Псалмс 146 - Хальмг келнд орчулсн Әрүн Бичлһс

¹ Деед Эзиг магттн! Мана Бурхнд дууһан өргсн ямаран өлзәтә, Терүг күндлҗ болм магтал келсн йир сән.

² Деед Эзн Ерусалимиг босхҗана, Израилин туугдсн әмтиг хәрү цуглулҗ авна.

³ Деед Эзн зүркәрн үрүдсн күүг эдгәнә, Теднә шавиг эмннә.

⁴ Теңгртк оддын тооһинь күцәв, Тедниг нерәрнь келнә.

⁵ Мана Деед Эзн алдр! Терүнә күчнь кемҗән уга! Терүнә ухань ик аһу!

⁶ Деед Эзн даҗргдсн күүг өөдлүлнә, Килнцтә күүг һазрт күргҗ дорацулна.

⁷ Деед Эзнд ханлтан өргәд дуултн, Мана Бурхнд ятх татад дуултн.

⁸ Деед Эзн теңгриг үүләр бүркнә, Һазрин төлә хур белднә, Уулмуд деер ноһа урһана.

⁹ Деед Эзн аңгудт хот өгнә, Бийән дуудсн керән һууҗмулд хот өгнә.

¹⁰ Деед Эзн мөрнә чидлднь байрлҗахш, Күүнә зөргт шилтҗәхш,

¹¹ Деед Эзн Бийән күндлҗәх, Терүнә итклтә дурнд нәәлҗәх кү таасна.