Псалмс 124 - Хальмг келнд орчулсн Әрүн Бичлһс

Өөдлһнә дун.

¹ Деед Эзнд нәәлҗәх күн Сион уулла әдл көндршго, Тер мөңкинд бәәх.

² Уулмуд Ерусалимиг яһҗ бүслҗәнә, Түүшң Деед Эзн Эврәннь улсан Эндрәс авн мөңкинд халхлҗана.

³ Чик седклтә улс Бурхна заавр эвдшгон төлә, Эврәннь әмтнд Бурхна өгсн һазр деер Килнцтә улсин йосн оньдинд бәәшго.

⁴ О, Деед Эзн, Соңсхврта, чик седклтә улст Цаһан санаһан күртәҗ әдслтн.

⁵ Болв Тана хаалһас хаҗисн улсиг көөтн. Тедн хар саната улста хамдан засглгдтха. Израильд төвкнүн бәәдл учртха.