Цецн селвгүд 18 - Хальмг келнд орчулсн Әрүн Бичлһс

¹ Иньгсг биш күн – сансан кенә, сән селвг өгснд – уурлна.

² Муңхг күн медрлд дурго, болв эврәннь тоолвран келхдән дурта.

³ Хорта йовдл һарһдг күн ирхләг, терүнә дорацуллһн чигн ирнә. Ичр уга йовдлла хамдан му нерн ирнә.

⁴ Күүнә үг – гүн уснла әдл, цецнә булгнь – һооҗҗах урсхул.

⁵ Хорта күүнд түшг боллһн – му йовдл, эс гихлә үннч күүнә зарһинь чикәр кеҗ өглго бәәлһн болҗана.

⁶ Һәргтә күүнә келн цүүгәнд күргнә, терүнә келсн үг ноолда татна.

⁷ Муңхг күүнә келнд бийиннь үкл, терүнә келсн үгд бийиннь бәрән бәәнә.

⁸ Ховчин келн әмтәхн хотла әдл, күүнә дотр – гүүнднь орна.

⁹ Хуурмг көдлмшч эвдәд тарадг күүнлә әдл.

¹⁰ Деед Эзнә нерн – күчтә башнь: терүн дотр үннч күн хорһдх, әмтн терүнд күрч чадшго.

¹¹ Байн күн өлг-эдән шивәнь гиҗ санҗана, байнд тернь әмтн күрч чадшго эрс болҗ медгдҗәнә.

¹² Ик сана зүүхлә, зовлң һардг, номһн бәәдләс туурмҗ эклнә.

¹³ Күццднь соңслго хәрү өглһн – зуг һәргллһн болн ичр болҗана.

¹⁴ Бат седвәртә күн шалтган диилх, болв седкл үрүдхлә яахмб?

¹⁵ Ухата күүнә зүркн медрл хоршана, цецн күн медрл хәәнә.

¹⁶ Бәрсн бәрц хаалһ секнә, нойн күүнд орх зөв өгнә.

¹⁷ Марһа булалдҗах күн зүтклдәнд эс ортл, цүүгәнд түрүләд сурвр тәвснь зөвтә.

¹⁸ Татсн җирв зүтклдәнә эвинь олна, күчтә дөрлдән әмтнә төриг хаһлна.

¹⁹ Һундсн күн – өөрдҗ болшго шивә, цүүгән болхла – үүднә көндлң модн төдг.

²⁰ Келсн үгин чинрәс күн ханна: келәрн олснд цадхлң бәәнә.

²¹ Келнә күчнәс җирһл болн үкл ирдг, терүнлә үүрлснь – чинринь эдлдг.

²² Гергән олҗ авсн күн – зөөрән олҗ авна, Деед Эзнә йөрәл авна.

²³ Угатя күүнә келснь эрлһ болдг, болв модьрун үг байн күүнә хәрүд бәәдг.

²⁴ Худлахар иньг болхар седҗәх күүнәс олн-әмтн сә үздго, болв йосн нәәҗин хәәрлт ах-дүүһинәс бат.