Псалмс 125 - Хальмг келнд орчулсн Әрүн Бичлһс

Өөдлһнә дун.

¹ Туугдсн улсиг Деед Эзн бәрәнәснь Сион тал герүрнь хәрүлҗәсн цагт Бидн зүүд үзҗәсәр бәәввидн.

² Тиигхд бидн дегд байрлвидн, Тегәд байрлсндан дуулвидн. Тиигхд талын улс келцхәв: «Теднә төлә Деед Эзн алдр керг күцәв».

³ Э, э, Деед Эзн алдр керг күцәв, Энүнднь бидн йир байрлҗанавидн.

⁴ О, Деед Эзн, хагссн көдән һолмудт Ус орулҗах мет, Та туугдсн наадк улсиг герүрнь хәрүлтн.

⁵ Нүдндән нульмста көдлсн улс Нам байртаһар хәәкрҗ ачлвран автха.

⁶ Тәрәнә экиг уульн авч йовсн улс, Урһцан үүрәд, герүрн хәрү Байртаһар дуулҗ ирх.