruttesesi ay e yese? Wontoy ha saha gara yese axiti era muyoonte matiko e yese.

²¹ Wontoy be eraafa densi ha saha gara yese axiti be keenge erana Wonto eruwannike matiko e yese. Yeysi mahena ha saha gara yese axituse hade muyoonteke bente nu eruse modhe odo siidi aadexeesita loolusese modhe e maxo maaddhiko e yese.

²² Ayhudaxiti <> hidi hiyese micushe abako beyesuko u worge. Grikaxiti assi <> hidi hiyese eray essaa yesesa beyesuko u worge.

²³ Nunimay <> hidiko nu ohe. Ye esini Ayhudaxita dhumusesako Ayhuda maaquwasituseni muyoonteko.

²⁴ Ayhudaxitaafani maaqqe Grikaxitaafani Wontoy xheydoositusema Kristosay Wonto osaara Wonto eraarako.

²⁵ Axuse muyoonte bisshi bente Wonto hantay axi erame garoko e gare. Axuse gafaxe bisshi bente Wonto hantay axi osame garoko e gare.

²⁶ Nuundo nayshito! Wontoy hinumba xheydoniya aba bisha axita hi maaqichosha maxuwayte. Axi beenenike hinukaafa lagiti eraxita oo'oyne osaxita assini kuxutte axita maaquwadiko hi yecha.

²⁷ Wontoy eraxita borsusese ha saha gara hade muyituke taabuttichashitako e xhardo. Osaxitani borsusese ha saha gara <> hidi hiyuttichashitako e xhardo.

²⁸ Ha sahaa yese axiti badiya kuxutti benticha abako yaho e maaqorosa mahese Wontoy xhardosi ha saha gara ullaydeseesitaara haassutteseesitaara yeydiwo yaho maaddhi taabuttichashitaarako.

²⁹ Yeysini e matosi ooneni Wonto buro cee'utteesumeko.

³⁰ Wontoy hinumba Yesuusi Kristosaara wolla bidzoko e mato. Esani nuuse era e maaqorosako e indo. Numba gizusasini, numba haylonsasini, numba wozzasini Kristosako.

³¹ Yoonase hayla Fissharoy ohenike <>