Псалмс 126 - Хальмг келнд орчулсн Әрүн Бичлһс

Соломона дуулдг өөдлһнә дун.

¹ Кемр Деед Эзн гер эс босххла, Тосхачнр киидән көдлнә. Кемр Деед Эзн балһсд эс манхла, Манач киидән харулан чаңһаҗана.

² Өдмг идхин төлә тадн Киидән эрт боснат, ора унтнат, кинҗ көдлҗәнәт. Деед Эзн дурта күүндән, унтад кевтсн бийнь, терүнд өдмг өгнә.

³ Бичкдүд Деед Эзнәс ирҗәх белг болҗана. Экин геснд бәәх нилх – Терүнә ачлвр болҗана.

⁴ Күүнә баахн наста үрд дәәчин һартк Саадгин сумнла әдл болҗана.

⁵ Олн үртә күн кишгтә! Олна цутхлңд хортнлаһан күүндхләрн, Тедн ичҗәхш.