Baeburania 1 - INDAGANO INYA:YA

Obukuru bwa Yesu Kristo

¹ Nyamuanga unu kara a:ikiriraga mu migabo myafu na mu nyami nyafu ku basaja mu baragi,

² Niwe mu siku jinu eja ku bute:ro a:ikiye neswe mu Mwana, unu ateeo kuba muri wo mwandu owa byone, mu:yo nimwo akoree ebyaro.

³ Oyo niwe okuse:ka:na kwa rikusyo ryae, no rususo rwae kata kutyo ari, na ka niwe agumisye ebi:nu byone no musango gwo buinga bwae. Oyo wejire amara okukora eco kwesya ebibi:bi, nenyanja ku kuboko kwe buryo okwa Nyabuinga mu rwire.

Kristo akirire ba:naraika

⁴ Naba akirire ba:naraika obure:si, okuba ari:ye omwandu ri:sina rye kisi kukira abo.

⁵ ?Okuba ku ba:naraika niga unu arabwiriywe ati, Awe uri Mwana wani Rero anye nakwibura? Na rindi ati, ?Anye ndabaga Esemwene, No mwene arabaga Mwana wani?

⁶ Na rindi anu kare:ta owo bubere mu:si, ka:ika ati, Bamaraika borne aba Nyamuanga bamuramyega.

⁷ Ku bya ba:naraika ka:ika ati, Oyo kakora ba:naraika bae miyaga, na bafurubendi bae kabakora mbesi ja muriro.

⁸ Nawe nabwira Omwana ati, Awe Nyamuanga, ecitebe cao ca iŋoma ni ca kajanende. Isimbo yo bukama bwao ni simbo yo burenge:esi.

⁹ Wendere oburengeresi nutamanganwa no burangirangi, Nyamuanga, niwe Nyamuanga wao kwakorere nakwitirira amafuta go kukonderwa kukira abe:ja:nyu.

¹⁰ Rindi na:ika ati, Awe Ratabugenyi, ku bwambiro wateeo musingi gwe caro, No rwire ni mirimu ja maboko gao.

¹¹ Ebyo biriwao, nawe awe uri:kara. Nebyo byone birikokora rwe cifwaro,

¹² Ka uribisinga rwo mugutu nibiindurwa rwe cifwaro, Nawe awe ouba mbwobwo mbwobwo, Ne myaka jao jitariwao.

¹³ ?Nawe arabwiriye maraika ki ati, Inyanja ku kuboko kwani okwe buryo, Kukinga runu ndikora abaremo bao Kuba rwe citebe ce bigere byao?

¹⁴ ?Abo bo:ne tari nijo emyoyo jinu ejifurubenda, nijitumwa okufurubendera banu abenda oku:ja okurya omwandu gwo mweruro?