Псалмс 128 - Хальмг келнд орчулсн Әрүн Бичлһс

Өөдлһнә дун.

¹ Баһ цагасм намаг Басл даҗрҗ йовла. Болв, Израиль:

² – Баһ цагасм намаг Басл даҗрҗ йовла, Даҗрв чигн намаг Диилҗ чадсн уга.

³ Даҗрачнр нурһим керчәд, Гүн шарх һарһла. Тернь хаһлсн һазрин бәәдлтә.

⁴ Болв Деед Эзн чик седклтә. Тер намаг килнцтә әмтнә Мухла болҗаснас сулдхв, – гиҗ давт.

⁵ Сионд дурго улс диилгдәд, Цугтан хәрү йовулгдад ичәгдтхә.

^6-7 Урһхасн урд хагсч одсн, Му һазра өвсн мет, Тедн күүнд керг уга болтха. Терүг күн хадҗ авхш, Терүгәр күн боодг кехш.

⁸ «Деед Эзнә әдс таднд тустха! Деед Эзнә нерәр тадниг Бидн әдслҗәнәвидн», – гиҗ Талдан улс бичә келтхә.