Yowana 12 - INDAGANO INYA:YA

Yesu ne:tirirvia amafuta amarange

¹ Mbe anu jariga jicasigaeo siku ita:nu na rumwi okukinga ku Pasaka, Yesu naja Betania, enu ariga:ri Lajaro, unu Yesu asu:ruye mu bafu:ye.

² Mbe nibamute:kerayo ebiryo bya mu ngeta, na Marita nakereketa, nawe Lajaro nbaba umwi bu banu bariga benyanjire nage ku nenda.

³ Mbe Maryamu nagega ratiri imwi ya mafuta amarange ago bugusi burambu muno, nagabambaga ku bigere bya Yesu, nasinga ebigere byae na jifwiri jae. Inyumba ni:swira orurango rwa mafuta.

⁴ Nawe Yuda Iskariote, niwe oumwi ku be:igisibwa bae, unu ariga nenda okumuromera iniku, na:ika ati,

⁵ ?Kubaki amafuta ganu barema oku-gaka:namo gaso:kamo siringi magana gasatu jo kugabira abataka?

⁶ Mbe a:ikire kutyo, tari kwicuka abataka, nawe okuba ariga:ri mwifi, ka niwe ariga ambae isagwa, nagegaga binu batagamo.

⁷ Mbe Yesu na:ika ati, Mumusige, agabikire orusiku rwo kusi:kwa kwani.

⁸ Okuba abataka muri nabo siku jo:ne, nawe anye mutakuba nanye siku jo:ne.

⁹ Mbe ecise cinene ca Bayaudi nibamenya ati ariwo, niba:ja, tari kurwa Yesu era, nawe ka barore Lajaro one unu asu:ruye mu bafu:ye.

¹⁰ Nawe abagabisi abakuru nibarwaja okumwita Lajaro one.

¹¹ Okuba ba:fu ku Bayaudi nibagenda nibe:kirisya Yesu kubwae.

Yesu nengira Yerusalemi arinyire ku sikiri

¹² Mwejo ecise cinene, banu bariga be:jire ku marya, wejire bongwa ati, Yesu ka:ja Yerusalemi,

¹³ Nibagega amatabi ga makinda, nibagenda okumuramira niba:ikirira inguru ati, Osana, Ana ribando unu ka:ja mwisi:na rya Ratabugenyi, Niwe Omukama wa Israeli.

¹⁴ Nawe Yesu ejire abona akasikiri, nakarinyako, rwa kutyo candikirwe ati,

¹⁵ Siga ku:baya, awe muyara wa Sayuni. Rora Omukama wao ka:ja arinyire ku mwana wa isikiri.

¹⁶ Ebyo abe:igisibwa bae batasombo:keywe okwamba, nawe e:jire amara okukusibwa niwo nibe:cuka ati, ebyo byariga bimwandikiywe, na ka ati, bamukorere kutyo.

¹⁷ Mbe ecise cinu cariga cinage, rurya abirikira Lajaro kuso:ka mu:fwa, namusu:rura mu bafu:ye, nibamwimako.

¹⁸ Ecise kwocakorere nicigenda okumuramira, okuba bongu:ywe ati akorere ecibarikisyo eco.

¹⁹ Mbe Abafarisayo niba:ikana ati, Omurora kutyo muri ngwago era. Rora ca:ro co:ne camuwereeko.

Abagiriki nibenda okurora Yesu

²⁰ Nawe bariga bario Abagiriki abandi mu banu bariga be:jire ku marya okuramya.

²¹ Mbe abo niba:ja ku Filipo, unu aso:kere Betesaida ya Galilaya, nibamusabwa niba:ika ati, Mukaruka, ecenda okurora Yesu.

²² Filipo naja nabwira Anderea. Anderea na Filipo nibabwira Yesu.

²³ Yesu naindura na:ika ati, Omwanya gwakinga, Omwana wo mu:nu akusibwe.

²⁴ Ni cimari cimari enibabwira ati, Injuma ya ingano ikagwa mu maaru nirema okufwa, eiba iri:yo era, nawe ikafwa, eitwasya matwasyo ma:fu.

²⁵ Unu kenda obuanga bwae kabubusya, nawe unu katamanganwa obuanga bwae mu ca:ro cinu, niwe aribwama kukinga ku buanga bwa kajanende.

²⁶ Omu:nu wo:ne akankorera, andu:be. Anu anye niri, eyo omukosi wani one niyo arabaga. Omu:nu wo:ne akankorera, Rata arimuyana ecibaro.

²⁷ Woryanu omwoyo gwani gwarumarumirwe. ?Ka naike ki? Rata nunkisye okunso:sya mu mwanya gunu. Nawe nikwo nakora ninkinga mu mwanya gunu.

²⁸ Rata, kusya risi:na ryao. Mbe, riraka niriso:ka mu rwire ati, Narikusisye, ka ndirikusya rindi.

²⁹ Mbe ecise cinu cariga ci:mereguyu ao, wejire baryungwa, niba:ika ati, Kugwejuma. Abandi niba:ika ati, Maraika niwe agwekwaika nage.

³⁰ Yesu naindura na:ika ati, Riraka rite:jiye anye, nawe nemwe ri:jiye.

³¹ Woryanu i:si inu eitemerwa eci:na. Woryanu Omukuru wa i:si inu kajo:kuirisisibwa emwira.

³² Anye ariba nasungwa ku ca:ro, ndikururira kwanye bo:ne.

³³ Nawe a:ikire kutyo, ne:resya okufwa kunu ariga najo:kufwa kutyo kuri.

³⁴ Mbe aba:nu nibamuindura ati, Eswe congu:ywe mu biragiro ati, Kristo kaba ario era kajanende na kajanende. ?Ka:we niki cinu ecikwaikya ati, Omwana wo mu:nu kumwiire okusungwa? ?Niwega unu Omwana wo mu:nu?

³⁵ Mbe Yesu nababwira ati, Jicasigaeo siku no:to obweru bucari kwimwe. Muribate mucari no bweru, ecisu:te casiga kubagwatira mu njira. Unu karibatira mu cisu:te atakumenya enu kagenda.

³⁶ Wora mucari no bweru, mwikirisye obweru, mube ba:na bo bweru. Mbe Yesu ejire amara okwaika ebyo, nagenda nabe:ibisa.

³⁷ Nawe nakabee kutyo ariga akorere ebibarikisyo byafu imbere yebwe, nawe batamwikirisisye.

³⁸ Korereki omusango gwo muragi Isaya ciku:misibwe cinu a:ikire ati, Ratabugenyi, ?niga unu e:kirisisye misango jeswe? ?No kuboko kwa Ratabugenyi kwasweruriywe ga?

³⁹ Nikwo bakorere nibatamibwa okwikirisya, okuba Isaya a:ikire rindi ati, Abaofufi:fye ame:so, nabakome:sya emitima jebwe, Nibarema okurora na me:so gebwe, No kusombo:kerwa ne mitima jebwe, bacu:ke korereki nibaonye.

⁴¹ Ebyo nibyo a:ikire Isaya okuba arorere rikusyo ryae, namwaika.

⁴² Nawe mu bakuru, ba:fu bamwikirisisye nawe batamutogoye kurwa Bafarisayo, bataja kukisibwa mu rikofyanyisyo.

⁴³ Okuba bendaga ecibaro ca ba:nu kukka ecibaro ca Nyamuanga.

⁴⁴ Yesu na:ikirira inguru na:ika ati, Unu kanyikirisya, atakwikkisya anye tari wuriya antumke.

⁴⁵ Unu kandora anye, kamurora wuriya antumire.

⁴⁶ Anye ne:jire okuba obweru bwa i:si, mu:nu wo:ne unu kanyikkisya asige kwikara mu cisu:te.

⁴⁷ Nawe unu kongwa emisango jani, narema okujigwata, anye nitakumutemera ci:na, okuba nite:jke kutemera i:si eci:na, tari kukisya i:si.

⁴⁸ Unu karema anye, narema okwikkisya emisango jani, ari na unu kamutemera eci:na. Omusango gunu na:ikire, nigwo gurimutemera eci:na ku rusiku rwa ku bute:ro.

⁴⁹ Okuba anye nita:ikaga kubwani, nawe Rata unu antumire, niwe andagiriye binu ena:ika na binu enigamba.

⁵⁰ Anye nimenyere ati, eckagiro cae nibwo buanga bwa kajanende. Mbe binu ena:ika anye, ena:ika rwa kutyo Rata ambwkiye.