1 Bakorinto 13 - INDAGANO INYA:YA

Okwenda kwe cimari kutyo kuri

¹ Nakabee nda:ika na jinyaika ja ba:nu ne ja ba:naraika, ke:nu nitana kwenda, eniba rwe cu:ma cinu ecirira, amwi rwa jindege jinu ejimwaya.

² Nakabee ndaba no buragi, no kumenya obumbise bwone, no bwengeso bwone, nakabee ndaba no kwikirisya kwonei ndijei ninso:syao ne bi:ma, ke:nu nitana kwenda, nitar, ci:nu.

³ Nakabee ndagaba binu ninabyo byone okubari:sya abataka, nakabee ndategayo omubiri gwani gwocibwe omuriro, ke:nu nitana kwenda, nitakubonamo ci:nu.

⁴ Okwenda okwigumirisyaga, kuri ne cigongo. Okwenda kutakujira efuwa, amwi kutakwiku:ya. Okwenda kutakutu:nu:na.

⁵ Okwenda kutakukora binu bite:ire. Kutakuyenja byakwo. Kutakubiirwa. Kutana ngwatira.

⁶ Kutakukondererwa ebyo bunyamusi, nawe okukondererwa mu bye cimari.

⁷ Okwigumirisya byone, okwikirisya byone, okwiikanya byone, okwikomeisya mu byone.

⁸ Okwenda kutana bute:ro anu ciribe:ra. Nawe amwi bukaba buri buragi buricweka. Amwi jikaba jiri nyaika jiritemekera. Amwi bukaba buri bwenge buriwao.

⁹ Okuba binu cimenyere bitaku:miye ka binu eciraga bitaku:miye.

¹⁰ Nawe ariba byaja ebiku:miye, binu bitaku:miye biriwao,

¹¹ Anu nariga nicari muto:to, na:ikaga rwo muto:to, ne:ganirisyaga rwo muto:to, ne:togeraga rwo muto:to. Wejire nakura, ninsiga ebyo butoito.

¹² Okuba woryanu ecirorera mwirore, atakurora kisi, nawe ariba ce:ya cirirorana kisikisi. Woryanu nimenyereko binu bitaku:miye, nawe ariba ce:ya nirimenya kata rwa kutyo anye one nimenyerwe kata.

¹³ Nawe woryanu kurio kwikirisya, no kwiikanya, no kwenda, ku busatu, nawe kwibyo cinu cikirire byone ni kwenda.