Псалмс 14 - Хальмг келнд орчулсн Әрүн Бичлһс

Давидин псалм.

¹ Деед Эзн, Тана өргә герт Кен орҗ чадхмб? Тана әрүн уул Сион деер Кен мөргҗ чадхмб?

² Һаң угаһар бәәһәд чик йовдл һарһдг, Зүркнәсн үннәр келдг,

³ Келәрн хов тархадго, Үүртән хар сандго, Нәәҗнрән му келдго,

⁴ Бурхнд дурго болдг улст дурго күн, Бурхнд шүтдг улст дурта, Өгсн андһаран зовлңла харһв чигн эвддго күн,

⁵ Мөңгән өгйәһәр өгхләрн, Терүнәсн олз хәәдго, Килнц уга күүг бәрүлхин төлә авлһ авдго күн батта күн.