Псалмс 129 - Хальмг келнд орчулсн Әрүн Бичлһс

Өөдлһнә дун.

¹ Арһан бархларн би, Деед Эзн, таниг дуудҗанав.

² О, Деед Эзн, мини дуудвр соңстн. О, Деед Эзн, цаһан санаһан Нанд күртәхитн сурҗахд оньган өгтн.

³ О, Деед Эзн, кемр Та Кесн килнцин тоог тоолхла, Кен цевр һархмб?

⁴ Та, болв, әмтнә килнц тәвҗ өгнәт, Таниг күндлнә.

⁵ Би Деед Эзиг йир икәр күләҗәнәв. Би Терүнә өгсн үгд нәәлҗәнәв.

⁶ Манач күн өр цәәлһиг күләҗәснәс икәр Мини седкл Деед Эзиг күләҗәнә. Маначас икәр күләҗәнә.

⁷ О, Израиль, Деед Эзнд нәәл! Деед Эзнә дурн итклтә, Деед Эзнә аврлт элвг.

⁸ Тер Эврән Израилиг Цуг килнцәснь сулдхх.