က︀ေႃလ︀ေႃတ︀ႄ 3 - Khamti Shan

¹ မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇ ꩬ︀ူမ︀ႆ︀ႛက︀ေႃႇ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇꩬ︀ီ ꩬ︀ူလ︀ွင︀်ႈမ︀ိူင︀်းက︀ၢင︀်ႈꩭၢဝ်ꩫ︀ႆ︀ႇၵ︀ဝ်ꩬ︀ိုင︀် ၵ︀ႂ်ႈꩡ︀ႂ်ႈက︀ꩫ︀်ႈတ︀ႃႉ။ မ︀ိူင︀်းဢ︀မ︀ႂ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် ပ︀ႃႛၵ︀ႃမ︀ိုဝ်းၸ︀ြႃးပ︀ီꩫ︀်ႈꩡ︀ဝ်ႛ တ︀ီႈဢ︀ꩫ︀်ႈမ︀ႅတ︀်ႉလ︀ူင︀်မ︀ႆ︀ႛ ꩫ︀င︀်ႈꩬ︀ီဢ︀ုပ︀်ႉပ︀ိုင︀်ဢ︀ူꩫ︀မ︀်။

² ꩬ︀ူ လ︀ွင︀်ႈမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ မ︀ဝ်ꩭွႆ︀ႛꩡ︀ႂ်ႈꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ မ︀ိူင︀်းက︀ၢင︀်ႈꩭၢဝ်မ︀ႆ︀ႛ ꩡ︀ႃႇꩬ︀ူꩭႅမ︀်းဝႆ︀ႇꩫ︀ႆ︀ႇၵ︀ဝ်မ︀ႆ︀ႛꩬ︀ိုင︀် ꩭွႆ︀ႛꩡ︀ႂ်ႈꩬ︀ီဢ︀ူက︀ꩫ︀်ႈတ︀ႃႉ။

³ ꩬ︀ူယ︀ႃႇ လ︀ုက︀်ႉမ︀ိူင︀်းက︀ၢင︀်ႈမ︀ႆ︀ႛ တ︀ႆ︀ၢႈက︀ႃꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩬ︀ၢက︀်ႉမ︀ႂ်ꩬ︀ူမ︀ႆ︀ႛ တ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ဝ်ႈမ︀ႅပ︀်ဝႆ︀ႇဢ︀ူ။

⁴ ဢ︀ꩬ︀ၢက︀်ႉꩬ︀ူတ︀ေႇတ︀ေႇယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။ မ︀ိူဝ်ႈမ︀ꩫ︀်းꩡ︀ဝ်ႛ မ︀ိူင︀်းက︀ၢင︀်ႈမ︀ႆ︀ႛပ︀ျႃးတ︀ူဝ်ႈꩬ︀ီ က︀ျွႃးပ︀ွက︀်ႉမ︀ႃးꩫ︀ႆ︀ႇ ꩬ︀ူက︀ေႃႇ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩭၢပ︀်ႉꩬ︀ီ တ︀င︀်းမ︀ꩫ︀်းꩡ︀ဝ်ႛတ︀ီꩫ︀ႆ︀ႛꩭူမ︀်ႈဢ︀ူꩫ︀မ︀်။

လ︀ွင︀်ႈꩡ︀ူဝ်ႈတ︀ႃႈဢ︀ꩬ︀ၢက︀်ႉဢ︀ꩫ︀်ႈက︀ဝ်ꩫ︀ၵ︀ႃဢ︀ꩫ︀်ႈမ︀ႂ်

⁵ င︀ႆ︀းꩫ︀ႆ︀ႇꩬ︀ီ လ︀ုက︀်ႉꩫ︀ႂ်းꩬ︀ူမ︀ႆ︀ႛ တ︀ၢင︀်းက︀ႅင︀်းမ︀ိူင︀်းက︀ၢင︀်ႈ ဢ︀ꩫ︀်ႈꩭွင︀်က︀ႃမ︀က︀ုင︀်၊ ဢ︀ꩫ︀်ႈꩫ︀င︀်ꩫ︀ိူဝ်ႇမ︀ိူဝ်ႛꩫ︀က︀ꩫ︀်ႈꩭီတ︀်မ︀ေထုင︀်၊ ဢ︀ꩫ︀်ႈက︀ႃႛမ︀ပ︀ူꩫ︀်ႇၸ︀ိင︀်ႛ၊ ဢ︀ꩫ︀်ႈၵ︀ႂ်ႈꩭီတ︀်ဢ︀ꩫ︀်ႈမ︀ဝ်ꩫ︀ီႈ၊ ဢ︀ꩫ︀်ႈလ︀ေႃးၸ︀ႃးယ︀ႂ်ꩫ︀ႆ︀ႇၵ︀ဝ် ဢ︀ဝ်ႈၵ︀ွတ︀်မ︀ူတ︀်ꩰက︀ꩫ︀်ႈတ︀ႃႉ။ ဢ︀ꩫ︀်ႈလ︀ေႃးၸ︀ႃးယ︀ႂ်ꩫ︀ꩫ︀ႆ︀ႇ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈၸ︀ꩫ︀်းလ︀ိူင︀်ႈꩫ︀မ︀်။

⁶ လ︀ႆ︀ၢးပ︀ိူဝ်ႈဢ︀ꩫ︀်ႈꩭင︀်ႛဢ︀မ︀ႂ်းၵ︀ဝ်ꩬ︀ီ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ထွမ︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛတ︀ီပ︀ူင︀်ႈတ︀ၢမ︀်ꩫ︀မ︀်။

⁷ မ︀ိူဝ်ႈင︀ႃးပ︀ုꩫ︀်ႛ မ︀ိူဝ်ႈꩬ︀ူꩫ︀င︀်ၵ︀ဝ်ꩫ︀က︀ꩫ︀်ႈဢ︀ူမ︀ႃးꩫ︀ႆ︀ႇယ︀ႃႇ ꩬ︀ူၸ︀ူႛꩡ︀ဝ်ႛမ︀ႆ︀ႛက︀ေႃႇ ꩫ︀င︀်ၵ︀ဝ်ꩫ︀က︀ꩫ︀်ႈ ꩡ︀ႂ်ႈꩭင︀်ႛဢ︀မ︀ႂ်းၵ︀ဝ် ပ︀ေႇထူမ︀်ႛတ︀ူဝ်ႈမ︀ႃးဢ︀ူ။

⁸ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇꩬ︀ူ ဢ︀ꩫ︀်ႈတ︀ေႃးꩬ︀ႃးက︀ꩫ︀်ႈ၊ ဢ︀ꩫ︀်ႈပ︀ၢဝ်က︀ꩫ︀်ႈဢ︀ိဝ်က︀ꩫ︀်ႈ၊ ဢ︀ꩫ︀်ႈꩡ︀င︀်းက︀ꩫ︀်ႈꩫ︀ႆ︀ႇၵ︀ဝ် ၵ︀ွတ︀်မ︀ူတ︀်ꩰက︀ꩫ︀်ႈတ︀ႃႉ။ ၵ︀ၢမ︀်းဢ︀ꩫ︀်ႈဢ︀ဝ်ႈꩬ︀ူဝ်ႇက︀ꩫ︀်ႈ၊ ၵ︀ၢမ︀်းဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်က︀ေႃႇ ပ︀ီဝႃႈပ︀ိူင︀်ႈလ︀ူင︀်။

⁹ ပ︀ီၸ︀ႅတ︀်ႉက︀ꩫ︀်ႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူယ︀ႃႇ က︀ူꩫ︀်းက︀ဝ်ꩫ︀ႆ︀ႇ လ︀ွꩫ︀်ႛၵ︀ွတ︀်လ︀ေႚလ︀ေႚꩬ︀ီ

¹⁰ ꩫ︀ုင︀်ႈက︀ူꩫ︀်းမ︀ႂ်က︀ꩫ︀်ႈယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူဢ︀ꩫ︀်ႈပ︀ီꩫ︀်ႈက︀ူꩫ︀်းမ︀ႂ်က︀ႃꩫ︀ႆ︀ႇၵ︀ဝ်မ︀ႆ︀ႛ တ︀ၢင︀်းက︀ႅင︀်းမ︀ꩫ︀်းꩡ︀ဝ်ႛꩭႂ်ႛပ︀ူဝ်းယ︀င︀်းမ︀ႃး၊ မ︀ꩫ︀်းꩡ︀ဝ်ႛမ︀ႆ︀ႛꩭႂ်ႛပ︀ူဝ်းတ︀ွင︀်းက︀ုမ︀်ꩰမ︀ႃးꩫ︀ႆ︀ႇ လ︀ႆ︀ၢႈဢ︀ဝ်ႈမ︀ႂ်ꩬ︀ီဢ︀ူꩫ︀မ︀်။

¹¹ င︀ႆ︀းꩫ︀ႆ︀ႇꩬ︀ီ က︀ျူးင︀ႆ︀းဢ︀ꩫ︀်ႈက︀ျူးမ︀ဝ်ꩡ︀ႂ်ႈ၊ က︀ူꩫ︀်ႈဢ︀ꩫ︀်ႈမ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩭၢပ︀်ႉဢ︀ဝ်ႈင︀ႆ︀း ဢ︀ꩫ︀်ႈမ︀ဝ်ꩭၢပ︀်ႉဢ︀ဝ်ႈ၊ က︀ူꩫ︀်းမ︀ိူင︀်းပ︀ိူꩫ︀်ႈ၊ က︀ူꩫ︀်းꩭေ၊ ၸ︀ူႛၵ︀ႃႛ၊ က︀ူꩫ︀်းလ︀ွတ︀်ႉꩫ︀ꩫ︀ႆ︀ႇၵ︀ဝ်ꩵ︀ႈယ︀င︀်းယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩫ︀ိူဝ်တ︀င︀်းမ︀ိူင︀်းမ︀ႆ︀ႛ ပ︀ီꩫ︀်ႈဢ︀ꩫ︀်ႈၵ︀ႅꩫ︀်းလ︀ႅင︀်ႇꩬ︀ီ က︀ꩫ︀်ႛꩫ︀ႂ်းꩬ︀ူက︀ူႈက︀ူဝ်ႇမ︀ႆ︀ႛၵ︀ိင︀်းꩬ︀ီဢ︀ူꩫ︀ႆ︀ႇꩫ︀မ︀်။

¹² ꩬ︀ူက︀ေႃႇ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ꩬ︀ူမ︀ႆ︀ႛ မ︀ꩫ︀်းꩡ︀ဝ်ႛꩭၢက︀်ႉꩬ︀ီ လ︀ိူက︀်ႉဢ︀ဝ်ႈပ︀ီꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛဝႆ︀ႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူ ꩫ︀ီႈက︀ꩫ︀်ႈ၊ ꩡ︀ွႆ︀ႈက︀ꩫ︀်ႈ၊ က︀ွမ︀်းꩫ︀ွမ︀်းက︀ꩫ︀်ႈ၊ ဢ︀ူꩫ︀်ႛꩥ︀ေႈက︀ꩫ︀်ႈꩬ︀ီ ꩡ︀ႂ်ႈယ︀ၢဝ်းက︀ꩫ︀်ႈတ︀ႃႉ။

¹³ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩬ︀ေးၵ︀ၢမ︀်ꩬ︀ီ ဢ︀ꩫ︀်ႈဝႃႈတ︀ၢင︀်ဢ︀ပ︀ႅတ︀်ႉက︀ꩫ︀်ႈယ︀င︀်းꩫ︀က︀ေႃႇ ဢ︀ပ︀ႅတ︀်ႉပ︀ွႆ︀ꩭႂ်ႛက︀ꩫ︀်ႈတ︀ႃႉ။ ꩫ︀င︀်ꩬ︀ူမ︀ႆ︀ႛ ꩡ︀ဝ်ႛၵ︀ရ︀ီတ︀်ဢ︀ပ︀ႅတ︀်ႉ ပ︀ွႆ︀ꩭႂ်ႛꩫ︀က︀ꩫ︀်ႈ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ဝႃႈပ︀ွႆ︀ꩭႂ်ႛက︀ꩫ︀်ႈꩫ︀မ︀်။

¹⁴ ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉယ︀ႃႇ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈꩭၢက︀်ႉက︀ꩫ︀်ႈတ︀ႃႉ။ ꩬ︀ူꩭၢက︀်ႉက︀ꩫ︀်ႈက︀ီး ꩬ︀ူတ︀င︀်းမ︀ိူင︀်း ꩫ︀င︀်က︀ူဝ်ႇလ︀ိူင︀်ႈꩫ︀ႆ︀ၢႈꩫ︀က︀ꩫ︀်ႈ ၸ︀ွမ︀်ႇလ︀ွမ︀်ႈက︀ꩫ︀်ႈလ︀ေႚလ︀ေႚမ︀ႃးဢ︀ူ။

¹⁵ ꩬ︀ူမ︀ႆ︀ႛဢ︀ဝ်ႈထုက︀်က︀ꩫ︀်ႈꩫ︀ႆ︀ႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩬ︀ူꩭီတ︀်က︀ꩬ︀င︀်ꩫ︀က︀ေႃႇ ꩭႂ်ႛပ︀ူဝ်းက︀ၢပ︀်ꩬ︀ီ ထုက︀်က︀ꩫ︀်ႈက︀ႃꩫ︀ႆ︀ႇꩬ︀ိုင︀် ꩫ︀တ︀်ꩬ︀ီꩭီတ︀်က︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛꩫ︀င︀်က︀ူဝ်ႇလ︀ိူင︀်ႈꩫ︀ႆ︀ၢႈꩫ︀က︀ꩫ︀်ႈ ꩭႂ်ႛပ︀ူဝ်းပ︀ီꩫ︀်ႈꩫ︀ႆ︀ႇ ꩭွင︀်ႇဝႆ︀ႇမ︀ႃးꩫ︀မ︀်။ င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

¹⁶ က︀ꩫ︀်ႛꩫ︀ႂ်းꩭူဝ်ꩡ︀ႂ်ႈꩬ︀ူမ︀ႆ︀ႛ ၵ︀ၢမ︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩬ︀ႂ်ဢ︀ဝ်ႈတ︀ီမ︀်ႈꩰဝႆ︀ႇက︀ꩫ︀်ႈတ︀ႃႉ။ ၵ︀ၢမ︀်းဢ︀မ︀ႂ်း က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈက︀ေႃႇ က︀ႃႈꩫ︀င︀်ꩥ︀ႅꩫ︀်ယ︀င︀်းꩫ︀ႆ︀ႇ ꩬ︀ွꩫ︀်က︀ꩫ︀်ႈ၊ ꩥ︀ႅပ︀်ႉက︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈၵ︀ၢမ︀်းꩬ︀ႃလ︀ၢမ︀်၊ ဢ︀ဝ်ႈၵ︀ၢမ︀်းဢ︀ꩫ︀်ႈယ︀ူဝ်းယ︀ွင︀်ႛ က︀ူႈၸ︀ꩫ︀်းꩰဢ︀ွေꩬ︀ီ လ︀ုက︀်ႉꩫ︀ႂ်းꩡ︀ႂ်ႈꩬ︀ူမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

¹⁷ ꩬ︀ူယ︀ႃႇ ပ︀ီꩫ︀်ႈၸ︀ူႛတ︀ၢင︀်ႈတ︀ူဝ်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ꩭီတ︀်က︀ꩬ︀င︀်၊ ဝႃႈက︀ꩬ︀င︀်ꩫ︀က︀ေႃႇ ꩫ︀င︀်မ︀ꩫ︀်းꩡ︀ဝ်ႛဢ︀လ︀ၢင︀်းယ︀င︀်းꩫ︀က︀ꩫ︀်ႈ ꩭီတ︀်တ︀ႃႉ။ လ︀ၢႆ︀းပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

ၵ︀ၢမ︀်းꩬ︀ွꩫ︀်ꩬ︀င︀်ၸ︀ူဝ်မ︀ေး၊ ပ︀ူဝ်ႈမ︀ေႈလ︀ုက︀်ႉင︀ႆ︀းꩡ︀ဝ်ႛထꩫ︀ီတ︀င︀်းၸ︀ူႛꩡ︀ႂ်ႇ

¹⁸ မ︀ေႈꩭိူꩫ︀်းၵ︀ဝ်ꩴ︀း ꩬ︀ူပ︀ီꩫ︀်ႈၸ︀ူႛယ︀ုမ︀်ယ︀မ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ၵ︀ၢမ︀်းပ︀ူဝ်ႈꩭိူꩫ︀်းꩬ︀ူꩫ︀ႆ︀ႇၵ︀ဝ်မ︀ႆ︀ႛ ထွမ︀်က︀ꩫ︀်ႈတ︀ႃႉ။

¹⁹ ပ︀ူဝ်ႈꩭိူꩫ︀်းၵ︀ဝ်ꩴ︀း မ︀ေႈꩭိူꩫ︀်းꩬ︀ူမ︀ႆ︀ႛꩭၢက︀်ႉꩭွမ︀်က︀ꩫ︀်ႈတ︀ႃႉ။ ၵ︀ဝ်မ︀ႆ︀ႛ ပ︀ီꩭတ︀်ꩰက︀ႅမ︀်းꩰ။

²⁰ လ︀ုက︀်ႉလ︀ၢင︀်းၵ︀ဝ်ꩴ︀း ꩬ︀ူပ︀ီꩫ︀်ႈၸ︀ူႛယ︀ုမ︀်ယ︀မ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ၵ︀ၢမ︀်းပ︀ူဝ်မ︀ေꩬ︀ူမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ထွမ︀်က︀ꩫ︀်ႈတ︀ႃႉ။ င︀ႆ︀းက︀ီး ၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈဢ︀ူ။

²¹ ၸ︀ူႛပ︀ီꩫ︀်ႈပ︀ူဝ်မ︀ေၵ︀ဝ်ꩴ︀း ဢ︀ꩫ︀်ႈလ︀ုက︀်ႉလ︀ၢင︀်းꩬ︀ူꩭီတ︀်ꩫ︀ႆ︀ႇၵ︀ဝ် က︀ူႈꩡ︀ိပ︀်ႉက︀ူႈလ︀ိပ︀်ႉမ︀ႆ︀ႛ ပ︀ီတ︀ၢင︀်ဢ︀ပ︀ႅတ︀်ႉၸ︀ႅဝ်။ င︀ႆ︀းက︀ီးၵ︀ဝ် ဢ︀ꩫ︀်ႈꩬ︀ိုဝ်ႈဢ︀ꩫ︀်ႈꩡ︀ႂ်ႈꩫ︀ႆ︀ႇ မ︀ိူဝ်ႈလ︀ႂ်ႈက︀ေႃႇ ꩭီတ︀်ꩵ︀ႈပ︀ီꩫ︀်ႈꩫ︀ꩬ︀ီ ꩡ︀ႂ်ႈၸ︀ေႛက︀ႃဢ︀ူ။

²² ၸ︀ူႛꩡ︀ႂ်ႇၵ︀ဝ်ꩴ︀း က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ၵ︀ၢမ︀်းꩡ︀ဝ်ႛထꩫ︀ီꩬ︀ူထွမ︀်က︀ꩫ︀်ႈတ︀ႃႉ။ မ︀ိူဝ်ႈၵ︀ဝ်ꩭꩫ︀်ꩫ︀ၢႆ︀ႈꩬ︀ိုင︀် ပ︀ီꩭႅꩫ︀်းꩭီတ︀်ထွမ︀်က︀ꩫ︀်ႈ။ ꩬ︀ူလ︀ႆ︀ၢးပ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ူဝ်ႈယ︀မ︀်ႈꩫ︀ႆ︀ႇꩬ︀ီ ၵ︀ၢမ︀်းၵ︀ဝ်ꩬ︀ိုဝ်ႈꩰတ︀ူဝ်ꩰထွမ︀်က︀ꩫ︀်ႈတ︀ႃႉ။

²³ ꩬ︀ူꩭီတ︀်က︀ꩬ︀င︀်ꩫ︀က︀ေႃႇ ꩡ︀ႃႇꩡ︀ဝ်ႛက︀ူꩫ︀်းꩫ︀ႆ︀ၢႈမ︀ဝ်ꩡ︀ႂ်ႈꩬ︀ီ ꩫ︀င︀်ꩡ︀ႃႇꩡ︀ဝ်ႛယ︀ေꩬ︀ုꩫ︀က︀ꩫ︀်ႈ တ︀င︀်းꩡ︀ႂ်ႈတ︀င︀်းၵ︀ူဝ်း ꩭီတ︀်က︀ꩫ︀်ႈတ︀ႃႉ။

²⁴ ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩬ︀ူးဢ︀ꩫ︀်ႈမ︀ꩫ︀်းꩡ︀ဝ်ႛ ꩡ︀ႃႇက︀ူꩫ︀်းမ︀ꩫ︀်းꩡ︀ဝ်ႛၵ︀ဝ်ꩭႅမ︀်းဝႆ︀ႇꩫ︀ႆ︀ႇ ꩬ︀ူမ︀ႆ︀ႛတ︀ီပ︀ူင︀်ႈꩭႂ်ႛꩫ︀မ︀်ꩫ︀ꩫ︀ႆ︀ႇ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ ꩡ︀ဝ်ႛꩬ︀ူတ︀ေႇတ︀ေႇꩫ︀မ︀်။

²⁵ က︀ူꩫ︀်းဢ︀ꩫ︀်ႈꩭီတ︀်ၸ︀ိတ︀်ꩫ︀ႆ︀ႇၵ︀ဝ်ယ︀ႃႇ ꩡ︀ႃႇဢ︀ꩫ︀်ႈၸ︀ႂ်မ︀ꩫ︀်းၸ︀ိတ︀်ꩫ︀ႆ︀ႇ ၸ︀ႂ်မ︀ꩫ︀်း တ︀ီꩫ︀ႆ︀ႛၵ︀ၢမ︀်တ︀ၢမ︀်ဢ︀ပ︀ႅတ︀်ႉꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ႂ်မ︀ႆ︀ႛက︀ေႃႇ မ︀ဝ်ꩫ︀ူႈꩫ︀ႃႛꩬ︀ီ က︀ူꩫ︀်းက︀ူႈက︀ူဝ်ႇမ︀ႆ︀ႛ တ︀ီပ︀ႅတ︀်ႉတ︀ြႃးၵ︀ိူင︀်ႈꩰꩫ︀မ︀်။