Псалмс 147 - Хальмг келнд орчулсн Әрүн Бичлһс

¹ Ерусалим, Деед Эзиг магт! Сион, бийиннь Бурхиг магт!

² Тер чини үүднә түшәһинь батлҗана, Чини улсиг әдслҗәнә,

³ Чини эргнд төвкнүн бәәдл батлҗана, Чамаг сән буудян хотар цадхҗана.

⁴ Бийиннь заквран Тер һазр тал илгәҗәнә. Терүнә үгиг цугтан шулуһар күцәҗәнә.

⁵ Һазриг Тер бүркәһәр мет цасар бүркҗәнә. Үмс цацсн мет цаң асхҗана.

⁶ Деед Эзн чолуд хайҗасар теңгрәс мөндр хайҗана, Терүнә киитнд кен тесхмб?

⁷ Терүнә илгәсн үгәс цугнь хәәлх, Терүнә көдлгсн салькнас усн гүүх.

⁸ Деед Эзн Бийиннь үгән Яковд зәңглв, Бийиннь заавран болн закаһан Израильдан бәрүлв.

⁹ Талдан улст Тер тиим юм кесн уга, Терүнә закаһинь тедн медхш. Деед Эзиг магттн!