Псалмс 136 - Хальмг келнд орчулсн Әрүн Бичлһс

¹ Бидн Сионан санхларн, Вавилона һолын көвәд сууһад уульдг биләвидн.

² Бидн ятхан көндәлго, Уласн модна ац деер өлгдг биләвидн.

³ Бәрәнд бәрсн әмтн мадниг дуулулхар седцхәв. Мана хортн Сиона байрта дууһар Бийән нәәрлүлтхә гиҗ маднас некцхәв.

⁴ Талын һазрт бидн яһҗ Деед Эзнә дуд дуулцхахмби?

⁵ О, Ерусалим, кемр би чамаг мартхла, Мини барун һар эрдминнь билгән марттха!

⁶ О, Ерусалим, чини тускар би эс ухалхла, Чамар би хамгин күчтә байран эс кехлә, Мини келн таңнадан наалдтха.

⁷ О, Деед Эзн, Ерусалимиг нурсн өдр Едомин улс: «Хамхлтн! Ул күртлнь хамхлтн!» – гиҗ хәәкрсиг тодлтн.

⁸ Вавилон, чи хоосрулдг балһснч! Чини һарһсн йовдларчнь Чамаг засглсн күн әдс авх.

⁹ Чини нилх үрдиг Чолунд цокад күүчсн күн әдс авх.